Page Text
________________
२१२
चउप्पन्नमहापुरिसचरियं । चेय सुमरमाणस्स मुच्छाओ समागच्छंति ।
तओ विसज्जिएमु समत्तसोमंताइलोएमुं, विरलीहूएसु पाडुएसं, अल्लीणो चिन्ताजलणिहिं-कहं पुन्वभवसहोयरेण सह दसणं होहि ? त्ति, सो वि बहुययरतवचरणतणुईकयकम्मपसरो सुदेवत्ते मुमाणुसत्ते वा भविस्सइ, तहिं पि जइ इह भारहवासे संभवो ता जइ पायालंबणोवारण तईसणं भवेज । त्ति चिंतिऊण भणिओ णियहिययणिबिसेसो वरधणू णाम महामच्चो जहा-लंबेऊण इमे तिणि सिलोगद्धे घोसावेसु णयरम्म तिय-चउक्क-चच्चरेसुं-जो एएसि सिलोयाणं चउत्थं पाययं पूरेइ तस्स राया णिययरंजद्धं देइ त्ति । एवं च पतिदिणं परत्तमाघोसणं । लंबिओ बहुमु पएसेसु पायो। __एत्थावसरम्मि.. चित्तो णाम अणगारमहरिसी गामाणुगाम विहरमाणो समागओ कंपिल्लपुरचरं । संपत्तो मणोरमं णाम उज्जाणं । तत्थ य एकम्मि विवित्ते पएसे अहाफासुयम्मि भूमिमाए ठविऊण पत्ताइयमुवगरणं परिसंठिओ काउस्सग्गेण पडिमाए । जाव धम्मज्झाणोवगो चिट्ठइ ताव य उज्जाणवालो गियकम्मवावडमणो पढिउमादत्तो लंबियपाययसिलोयद्धाणि
दासा दसण्णए आसि, मिया कालिंजरे णगे । इंसा मयङ्गतीराए, चंडाला कासभूमिए ।। २२ ॥ देवा ये देवलोयम्मि अम्हे आसि महिड्ढिया।
तो अणवरयमायण्णमाणस्स महरिसिणो बहुप्पयारं वियप्पं कुणमागस्स सचित्तसंवित्तीए सुमरिओ पुन्वभववइयरो। मुमरणाणंतरं च मुच्छावसणिमीलियच्छिजुयलो पवणुधुयबालकयलीदलमिव वेविरावयवो झत्ति महीयलम्मि णिवडिओ। तयावत्थं च पलोइऊण उज्जाणवालो ससंभमुन्भूयभत्तिणिब्भरयाए पयइकरुणयाए य समागंतूणं णिययंमुयसमीरणासासियं काऊण धरणियलमिलंतुत्तिमंगो पणमिऊण भणइ-भयवं ! किं तवचरणविसेसणीसहत्तणो किं वा पहपरिस्समेणं णिवडिया तुम्हे ?, किं वा जो अम्ह णरवइणो वाहिवियारो सो तुम्हाण वि?। तओ समासस्थचित्तेण मुगिणा भणियं-को तुम्ह णराहिवस्स राही? । भणियं च तेण-भयवं ! सो वि खणखणवियम्भन्तमुच्छापयंपमाणवरतणू ण गणेइ पणइणीजंपियाई, ण बंधुसंधारणाए मुह, ण मुहिसमागमेणं पि, ण गुरुयणवयणेणोवसमो, ण मलयसलिलसेएण समस्सासो, ण पियकलत्तालावणावगमो, केवलं चउद्दिसिं सुण्णतरलतारयं पलोएइ, इमं च पुण एत्य चोजं जं तालियंटसिसिराणिलेणावि मुच्छमावहइ, सरसचंदणजलेणावि परियप्पए, खणं खणं च सोयजलणजालाकरालियमिव तणुकंपेहि अत्ताणयं विहुणेइ । • इमं च णिसामिऊण मुणिणा भणियं-देवाणुप्पिया! किं णिमित्रं पुण तुमं एए तिष्णि सिलोयद्धे पुणो पुणो पदसि ?, किमेत्य कि पि कारणमस्थि, किंवा पत्थि ?त्ति। तओ एय" सुणिऊण पहरिसविसटुंतवयणकमलेण भणियमेएण-भयवं! एस राइणा पायओलंविओ, जो एयस्स चउत्यमद्धं पूरेइ तस्स राया णिययरजस्स अद्धं पणामेइ, ता भयवं ! तुम्ह चलैणकमलाणुहावओ ममं पि लच्छिसमालिंगणमुहं संपन्जउ ति, काऊण पसायं पूरह पाययं ति । मुणिवरेण भणियं-"गर्तेण देवाणुप्पिया ! इमं भणमु
- इमा णे छट्टिया जाती, अण्णमण्णेण जा विणा" ॥ २३ ॥ तओ सो एयं लिहिऊण पत्तयम्मि पफुल्लवयणपंकओ गओ पत्थिवत्थाणि । राया वि पइदिणं आपाययालंबणदिणाओ सयलदिवसं "चेव पवरपंडियसहासु संठिओ अणेयसत्थत्यमुणियपरमत्थकइयणेण समं कव्वालावविणोएण चिटइ । तओ लद्धावसरेण य 'अम्हाणं पि कव्वं सुव्बउ' त्ति भणिऊण णिहुओ संठिओ । लद्धाएसो य पढिउं पयत्तो
"इमा णे छट्ठिया जाई, अण्णमण्णेहिं जा विणा"।
तो समायण्णमाणो "चेव णरवई मुच्छापयंपतरलियतणुविहाओ णिमिलंतलोयणो मउलावियत्रयणकमलो पुणो वि घरणीयलम्मि णिवडिओ । तओ खुहिया सहा, उच्छलिओ हलहलारावो । रोसारुणियलोयणेहि य रायपुरिसेहि 'एयस्स
सामन्तलों सू। २ रज्वस्स अदं जे। ३ सु सपायओ जे । ४ वरम्मि जे । ५ "स्सग्गस्स सू। ६ विजे । ७। 'विसेसो सो सू। ८ तओ सत्थं सू । धुसाहारणाए सू। १. चंदणेणावि सू।" एवं स्। १२ चलणाणुहा सू । १३ गतुं सू। १५-१५ चेय जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |