Page Text
________________
४९-५०-५१ अरिटणेमि-कण्हवासुदेव बलदेवबलदेवाण चरियं । ठवणा-दन्च-भोवणाविण्णासेण पमाण-णयवाएहि य 'अत्थि' त्ति जीवो विण्णेयं । चेयणा-सण्णा-विण्णाण-मति-धारणाइलक्खिी संसारपरिभमणकारणराग-दोसाहिटिओ हिंसा-लिय-परधण-रमणीपसंग-परिग्गहाणुगो कोह-माण-मायालोभाभिभूओ, वाय-मणो-कायजोगेहि सावज्जजोगजोइओ, मिच्छादसण-मोहाईहि इंदियाणमकयणिम्गहो अट्टप्पयारं कम्म बंधइ त्ति । कम्मवसगओ य जीवो भामिज्जइ णारय-तिरियाइसुं । अओ दुल्लहं मणुयत्तं । मणुयत्तणे वि लद्धे आरियदेस सामग्गिणा सम्मत्तं दुल्लहं । तहाविहकम्मपरिणामओ य लहिऊण सम्मत्तं सव्वप्पयारमुज्जमो कुसलं पइ विहेयव्यो । तओ कुसलकरणु जयस्स जंतुणो अवस्सं संसारपज्जतो हैवइ त्ति ।
एयं चाऽऽयण्णिऊण परिसाए वियलिओ कम्मरासी । पंडिवण्णं सम्मत्तं, अब्भुवगया 'केहिंचि दिक्खा, गहियं सुसावगत्तणमण्णेहि ।
कहावसाणे य जहागयं पडिगयाए परिसाए ते जणणभाउणो छ वि जणा अञ्चंतदुच्चरतवचरणमुसियतणुणो जहावसरमागए भिक्खाकालम्मि घडियसंघाडया भिक्खाणिमित्तमइगया पुरवरि । जुयंतरमेत्तपसराए दिट्ठीए महियलमवलोयमाणा जहक्कम विहरंताणमेकं णिययप्पहापरिवेसपरिगयं ससि-सूराणं व मुसिणिद्धसामत्तणोवलक्खियं तमालतरुवराणं व जुवलयं पविठं वसुदेवणरिंदमंदिरं । तत्थ य संजयत्तणवियलियाहोयं भोयपरिच्चयणसंजणियणिराउलं आउलपलोइज्जमाणइरियापहेसणं एसणासुद्धपरिग्गहदत्तावहाणं धम्मलाहुच्चारणमेत्तपवित्तीकयमंदिरंगणं जण्हुकण्णापुलिणोवगयं व कलहंमजुवलयं लोयणपहमुवगयं देवईए । तओ दंसणमेत्तसमुप्पण्णाणंदणिब्भरमणाणुहूयअउव्वमवत्यंतरं पाविऊण भणिया महाणसिणी-हला ! पडिलाभसु णं साहुणो जहाविहिं । तीए वि संपाडियं जमाइलैं । घेत्तूण य पक्यणुत्तेण विहिणा गिग्गया साहुणो।
गच्छमाणे य दळूण हरिसवसविसट्टपुलयपडलं भणिया इमीए रोहिणी एवं जहा-"सहि ! पेच्छ पेच्छ दुद्धरवयविसेससोसविततणूणं पि स्वपयरिसो लाइण्णाइसओ परइपसण्णत्तणं सिरिवच्छालंकियसरीरया जहा, य एए तहा मह पुत्तया वि अणिमित्तवेरिएण जइ ण घाइजंतया आसि हयासकंसेण ता एदह मेत्तोवलक्खिज्जमाणवओविहाया होता, धण्णा य सा जीए इमे पुत्तय" त्ति भणंतीए एत्थावसरम्मि य बीयं साहुजुयलयं आगमुत्तेण विहिणा तारिसरूवविसेसाइसय[मुबहत] पुवट्ठियं तम्मि चेव पदेसे । दट्टण य तं चिन्तियमिमीए-पाएण ण संपण्णं ति । पुणो भणियं-हला ! सम्बायरेण देसु त्ति । पुणो वि संपाडियं जमाणत्तं।
गए य तम्मि वि तओ तइयं पि जुवलयं तमुद्देसमलंकरेमाणमागयं । पुणो पैलोइऊण सयमेव दाउमुवट्ठिया। दाऊण य एसणासुदं जहाविहिमण्णप्पयाणं पणमिऊणं अन्तोप[रिणामियावच्चपरियप्पणाए सणेहपवियंभियव्यतब्भावणासम्मोहेण अप्पाणयं पि तकालमकलयन्तीए अचंतकोऊहलाउलिज्जन्तहिययसिटुं पि संदेहावणयणस्थं पहरिसुप्फुल्ललोयणा गयाणदबाहजलगम्भिणं भणियमिमीए-भयवं! ण मंदपुष्णाण गेहंगणे तुम्ह चलणकमलचणं संपज्जइ, तहा वि मम कोऊहलमेस्थावरज्झइ, जेणेत्थ पुरवरीए साहुजणगुणाणुराई जणो अतिहिसंविभागसीलो य, ता किं मम एस हिययस्स सम्मोहो ? किं वा ममं चेव कुसलकम्माणमब्भागमो ?, जेण 'तुब्भे आगमायारमुल्लंघेऊण पुणो पुणो समागय त्ति, ददं मे कोऊहलं ति । तओ तमायण्णिऊण मुणिय पढमागयं सहोयरसंघाडय वलयं भणियमेकेण जहा-“धम्मसीले ! ण य एरिसो सुसाहूण समायारो जेण तेंदिवसं भिक्खं गहेऊण पुणो वि तं चेव गेहमागैच्छिन्जइ, किंतु अम्हे एकोयरसमुभवा छ जणा घाइज्जमाणा सत्तुणा कंसेण समाराहिएण हरिणेगवेसिणा भद्दिलपुरवरम्मि सुलसाहिहाणाए विवण्णावच्चपसविणीए समप्पिया। संवड्ढिया य भयवओ सयासाओ सुणिऊण वुत्तंतं पडिबोहिया संता, एक्कम्मि चेव जम्मम्मि जम्मंतरासायणेण संजणियसंवेयाइसया 'अहो ! कम्माण विलसियं, अहो ! असारया संसारस्स, अहो ! दुरंतया "विसय
भावओ वि सू । २ जासण जे । ३ होति ति जे । ४ एवं सू । ५ पडिबद्ध द) सजे । ६ केहि पि जे । ७ सुसियगिद्ध सू । ८ तस्यराणं सू । ९ लाहमेत्तमुच्चा सू । १० जुयलय जे । ११ पुलोइऊण सय चेव जे । १२ भणिउमाढत्ता-म जे । १३ तुम्हे जे । १४ जुयलं जे । १५ तद्दियहं जे। १६ "गच्छिउं युज्जइ सू । १७ मुणिऊण सू । १८ विसयाणं' सू।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |