Page Text
________________
१८६
चउप्पन्नमहापुरिसचरियं । ण पियइ दिण्णं पि महुँ दइयाकरयलसमप्पियं पि भडो। णियसामिदाण-सम्माणजणियरिणमोक्रवणसयोहो ॥८॥ मयणाहि-धुसिणकलियं विलेवणं कोइ णेच्छइ तणुम्मि । रिखुपहरपडिफलं णं मा होही समरमग्गम्मि ।। ८१ ।। अण्णो णिम(म्म)जियकैयविसालधाराकरालखग्गलयं । सुसुरहिपमयमालोचमालियं कुणइ सयराई ।। ८२ ॥ उण्णयविसालपेढालचक्कलुत्तुंगसिहिणपब्भारं । अहिलसइ णेय दइयं पियं पि णिदं व को वि भडो ।। ८३ ॥ संठियगुणं सुवंसं विणयवसोमुक्ककढिणसम्भावं । कोइ पडियग्गइ भडो सरासणं णियकलत्तं व ॥ ८४ ॥ सुपओहरं सुलोहं णिच्च परखंडणेककयलक्खं । पयइकुडिलं पि कौगि कोइ भडो भयइ वेस च ॥ ८५॥ गुणणिग्गयस्स लोहिल्लयस्स परमम्मभेयणसहस्स । बाणस्स दुजणस्स व कोइ फलं महइ घेतुं जे ॥ ८६॥ इय णियमंदिरवावारवावडो जाव होइ भडसत्थो । ता जामसंठिएणं 'विकूवियं तम्बचूडेणं ॥ ८७ ॥ तो रायंगणे पढियं मंगलपाढएणंपरिलुलियतिमिर केसांऽवमीलियायंबतारया रयणी । परिणमइ चंददइओहोयपिमुणा पणइणि च ॥ ८८॥
तो णिहालसुम्मिलंतलोयणो जंभालमुन्यलणुव्वेल्लमाणभुयलओ पढमपडिउद्धपिययमासुण्णइयवामपासो पडिबुद्धो राया । कयमिट्ठदेण्यापूयणाइयमवस्सकरणिज । सुहणिसण्णेणं च दिण्णा समाणत्ती णियणिोइयाणं जहा-दिजउ पयागढक्क त्ति । अवि य
अह सुरकराहउच्छलियदेवदुंदुहिणिणायसारिच्छो । रायंगणे पयाणयढक्कासदो समुच्छलिओ ॥ ८९॥ तओ ढकारवमायण्णिऊण पडिबुद्धो सयलो वि सामंत-तलबग्गसंदोहो त्ति । तओ य किं काउं पयत्ता ?, अवि य
सिविलिऊण दइथं पिहुंगुण(पियंगु)दलसालयं, कोइ सिहिणधगफलहेस्वच्छविसालयं ।
गंदणं व विरहुग्गयतावपणासयं, सामिकज्जि बहुमण्णइ णवर पासयं ॥ ९०॥ अण्णाए कंठवलइयं, मोइज्जइ कह वि ओसुहेल्लयं पि । सुहडेण सामिकज्जए, दइयालइयसिणेहपासयं व ॥ ९१ ॥
विलुलियसिढिलकेसचटुलीकयचंचलवालयं, संठवेसु देवरतणुतरल[य] गलयं ।
भणइ कोइ मह सुंदरि ! मुय माणल्लयं, वयणयं च मा वुब्भउ वाहजलोल्लयं ॥ ९२ ॥ उप्पन्तीए कवयं कीए वि 'रक्रवासह' ति दइयस्स । आलिंगिज्जइ बहुसो, गुणाग रज्जई जगो, ण स्वस्स ।।९३।।
जंतदइयमवयच्छिय कीए विसालयं, वेण्णवेवि मुहमुम्भडजणियविभोलयं ।
दुण्णिमित्तसंकाए विसायबसुब्भए, वाहओ पहोलिज्जइ लोयणमज्झए ॥ ९४ ॥ सुपडिस्थिरपरिसप्पयं, कोयि समारुहइ संसए वि मिलियाण । ववसायं पिव तुरययं, सहाययं आईए संसियाण ॥१५॥
को वि गलियकरडयडपलोट्टियदाणयं, गुरुविपक्खभेयक्खमदीहविसाणयं ।
णिययपुरिसयारं पिव पर भडभंजयं, आरुहेइ गुरुमयगलमइदप्पुज्जयं ।। ९६ ॥ कीए वि गओ त्ति दइयो, विरहभया हित्थवेविरंगयाइं। अवलम्बियाई तुरिययं, वयंसियाए व णैवर मुच्छयाए ॥१७॥
एवं विणिग्गयासेसभडयणो खणमेत्तमिलंतसामंतचक्को पासपरिसंठियऽक्खोहप्पमुहसमत्तसहोयरो अण्णओ भोयगरिंदाहिद्वियबल-दामोयरो पयट्टो राया । कहिचि करहुत्तासियवेसरगिवाडियविलासिगीजगहसावियभुयंगो, कहिंचि समयगलारुसियपलोट्टियमेंठो, कहिचि वडवादसणविरुद्धदषुधुरतुरंगमायड्ठ्यिारोहो, कहिचि बहुसिडिंगपरियालियखोरकलयलारावमुहलो वहइ खंधायारो त्ति । कइवयफ्यागएहिं च पत्तो सरस्प्ततीए तीरासगं सिणवल्लियाहिहाणं गाम ति । तस्थ य समथलसमरजोग्गभूमिभागम्मि आवासिओ समुहविजओ त्ति ।
पडिफ(फ)लण मा सू। २ करविसाल स.। ३ विकूइयं तंबचूलेण जे। ४ लबाढएग जे । ५ °सा विमीलि जे। ६ वहोबपि सू। . 'करणीय जे। ८ गयढक जे। हरदा जे। १० वलइ पमोईजे। ११ इ गरो ण सू । १२ उग्णवेमि सू। १५ णवरि मुन्छियाए सू। १४ खंधारो जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |