Page Text
________________
४९-५०-५१ अरिठ्ठणेमि-कण्हवासुदेव-बलदेवबलदेवाण चरियं ।
१८७ इओ य सो दूझो जायक्वयणजायकोवाणलो अइरेणं वेब गओ मगहाहिचरायहाणि । पंडिहारणिधेइयागमणो य पविहो गरबइसमीवं । महियलमिलंतमउलिणा य पणमिऊण सविणयं करकमलकयमउलिणा जाणाधिओ जायवणरिंद
सन्तो । तेओ तमायण्णिऊण पलयपवणपज्जालिओ ब खयकालाणलो, अयंडणिवडिओ व्व दीहरुकाडंडो, घणरपाणंतरफुरियो र तडिच्छडाडोवो, पप्फुरियकिरणजालो व्च णिदाहदिणयरो सहसा दुईसणो संवुत्तो। रोसफुरियाहरो य अंपिउं पयत्तो-कहमहं तेहि परिहविज्जामि ? | त्ति भणिऊण उटिओ सीहासणाओ । दवावियरणपडहुच्छलन्तपडिरवो अवमणियणिमित्त-मुहुत्त-दियहो तक्रवण चेव णिग्गओ णिययमंदिराओ गंतुं पयहो । उड्ढयधरियधवलायवत्तो पासपहोलंत चंडलचामरुग्याओ उद्दामबंदिदिग्णजयजयासदो पुरओ' मिलन्ततलवग्गो अवमणियमंतिवयणविण्णासो विणिग्गओ पुरवरीओ। तो विणिग्गयं मुणिऊण गरवई
णिम्भरगलंतगंडयलदाणदुदिणमहाकयप्पवहा । अण्णेन्ति जलयतमवडलविन्भमा मयगलग्घाया ॥ ९८॥ णीहरइ परणधुयधयवडापलीकवलणमासलिओ । मंजीरकयझंकारमणहरो संदणणिहाओ ॥ ९९ ॥ णिजति पउरडिंडीरपिंडपंडुरतरंगतरलिल्ला । गंगासोत व्त्र तरंगभंगुरा चारुयतुरंगा ॥ १० ॥ करकलियसेल्ल-वारल-सति-कारक-फारसंबलिया । उटंति धणुगुणाँलंकालंतिणो (१) पक्कपाइका ॥ १०१॥
एवं च गच्छंतस्स मगहाहित्राणो उम्भडप्पायसालिगो णिवडंति दीहरुकाडंडा, पवाइओ फरुससकरुक्करभीसणो मारुओ, रसिया दाहिणंदिसाए ललकमल्लुया, पदीसियं सूरमंडलम्मि कबंधबिंबं, दिवसओ चेत्र बहलतिमिरावलंबियं दिसावलयं, अंतरियलोयणालोया णिवडिया पंसुवुट्टी, केणइ पगोल्लियं व णिवडियमहोमुहमायवत्तं, मग्गमोच्छिदंतो पगच्छिओ भुयंगमो । एत्यंतरे तन्निमित्तमंतिधरिजमाणो वि कालकरायड्ढिओ व भवियव्वयाए तारिसीए, परिक्खीणयाए य सुकयकम्मुणो दीहरपयाणयलंघियद्धाणमग्गो कइवयदिणेहिं च संपत्तो सो वि सरस्सईए पएसं ।
तस्थ य पढमपेसियतुरयारोहणिरूवियजरसिंधुणो(?) आवासिउं पयत्तो। कहं चिय? उभिज्जतकट्ठपंजरो खोहिज्जतकूरवडओ भामिजंतकडवडओ णिहोडिज्जतदूसो गोविजमाणन्तेउरावासो पायडपरिसंठियपिंडवासो आवासिओ मगहाहिवो त्ति । तओ अइच्छिओ दिवसो । अत्यंतमुवगओ सहस्सरस्सी । कयमुभयबलेहिं पि संज्झासमयकरणिज्ज । हरगलगवल-तमाल-कज्जलुजलायारेणमोत्थरियमंबरं तमसंघाएणं ति । तओ मूयलिज्जन्तकायालावे पसरंतघूयसंघाए घडियविहडन्त, कवायमिहुणे जीडणिलन्तासेसविहयसत्थे णवरं लद्धावसरपसरन्ततरच्छ-ऽच्छहल्ले उत्थरइ वग्यधुंरुहुरारवो, णीहरइ दरियमइंदरुंजियसदो।
एरिसम्मि तमणियरभीसणे, सुन्धमाणसिवरसियभीसणे । असुहसंसिउप्पायबहुलए, वणयराण सुव्वंतरोलए ॥१०२॥
तओ उभयवलेहिं पि एकमेक्कासाहणत्थं पेसिया बंदिणो जहा-गोसम्मि जुज्झियव्वं ति । मुणियसमरसंकेएमु य दोसु वि बलेसु किं काउमाढत्तो भडयणो ?-पूइज्जति इट्टदेवया, सम्माणिज्जति सेवया, सज्जिज्जति किवाणाई, सच्चविज्जति सरासणाई, णियस्थिज्जन्ति सण्णाहा, संघडिजन्ति गुडोहा । एत्थावसरम्मि य समुहविजेएणं पणमिऊण जिणबिम्ब, बंदिऊण वंदणिज्जे, पूइऊण पूयणिज्जे, दक्खिऊण दक्खणिज्जे, सम्माणिऊण सम्माणणिज्जे, बहुमण्णिऊण भोयणरवई, णिवेसिय सयलसहोयरगणं भगिओ वलाहिडिओ दामोयरो एवं जहा-तुमं कारणपुरिसत्तणं कलिऊण कणिट्ठो वि जेठो, जेण वीयराएहिं तुझं चिय सिद्वमद्धभरहा हिवत्तणं, अओ 'तुज्झेस वज्झो' त्ति मुणिऊण समरमग्गम्मि परिसकियव्वं । ति भणिऊण विसज्जिया सणेह-सबहुमाणं । गया य रणरहसुच्चइयचारुरोमंचकंचुइज्जंततणुणो णियेयावासेसु । पसुत्तो य गरवई । तओ समरुकंठियाण कह कह वि पभाया रयणी । ताव य-- .
१ तओ समा सू । २ तहि पि परि सू । ३ सिंहा सू। ४ उदय जे। ५ 'चटुल' सू । ६ 'ओ पयामिलजे । ७°णालपिणो पर सू। ८ मग्गओ छिदन्तो गमो भुजंगमो। एवं च तष्णिउत्तमति सू। ९ दोहपया सू। १० तक ?क)डयवडओ सू । ११ पयस। १२ चकाय जे । १३ 'घुरकारको जे। १४ जयाणा सू। १५ नियनियावा जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |