Page Text
________________
४९-५०-५१ अरिठ्ठणेमि-कण्हवासुदेव-बलदेवबलदेवाण चरियं ।
१९७ हंतुं जीवाण घणं दढसोंडुइंडभीसणाभोओ । वियरइ घोरकयन्तो विसंकलो मत्तहत्थि व ॥ २०१॥ इय सोयाओ कयकम्मपरिणई भाविऊण विणियत्ता । बहुसो चिय जणणि-सुयत्तणाई सुलहाई संसारे ॥२०२॥
अण्णं च जंतुसंताणोवरि ओवयति मच्चुमइंदो, कवलिउमहिलसइ जरारक्खसी, पसरन्ति वाहिबिहीसियाओ, अन्तोवित्तासणपञ्चला पहवंति पॅरीसहपिसाया।
एत्यावसम्म य वसुदेवसमणिया मुणियवुत्तता अन्तोवियम्भन्ताउवहरिससरा समामया तमुद्देसं बलदेववासुदेवा । दिवा य पसरियाणंदबाहभरनिम्मरेहिं सहोयरा । समागयम्मि य वासुदेवे सत्तम्गहाहिडिओ व्च णहंगणाहोओ, सत्तरिसिपरिवारिओ व देवमग्गो, सत्तसरसमण्णिउ व्य गंधव्ववेओ, सत्तदीवोवगओ व्च जंबुद्दीवो तेहिं तव्वेलं पवरपुत्तएहिं वहुपाययपरिगओ महादुमो व वसुदेवो रेहिउँ पयत्तो। भणियं च वासुदेवेण जहा-"एस अम्हाणं तिलोयविम्हयजणणो समागमो, कस्स एसो साहिप्पन्तो वि चित्तसंवित्तिं [ग] जणेइ ?, केरिसा वा मह रिद्धिसमुदये भिक्खाभोइणो तुम्हे ?, किं वा ममेइणा रज्जेण ?, उत्तं च
पिय पुत्त भाइ भइणी भज्जा सयणो ब जो समासण्णो । भिच्चो बऽणण्णमग्गो ण णंदए णंदमाणेणं ॥ २०३॥ वेसंभकुलहरं णिबियारसब्भावणिब्भराययणं । विहुरसहायं मित्तं च जत्थ णो चिट्ठति सुहेण ॥ २०४॥ पररिद्धिदंगणुप्पण्णसोयसामलियणिययवयणेण । पिसुणा य वियम्भियदुक्खजलणजालं ण डझंति ॥ २०५॥ इय सयलभंडलाखंडपुहइलंभेण को गुणो मजा ? । एक्कोयरेहिं वि जहिं समं ण भुत्तं मए रज्जं ॥ २०६ ॥
अण्णं च-अजं चिय तुम्हाणं मज्झ य अहिणवसमागमणिओ पढमजम्मदिवसो, अजं चिय मा पहवउ कंसारिविन्भमो ब्व परोप्परविओओ" । एवं चाऽऽयणिऊण वसुदेव-हलाउहेहिं पि णेहपरवसयाए एवमेवाणुमणियं । तओ साहुणो भणिउं पयत्ता, कई ?
"कह कह वि विसयवम्गुग्गवागुरासंगणिग्गया अम्हे । कहमिच्छामो पडिउं तत्थेव पुणो कुरंग व्व ? ॥२०७॥ विरहमरणेण मरिऊण संगमाओ पुणब्भवविसेसो । एकम्मि चेय जम्मम्मि अम्ह जम्मंतरं जायं ॥ २०८ ॥ विरहो चिय वेरग्गस्स कारणं साहिमो पर सेयं । तं सयमणुहविऊणं कह णिवेओऽम्ह मा होउ ? ॥२०९ ॥ णेहुच्छित्ती सवायरेण जा जुज्जए जइजणस्स । कह तस्स चेय कीरैइ संधाणं जाणमाणेहिं ॥२१० ॥
ता अलमेत्याणुबंधेण । एत्थ य संसारन्तरवत्तिणो जीवस्स कम्मवसगस्स सुलहा विओया, दुलहा समागमा, चंचला इंदियतुरंगमा, दुप्परियल्ला विसयभुयंगमा, णलिणिदलउडोवडियजललवचला लच्छी, जलणिहिवडियं व रयणं पुणो दुल्लहं मणुयत्तं" । एवं च माया-वित्तं पि साणुणयं संबोहेऊण णिच्छिण्णसंसारवासपासा भयवओ समीवं चेव गया विविहतवविसेसेहिं च समुज्जमंति ।
तओ तेसु गएसु समोसरणत्थस्स भयवओ जायवपरियरिओ वंदणणिमित्तमुवगओ वसुदेवो। वंदिऊण य जहाविहि णिसष्णो जहोचिए भूमिभाए। तओ कहंतरं जाणिऊण धरणियलमिलन्तभालयलाए पणमिऊण पुच्छिओ भयवं देवईए जहा-भयवं! कस्स उण कम्मुगो फलं जं मम पुत्तएहिं सेह विओओ ? । तओ भयवया जलहरोरल्लिगहिरयराए भारईए भणियं जहा-"देवाणुप्पिए ! इओ जम्मंतरम्मि तुज्झ सवत्तीए महामणिसंजुया मणिकडयविसेसा थवणत्यं समप्पिया। कालंतरेण य मग्गिया तीए । तुमए ईसावसेण अवणेऊण 'छ म्मणिणो पण?' त्ति भणिऊण न सम्मप्पिया सवत्तीए। तीए वि णिव्वियप्पं गहिया। ता एयमेत्य फलं" ति। ___ तओ एयमायण्णिऊण सोयवसगलन्तबाहम्बुर्विदुपवालियवयणाए भणियमिमीए-भयवं! एद्दहमेत्तस्स वि दुक्यस्स
१ विसंसलो जे । २ परिणई जे । ३ विणियत्तं जे । १ परीसहा । एत्या सू । ५ पहरिसा समाया त जे । ६ पिउ पुत्त भात जे । ७ कीरत सू। ८ मावितं जे । ५ समं जे । १. भणियमेयं जहा जे । ११ या तए तीए । तीए वि सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |