Page Text
________________
२००
चउम्पन्नमहापुरिसचरियं।
जया य चोइजमाणा वि तुरया भवियव्ययाणिओएणं मणयं पि ण तरंति समायड्ढिउं, ण चलंति रहचकाणि, ताहे सयमेव कह कह चि समायड्ढिऊण, अञ्चत्थं सुगंता सचओ 'हा महाराय कण्ह ! हा बलदेव ! हा पुत्त ! हा वच्छ! हा भाउय !त्ति लोयविमुक्कऽकंदणरवं सयलमंदिरोयरे मुं, संपत्ता गरुयवेगेण गोउरमहं । तत्थ य "इंदकीलया खलिउ' त्ति जाव रामो इंदकीलमवणेइ ताव मारुयपणोल्लियकवाडसंपुडेण पिहियं गोउरहारं । ताव य दीवायणामरेण भणिय जहा-भो कण्ह ! 'तुम्हे मोत्तूण परं दुवे वि ण य अण्णस्स सुणयमेत्तस्स वि मोक्खो' [त्ति] पुध्वमेव भणियं । तब्बयणाणतरं च पायप्पहरेण पाडियं कवाडसंपुढं केसवेण । तहा वि ण णीहरइ संदणो । इहावसरम्मि य भणिया ते वसुदेवेण जहा-जाय ! बलवं कयन्तो, दुल्लंघा कम्मगती, ता गच्छह तुम्हे, कयाइ तुमए बलएवेण वा जीवंतेण पुणो वि हरिवंसस्स समुण्णई पइटाणं वा होही । तओ पिउणो वयणं णिसामिऊण दीवायणस्स वि णिग्गया बाहजलपव्वालियाणणा दुवे विजणा । एकम्मि य जिण्णुजाणम्मि णिसम्मिऊण विसायवमुच्छण्णमच्छरुच्छाहप्पसरा पेच्छिउं पयत्ता संपलम्गमविरलजालाकडप्पपडिभम्गपसरं पुरजणकयक्कंदभीसणुब्भडचियं व दारयाउरिं। तो बहवे जायवप्पहाणा तप्पणइणीपरिगयकण्णंतेउरियायणो भवियपुरजणवओ य णमो जिणाणं' ति भणिऊण गहियपच्चक्खाणो 'ईइसी कम्मपरिणई' क्ति कलिऊण कालगओ।
इओ य राम-केसवा सोयसंगलन्तविसाया किंकायब्वमूढा गंतुं पयत्ता। भणियं च कण्हेण-पिइ-माइ-सयणमुहि-बहुपुत्त-कलत्तविउत्तेहिं कत्थ गच्छियचं ? । ति भणिए भणियं बलेण-सञ्चं अम्हाण पउररिखुचक्कसंकुलं महिमंडलं, एगवत्थगयाणं अहिलसइ हीणबलो वि पहरिउं रिउगणो, गवरमत्थि उवाओ, णिव्वासिएहिं तुमए दक्षिणोयहितडम्मि दक्खिणमहुराहिहाणं पुरवरि णिवेसेऊण संठिएहि जुहिहिलादिपंडवेहि संवढिया रायहाणी, वसाविओ तयासण्णदेसो, तत्थ गच्छम्ह त्ति, ते य अम्हाण परमवंधवा, ण य आवदीसुं बंधुयणं वजिऊण अण्णो समासाइउं जुज्जइ त्ति । मंतिऊण पाएहिं चिय पुव्वदक्खिणदिसाभायमुरीकाऊण घणपउरपायवं पविट्ठा कोसम्बवणं । केरिसं च ?
गवरदवाणलणिद्दडढसुकतरुणियरपविरलच्छायं । खरपत्रणपेल्लणोयल्लिपडियतरुमलबीहच्छं ॥२२६॥ अणिमित्तरुसियवणमहिसमुक्कसुंकारभीसणारावं । दरियमइंदोरंजियणिणायगुंजन्तगिरिकुहरं ।। २२७ ।। गुरुवग्घघरुकायणहिउक्कण्णवृष्णमयजहं । उद्धयधमद्धयधमवडलपडिबद्धसव्वदिसं॥२२८ ॥ इय गलियपत्तसंपत्तिवच्छविच्छायणिप्फलाहोयं । णियकम्मपरिणई पिव पत्ता कायम्बयारणं ।। २२९॥
अवि य-ताण समाणदुक्वत्तणी हेयइ ब्रवीरियारावे हिं, आहासइ ब्व सैंउणविरुएहिं, अम्भुवइ ब्व पवणुच्छलियवाउलीहिं, वेवइ बैं' लयामारुउव्वेल्लतरुसिहरेहिं, गरहइ ब्व पउरसावयपलावेहिं । अण्णं च कुरिंदोलग्गियं व फलरहियं, मुंययवयणं पिव णहवाणियं, विरहिहिययं व विष्णसंतावं, भीरुहिययं व भयवड्ढिउकंपं ति । तओ गुंबज्ज(? ण्ण) माणा महियले, उवविसंता कठिणोवलचट्टेमुं, लद्धावलद्धभोइणो, गोवयंता णिययतणु, सुमरन्ता विवण्णं समग्ग बंधुयणं, मंदमंदपरिसकिणो पहखेयखीणगमणसत्तिणो पयत्ता गंतुं ।
तो भणियं गोविंदेणं-हलाउह ! दढतण्हाहिहूओ म्हि, ण य सक्कुणोमि सम्म णीसहसरीरयाए पयं पि गंतुं । तओ बलेण भणियं-"वप्प ! एयम्मि चेय पएसे एयस्स बहलदलंतरयड्ढियच्छायपसरस्स छायासु चिद्वियव्वं जावाहमुदयमइरेणेव घेत्तूण समागच्छामि, ण य तुमए मणयं पि चित्तखेओ काययो, ण सुमरियन्वं बंधवाणं, ण कायन्यो विसाओ, अवलम्बियव्वं "धीरत्तणं, अवमणियबा आवया, कायव्वं कुलिसकढिणं व हियययं, जेण अणिच्चाओ सम्वाओ संपयाओ, देव्ववसयस्स य पाणिणो पउज्जमाणो वि विहलीहोइ पुरिसयारो । किं ण सुयं तया भगवया भणियं ?
पञ्चत्तं सुसू । २ इदग्गलाख जे । ३ बलेण जे। ४ कण्हते जे । ५ अम्ह ५ जे । ६ गोयल जे। ७ सुकार जे। ८'गुडियुक' सू! ९ स्वइ जे । १० सउण विरुदेहि स। ११ व्व स्यमा सू। १२ मूसय सू। १३ णिमनमाणा सू। १४ ग सम्ब अधुसू । १५. "पट्टिय जे । १६ जाइरेण घेत्तणमागचामि दू । १७ धीरत्त जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |