Page Text
________________
चउप्पन्नमहापुरिखचरिये ।
रणपडहपडिरघुप्पण्णसुहडघणपुलयपडलपन्भारो । उभयबलेसु समुच्छलइ तक्खणं हलहलारावो ॥ १०३ ॥ तओ कीरन्तकयलियासज्जहत्थिहडं पक्खरिज्र्ज्जतपर्यंडेवेयंडं दढयरुद्धरसंजणियसंदणं निग्गुडिज्जंतदप्पियतुरंग समरपरिहच्छुच्छहंतफारक्कचकं गुणझणकारमुहलद्धयधणुद्धरं रणभूमिमागुयं वमुहपस्थिवाण सेण्णं ति । तओ धारिज्जमाणुद्दण्डपुंडरीयं धवलधुवंतघयवडं बैहुविहाउज्जवज्जमाणतूरं बंदिपढिज्जतजयसद्दमुहलं अष्णोष्णगोत्तकित्तणाहसियजोइं डक्कोट्ट-भिउडिभीसणभडं संलग्गमाओहणं । तओ दीहरुकादंड व णिवडन्ति सरणिहाया, तरलतडिच्छडाकडप्पो व्व fares करवालनियरो, वित्थरंति खरखुरुक्खयरया तुरंगमा, उत्थरन्ति कयकंठगज्जिओरल्लिभीसणाओ गयघडाओ, पसरन्ति घणसाणुकारिणो संदणाण सदा, लग्गइ य पमुकललकहकहकिरं पाइक सेण्णं ति । अवि य-
१८८
लग्गंति गयाण गया तुरर्याणऽस्सा रहाण तह रहिणो । पाइका पाइकाण तक्खणं समरपरिहच्छा ॥ १०४ ॥ अह गुरुगइंदसम्मद्दणिद्दयुद्दलिय संदणविहाया । संदणणिहाय तोरवियतु रयतू रं तरहचकं ।। १०५ ।। रहचक्कचमढणुव्वरियजोहॅनिहारियुमडारोहं । आरोहमंडलग्गाहिघायजज्जरियपाइकं ॥ १०६ ॥ पाइकुष्पंकपमुक्कचक्क छिज्जंतछत्त-धयविधं । धयचिंधपडणपसरिय समीरणासासिय भडोहं ॥ १०७ ॥ इय रहसृग्गयरहतुरयखरखुरुक्खयर ओहपसरेण । अन्तरियलोयणवहं जायं समरंगणं सहसा ॥ १०८ ॥ अह भडभुयदंडचंडप्पहारुग्गलग्गन्तखग्गग्गओ [? ---]णिग्गयग्गीफुलिंगुद्धफुट्टंतफारप्पहुद्दीवियं, गुरुयरगयमंडलीचंडसौडासमा वेढग ढोवदादुद्धपक्खित्तजोहोह कुम्भत्यैलुद्दारणुम्मिलमुत्ताहला मंडियं । तरलतुरयथट्टसंघट्टलग्गेक्कमेक्काऽऽसवारप्पहारुरूभडुप्पण्णमुच्छासमुच्छाइयच्छी विवल्लत्थवीसत्थजोहाउलं, पसरियघणसंदणुद्दामपव्विद्धपाइक पम्मुकणाराय-वावल्लभल्लुल्लसन्तद्धयं देहिं विछिण्णछत्त-द्वयालिद्धयं ॥ १०९ ॥ एवं च पयते महातुमुलजुद्धे तओ उदंड पुंडरीउन्भड डिंडीरपिंडं सुणिसियकरवालुच्छलंतमच्छच्छडं चेंडुलयतुरंगवगिरतरंगं घडियघणसंदणुद्दामकल्लोलमालं दुद्धरपैयलपायात्रीतिविच्छ निव्भरमयदुद्दन्ततुंगकरिमयरं पडुपहयवज्जि - राउज्जगज्जियं समोत्थरियं मगहाविबलं ति । तेण य महोयहिजलेण व महाणइसलिलं व विवल्लत्थियं जायवणारंदसेणं, भग्गं च विमुकमच्छरुच्छाहं । अवि य---
तओ विमुकजायं, समुज्झियाहिभाणयं । गलन्तहस्थखग्गयं, पहाइ मुक्कमग्गयं ॥ ११० ॥ विमुक्कजोहधीरयं, विमग्गमाणणीरयं । लुलन्तछत्त-चिंधयं, विसाय-संभमुद्धयं ॥ १११ ॥ पलायणेकचित्तयं, ससामिणो त्रिरत्तयं । कर्रिदसीयरोल्लियं, तुरंगथट्टपेल्लियं ॥ ११२ ॥ रहोहरुद्धपंथयं, भँयाउ[लु]च्छयच्छयं । परोष्परोरसोल्लियं, पलाइ भीरुणोल्लियं ॥ ११३ ॥ ति । अह णवर तत्थ थक्कइ कढिणगुणप्पहर किणइयपउट्टो । तेलोक्कमंदिरक्खंभविब्भमोऽरिद्ववरणेमी ॥ ११४ ॥
तओ आयष्णायड्ढियचंडकोयंडमुक सरपसरेण लीहायड्ढयं व, तुलियतेलोकधीर(रि) मुप्पण्णपयावेणं थंभियं व, अर्चितसत्तिसामत्थयामंतेण मोहियं व, धरियं पराणीयं । एत्थावसरम्मि य एकपाससंगलन्तकुमाराणुगयराम केसवं, अण्णओ भीम-ऽज्जुण-उल-सहदेवाहिट्ठियजुहिद्विलं, अण्णओ भोयगरिंदोववेयससहोयरसमुद्दविजयं पयट्टियं पहाणसमरं ति । एवं च जणियविविहर्वेह विष्णासं पर्यपिज्जन्त दंडर्जुज्झं पट्टियं समरं ति । अणुदिणं च समरवावारबावडाणं अइकन्ता as विवासरा । तओ एक्कम्मि दिवें से पेच्छन्तस्स मगहाहित्रइणो वहवे तस्स वलम्मि राम केसवेहिं राइणो वावाइया । तओ चलियचलंतचामरवीइज्जमाणो अप्फालिऊण कुवियकयन्तभूभंगविन्भमं धणुवरं भणिउमादत्तो, अवि य-
ture परिसक्किज्जर गोट्ठे गोवीण मज्झयारम्मि । अण्णह धणुगुणटंकारदारुणे समरसंघट्टे ।। ११५ । अort लीलागो डिएहिं गोत्रीण जणियसिंगारं । जंपिज्जइ अण्णह गुरुणरिंदरुंदम्मि संगामे ॥ ११६ ॥
जे ।
७ हणिद्दारिणुब्भढारोहं सू । ८
६ याण तुरंगमा रहाण सू जे । जे । ११ स्थलद्दार' जे । १२ उपुं जे । १७ भया[-सत्ययं सू । १८
१ क्रियमाणकदलिका सज्जहस्तिघटम् । २डवेयंडद्द थिउड, दर्द सू । ३ पटुविवाहुज्जवज्ज ं सू । ४ दंडउ ब्व जे । ५ खुरक्खय पक्क ं सू । ९ खुरक्खयं जे। १० गाढोबदाइदप । १३ चटुलयरतु सू । १४ 'पचयल्लं' जे । १५ लवीलिवि सू । १६ वढवि सू । १९ 'जुद्ध पट्टियं जे । २० दियहे पेच्छमाणस्स जे । २१
For Private & Personal Use Only
Jain Education International
。
हूं। कई चिंय ?गोल्ड एहि स्
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |