Page Text
________________
५२ बंभयत्तचक्कवट्टिचरियं ।
२१३
एस
वयणासणिणा मोहमइगओ णरवइ' त्ति भणमाणेहिं पुणो पुणो कर चलणचवेडाचमढणातीहिं दढं ताडिओ भणिउमाढत्तो-ण खलु मम कवकरणम्मि अन्वगमो, किंतु मम दुरासापिसाइयाकूडमंतो व लोहभुयंगमकरंडउ रिसिणा मम दिष्णो पाढविसेसो । तात्रय सिसिराणिलजलद्दापओएण समासत्थो राया । णिवारिओ पयपहारातीण उज्जाणवालो, भणिओ य-क्रिमेयं तुमए कयं सिलोयद्धमणेण वा केणइ ? । भणियं च तेण - पत्थिव ! ण मए कर्य, रिसिणा मे पणामियं । रोइणा भणियं कहिं कहिं सो मुणिवरो ? | इयरेण भणियं-मणोरमुज्जाणे । तओ रौइणा मउड विणा कडय-केऊरालंकाराइयं दिष्णं पारिओसियमुज्जाणवालस्स । दाऊण पयट्टो णियविहवसमुदएण साहुगो समीवं । कहं ? -
सरहस मिलतसामंतपोत्तबहलुप्फुसन्तबाहजलो । वरवारविलयकरकलियचारु चमरुद्धयकलावो ॥ २४ ॥ चारुयकरिणिसमारूढमणहरंतेउराहरियपासो । पासपरिद्वियगंडयलगलियमयगलमिलंत भमरउलो ।। २५ ॥ परिमंदमंजुमंजीरघोससंगलियसंदणसमूहो । चलचमरकयाणणसोहतरल तोरवियह यथट्टो ।। २६ ।। पाइक्कचलणचप्पणत्रिसंखलुच्छ लियबहलहलबोलो । वरबंदिसद्दसुव्वंतचक्कि गुणगणकयासंसो ॥ २७ ॥ इयराओ णीहरइ बलभरुद्द लियकुवलयद्धंतो । सिसिरो व्व वेरिकमलायराण भरहाहिवो सहसा ॥ २८ ॥ अत्रिय
उब्भडपुंडरीयपरिपंडुरफुडडिंडीरपिंडओ, दरियतुरंगत्रग्गिरुव्वेल्लियगहिरतरंगचंडओ ।
गुरुकरिमरपहरपक्खो हियणरवरदच्छमच्छओ, कयकल्लोल बहलबलजलभरपूरियधरणिकच्छओ ॥ २९ ॥ बंदिणजयकल्लोलओ, वेलाउलए व्व साहुमूलयम्मि । अल्लियइ भरहणाहओ, रयणायरओ व्व रयणएर्हि जुत्तओ ॥ ३० ॥ पत्तोय सपरिओसो साहुसमीचम्मि । मणिमउडणिहसंमैसिणियपाय पंकरण पणमिओ । पणामुहिओ य थुणिउमादत्तोजय विच्छड्डिय संसारवासवासंगकारणाणन्त ! | जय सयलबंधुनेहोहणियलणिद्दारणसमत्थ ! ॥ ३१ ॥ जय दुद्धरधरियतवोविहाणकयतणुयकम्ममलपडल ! | गरुयाभिग्गहधारणकिसीकयाणंगसंगुग्ग ! ॥ ३२ ॥ दुव्वारकसायकिलिस्समाणभव्त्राण कयपरित्ताण ! । हिययपसरन्तझाणग्गिदड्ढविसयासवाबंध ! ।। ३३ । इय पुप्फवतीपण मणहरंतेउरेण परियरिओ । पणओ णमन्तसामन्तमउलिमालं महीणाहो ॥ ३४ ॥
पुणो पुणो बहुभत्रसंभूयसंभरियसिणेहपसरो छिष्णमुत्तावलीगलं तमुत्ताहलविन्भमाई मुयन्तो दूसहपियत्रिओयजैणिArt and बहलंसुसलिलाई परुष्णो णराहिवो । तओ देवीहिं संलत्तं णरणाह ! किमेयमकयपुत्रं तुम्हाण ववसियं ? । ओ संवरियबाहपसरेण भणियं राइणा-देवीओ ! एस मे भाया होइ। ताहिं भणियं कहं चिय ? | पत्थिवेण भणियंएस चैव भयवं तुम्हाण साहइस्सइ । तओ णमन्तकण्णकुवलयरयारुणियचलणजुयं पणमिऊण देवीहिं पुच्छिओ साहूभयवं ! जहट्ठियं सीसउ अम्हाणं ति । तओ सजलजलहररवाणुयारिणीए भारहीए भणिउमाढत्तो साहू-संसारम्मि वि कारणमण्णेसियव्वं, जेण सुव्वउ,
बहुजाइ-जरा-जम्मण-मरणुव्वत्तणपरंपराकलिए । बहुविहविहडण संघडणजणियपियविरहसंजोए ॥ ३५ ॥ सुर-मणुय- तिरिय-णारयसकम्मपरिणामजणियजम्मम्मि । राय- त्रिरायंतरसंपडन्तसुह- दुहविसेसम्मि ॥ ३६ ॥ पिय-मय-भाय भइणी-भज्जामायण्डियाए णडिएहिं । बहुसो पेरिहिंडं तेहिं तम्मियं जंतुहरिणेंहिं ॥ ३७ ॥ इय बहुसो संसारम्मि वियरमाणाण कम्मवसयाण । सुहि सत्तु - मित्त- पुत्तत्तणाई जीवाण जायन्ति ॥ ३८ ॥ अण्णं च
भूय-भविस्समाणघणपाणिदुहुब्भडणिबिडभुत्रणए, पयणुकु सग्गलग्ग जलबिंदुचलोवमम्मि जीविए । कुत्रियकथंतवियडमुहकंदरकवलियजंतुणिवहए, बहुयरवाहित्रिविहसंजोयत्रिणासियसुहसमूहए ।। ३९ ।।
१ राहिवेण भजे । २ गरवणा जे । ३ मसिणिकयपाय जे । ४ गतुंगग्ग ! सू । ५ जणयाई जे । ६ कहि जे । जे । ८ 'माइ भाइ' जे । ९ परियहंतेहि सू ।
Jain Education International
For Private Personal Use Only
७ तुम्ह सा
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |