Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 282

४९-५०-५१ अरिठ्ठणेमि-कण्हवासुदेव-बलदेवबलदेवाण चरियं ।
१९९ मिउमादत्ता । परिम्भमतेहि य णेहिं दिवो दीवायणो। दट्टणं च मयवसपराहीणयाए रायपुत्तत्तणसुलहतिव्वयाओं य रे! एसेस सो किल अम्हाण पुरवेरी दहिस्सई' ति भणन्तेहिं रोसवसवियंभंतभिउडिभंगुरियभालमग्गेहिं दहोटभीसणगयण-वयणेहिं णिहउद्दामदिण्णणिटुरमुहि-पायप्पहारेहिं ददं कयत्थिऊण मुक्को । गया य णियणिहेलणाई।
ताव य कस्सइ वयणाओ वियाणिऊणमेयं उत्तंतं बल-दामोयरा तप्पसायणत्थं तमुद्देसमागया । दिवो य 'णेहि मुहुयहुयवहजालाकलावो व रोसारुणियणयण-वयणो मुणी । पणमिऊण य सविणयं पसाइउमाहत्ता-भयवं ! मयपरब्वसत्तणओ बालसहावत्तणओ य कुमारेहिं जमवरद्धं तमम्हाण खमेयव्वं । तो जाहे बहुप्पयारं महुरवयणेहिं पि भण्णमाणो णो विरमइ कोवकरणाओ ताहे बलेण भणियं-कण्ह ! अलमलमेत्तिएण दीणादिरित्तभणिएण, ण भयवओ भणियमण्णहा होइ त्ति, करेउ जमणेण "चिंतियं । तो दीवायमेण भणियं-कण्ह ! मया पहम्ममाणेण पइण्णा पडिवण्णा जहा तुमे मोत्तूण परं दुवे वि ण अण्णस्स सुणयमेत्तस्स वि जंतुणो मोक्खो, मम विणिग्गयकोवग्गिणा बारवती खयं गेमिस्सइ, णेयमलियं भयवओ वयणं, णेय पदण्णा मम अण्णहत्ति, ता गच्छह तुम्भे ति। तओ ते विसायवससामलियवयणकमला मया णिययभवणाभिमुहं । तं च अँणिऊण वइयरं लोया केइ पव्वज्जमुवगया, केइ छट्ट-ऽटमाइयं तवं काउमाढत्ता।
इओ य सो दीवायणो चरिऊण कढे चालतवोविहाणं, कयत्यणाजणियाहिणिवेसो काऊणमणसणं कालगओ समुप्पण्यो अग्गिकुमाराणं भवणवासीणं भज्झे । अवहिप्पओएण य मुणिऊण वुत्तंतं समागओ बारवतिं । जाव तवोविहाणकरणुज्जयस्स जणस्स मणयं पि छिदं ण लैंहइ ति । एवमण्णेसमाणस्स गया एक्कारस संवच्छरा।
तओ दुवालसमे संवच्छरे 'अम्हाण तवोविसेसेण पडिहयसत्ती को दीवायणो' [त्ति] निभओ होऊण जाणखाण-पाणाइणा उवललिउमाढत्तो जायवजणो रइकीलापरायणो य । तओ छिद्दमासाइयं दीवायणसुरेण । ताव य पुरविणाससंसिणो उप्पाया दीसिउं, पयत्ता, कहं चिय ?-विसट्टहासा जायंति लेप्पमयरूवया, णिमिल्लुम्मिल्लणयणा चित्तभित्तीओ, अंतोपज्जलियजलणाई जलाई, विसंति अंतो पुरवरी ए य रण्णसत्ताई, रत्तकुसुमंबरविलेवणो सुविणयम्मि दीसइ जणवओ, पायार-गोउराइस रसइ विरसं सिवा, पणहाणि य चक्काइरयणाणि बल-दामोयराणं, पलयउप्पायपिसुणो पयत्तो संवत्तयपहजणो, सु(स)र-पासा-ऽसिवावडकरयलो दीसिउं पयत्तो कालाणलरूबी, भयविक्लाइयं जणमंतो पक्खिवंतो अणिलबलुम्मूलियमुजाणपायवगणमोच्छुहंतो सुरो । ताव य असु वि दिसामुहेसुं पयत्तो कालो व कवलिउं महाणलो। अवि य
अह दीवायणकयकोवजलणजालाकलापवयणेण । आढत्ता कँवलेऊण पलयकालाणलेणं व ॥ २२१॥ णिवडंति णिबिडविहडंततुंगसिहरग्गरुंदपासाया। विविहमणिकिरणरुइरा विमाणसंघ व्च वोमाहिं ।। २२२ ।। डज्झइ पज्जलियाणलकरालजालाझुलुकियावयवं । मिहुणं मरणे वि हु णेहसीलआलिंगणविओलं ॥२२३ ।। डझंति पमत्तुम्मत्तसत्तहत्थाउ सयलरमणीओ । पियदइयदेह]म्मिजमाणधूमद्धयप्पसरं ॥ २२४ ।। इय डहइ णिद्दयं सयलजंतुसंताणसंकुलं विउलं । संभरियपुवकयतिब्बवेररुसिओ सुरो सहसा ॥ २२५ ॥
एवं च वेल्लइ व्य पहल्लिरुव्वेल्लपायवेसुं, पहावइ व्व दीहरवलहिपासायपंतीसुं, विलसइ व कीलाहरेसुं, विलम्बइ न्च तुंगतोरणेसुं, उग्गायइ च पैवणगुंजियरवेणं, हसइ व्य विप्फुरियफुलिंगुग्गारेहि, कस्थइ मणोसिलापुंजो ब, अण्णओ गेरुयचुण्णणिवहो व्य, एको कुसुमियकिंसुयुक्केरो ब्च पयत्तो सवओ डहिउं हव्यवाहो ।
तओ दट्टण जलणजालाकलावकवलिज्जमाणिं बारवइपुरवरिं समागया बल-दामोयरा विमुक्ककंदपरियणपरियालियं पिउभवणं । तो देवइ-रोहिणिसमणिपं वसुदेवं समारोवेऊण पजुत्ततुरंगमे संदणवरम्मि आढत्ता णीणिउं ।
१ परि जे । २ भणमाणेहि जे । ३ णवयण-गयणेहि सू । ४ "मुट्टिप्पहरे हि सू । ५ कस्सय सू । ६ तेहिं सू । ७ चितिउं जे। ८ दुवे अण्णस्स मुणयमेत्तस्स वि णस्थि मोक्खो सू । ९ मच्छिस्सइ जे । १. मुणिऊण जे । ११ णाहिजणिया जे । १२°कुमारेसु भवणयासिसुराणं भज्झे जे । १३ लहि ति जे । १४ "विणासणे उ सू। १५ ए आव(र)ष्णसत्ताई सू । १६ सूर सू। १७ कवलेलं पं. सू। १८ 'किरिण सू । १९ भुलंकिय (या)वयव जे । २. 'मिज जे । २१ पवरगुं॰ सू। २२ यालिउ जे ।