Page Text
________________
१९६
चउप्पन्नमहापुरिसचरिय ।
पसराण' ति चिंतिऊण पन्चज्जमब्भुववष्ण" ति । तओ णिययहिययावेयवज्जरियावच्चसंसया तब्बयणायण्णणपरिप्फुडपायडियपरमत्था सुणिऊण तं वयण मुच्छासमुच्छाइयच्छिवत्ता धस त्ति धरणीयले पडिया। तओ अमयजलबिंदुणीसंदसीयलेण मुणिवयणेणं पिव परियणोवणीयचंदणजलेण समासस्था। तो गलतंसुसलिलपब्वालियकवोलयला इणिम्भरपण्डुइयपओहरोद्वन्तदुद्धधारोल्लियधरणियला अइकरुणवयणेहि भणिउं पयत्ता, कहं ?
सुयजुयलतियल्लियमेरिसं पि लहिऊण हो! अहण्णा है । इट्टमणिद्वेण विओइय म्हि हयदेव ! कि तुमए ॥१८॥ सुइणे व्य रयणलंभो अभुत्तभोओ जहा विसंघडइ । अप्पत्ततप्फलासायणेण तह मज्झ तणयमुहं ॥ १८१ ॥ बहुपसविणी वि होऊण गम्भदुक्खाण भायणा णवरं । जाय म्मि ण उण मम्मणमणोहरिल्लाण तणयाण ॥१८२॥ विंटों व पोट्टसंबद्धमेत्तसंपत्तफलरसा अहयं । परिणामे पुण ऊसरलय व्व गलियप्फला जाया ॥१८३।। बालत्तणम्मि कीलाविसेसमलिणाण सा जए धण्णा । अंगाण करयलामलणसोक्खमुवलक्खियं जीए ॥ १८४॥ तक्खणमेत्ताकारणरोसथुडुक्कियकउभडविवासा । सहई अणुण्णवन्तीए जीए सुयचुम्बियं वयणं ॥ १८५ ॥ इय मणिन्भरं कयपलावरुइरीए कण्हजाणीए । मोत्तूण साहुणो बाहकलुसियं कस्स णो वयणं ? ॥ १८६ ॥
एवं च परिदेवमाणा मूढ व्च थंभियब मोहिय व आलिहिय व्य मुण्णपलोइओहय व सा भणिउं पयत्ता-जाय ! रुइरवष्णाहिरामेण मज्झ वलाएल्लेण विय तुम्ह मम्मणालावेण ण उप्पाइया सवणविवराण सुहासा, रुइरपसायणाजणियं च णोवलद्धं तुम्हाणमंगपरिसंगसुहं, सयलकजकरणक्खमवओविसेससंपण्णाणं पि ण समासाइयं पुत्तजम्मफलं, केवलं णिम्मलजलमज्झपरिसंठियमहामणि व्व पलोयणामेत्तजणियफला जाया । ताव य जणरवाओ समायष्णिऊण आगया ते पढमगया चउरो वि भायरो । तओ ते एकेक्कपुंजयपरिकप्पिया कित्तियामुत्ति व्च, साहीणमणोहिटिया पंचेंदियस्थ व्च, गोरीसुयतणुविहाय ब्न छम्मुहोवलक्खिया, सव्वे वि समं चेव पयइकारुण्णयापहाणवयणेहि समासासिउमाढत्ता, कहं चिय?
को कस्स पिया पुत्तो व्व कस्स जणणि ब कम्मवाहेण । भमिरे संसाररहट्टथट्टए ? जेण तं सुणसु ॥ १८७ ॥ पुत्तो होऊण पिया, पिया वि होऊण पुत्तओ होइ । माया वि होइ धूया, धृया वि हु होइ जणणि त्ति ॥१८८॥ सामी वि होइ दासो. दासो होऊण सामिओ होइ । संसारे णियकम्मावएसपसरस्स जंतस्स ॥१८९ ।। जेणऽण्णभवन्तरमुवगयस्स वग्घी सुयस्स णिययस्स । मंसमसइ त्ति तुट्टा अओ परं किं थ कट्टयरं? ॥ १९०॥ पुत्तत्तणम्मि जो गेहणिन्भरं लालिओऽण्ण-पाणेहिं । आलिगिओ य मलकलुसिओ वि परिचुंबिउं वयणं ॥ १९१ ॥ सो चिय अण्णभवन्तरसत्तुत्तणजायगरुयरोसेण ! विणिवाइओ समं सुणिसियासिधारापहारेहि ॥ १९२ ॥ जेणणित्तणम्मि जो हिययपहरिसुवेल्लणेहरसियाए । पालिजइ वयणणिहित्तथणच्छीरेण पुणरुत्तं ।। १९३ ॥ सो चेव विभमुन्भूयहावभावेहिं मयणणडियाए । रामिज्जइ पियदइयत्तणम्मि कयकम्मवसयाए ॥ १९४ ॥ जा दुहिय त्ति कलेऊण चुम्बिया सरसवयणकमलम्मि । स चेव पुणो जम्मंतरम्मि दइय त्ति हेण ॥१९५॥ देयाइसे 'जीय, निएसु, सामि ! सम्माणसु' त्ति भणिऊण । अणुचरिओ जो सामित्तणम्मैि विणओणयंगेण ॥१९६॥ सो चेव भिच्चभावं समागओ कम्मपरिणइवसेण । अन्तो पसरियगुरुमच्छरेण निभच्छिओ पेच्छ ॥ १९७॥ इय कम्मपरिणईवसमचन्तवियम्भियव्वयवसेण । णडपेडयं व संसारविलसियं, किं थ बहवेण ? ॥ १९८॥ अवि यअण्णण्णवट्टणावसविहायणिण्णुष्णएहिं णिम्मविया । मुक्खेहिं दुक्खलक्खा विचित्तभित्ति व कम्मगती ॥ १९९ ॥ 'णियकम्मतरणिपरियावजणियपरियत्तणाविचित्ततः । अण्णोण्णवण्ण-रूवेहिं भमइ ककिंडओ ब जिओ ॥ २०॥
१ हा ! महमधण्णा । ई सू । २ बहुपुत्तपसविणी होइऊण गब्भ ?)दुक्खाण सू । ३ बेटे सू । । 'रसा साह । प । ५ धुडं. किय जे । । सुण्णहिययाए पलोइया साहुणो। भणित सू । ७ 'मणोवट्टिया पं सू। ८ माया धूया, धूया वि होइ अणणी सकम्मेहि जे। . चुचियं सू । १० ° भो य समय मु(?)णिसियासियखगधाराहि ॥ सू । ११ जणणिणिमित्तम्मि सू। १२ "सु जिय सामि[य]] णिएम सम्मा सू। १३ म्मि अइविणयमगे(ते)ण ॥ सू। १४ गईए मच्चन्त सू । १५ यच्चय जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |