Page Text
________________
३४-३५ अरसामितित्थयर-चक्कवट्टिचरियं ।
१५७ इच्छामि जइ तुहाणुरूवं रूव-जोव्वण-कलाहियं पेच्छामि त्ति । तओ तयणन्तरमेव साहिओ णिययवुत्तन्तो गेहणिग्गमगाइओ अणंगसुंदरीदंसणपज्जवसाणो, साहिओ य अत्तणो तीए उवरि अणुराओ त्ति । तओ एयमायण्णिऊण अणंगसुंदरी गरुयविम्हयहरिसविसेसफुल्लणयणा भणिउमाढत्ता जहा-फलियं मह पुवज्जियमुकयतरुणा, संजायं पुरिसपे(वे सत्तणवयविसेसस्स फलं ति, ता किं बहुणा?, जीविय-सरीरादियं सव्वं तुम्हायत्तं, जं जाणसि तं कुणसु त्ति । वीरभद्देण भणियंअत्थि एयं, किं पुण तहा कीरइ जहा पर लोया वाओ ण होइ ? त्ति । तीए भणियं-तुमं चेव संपयं जाणसि त्ति। पुणो भणियं वीरभद्देण-ण संपयमहमागमिस्सामि, तुमए पुण तहा तहा महाराओ भाणियव्यो जहा मह पिउणो संखसेहिस्स तुमं विवाहणि मित्तं पयच्छइ त्ति । एवं च सिक्खविऊण णिग्गओ वीरभदो । गभी सभवणं ।
इओ य अणंगसुंदरीए सद्दाविया जणणी। भणियं च तीए अग्गओ जहा-अम्ब ! जइ मए जीवन्तीए पओयणं ता, तह विष्णवेसु तायं अंब ! तुम कह वि वीरभदस्स । जह अजं चिय मं देइ संखसेटिं समाहूय ॥२६॥
तओ एयमायण्णिऊण तुट्टाए जणणीए भणियं-पुत्त ! को एत्थ संदेहो ?, तुह वराहिलासेण अचन्तणेव्वुओ होही तुह जणओ , किंतु केरिसो सो वरो ? ति तुमं जाणसि । तीए भणियं-अम्ब !
विष्णाणाइगुणग्धवियपरियणायंतसयलभुवणेण । जो तेणं चिय णज्जइ जयम्मि सो गुणमहग्यविओ ॥२७॥
तओ संठविऊण धूयं गया तेलोक्कसुंदरी महारायसमीवं । साहिओ एस वुत्तन्तो राइणो । तेणावि भणियं-णिसुओ मए जहा-कोइ सन्चकलाकुसलो रूवोहामियकामएवो जुवाणो जंबुद्दीवाओ समागओ संखसेट्ठिणो गेहे चेट्टइ, ता सदावेमि संखसेटिं। ति भणिऊण विसज्जिया महादेवी। सदाविओ संखसेट्ठी। सिक्खविओ वीरभदेण जहा-सदाविओ तुमं दिक्करियादाणणिमित्तं, तए वि अवट्ठभं काऊण पडिच्छियव्वा, ण अण्णह त्ति। गओ सेट्ठी बहुवाणियगस मेओ। पटिहारजामाविमओ पविट्ठो। दिवो य राया कालोचिएण दरिसणिज्जेण । कयपणामस्स य राइणा दवावियमासणं । उवविट्ठो काऊण पसायं ति। भणियं राहणा-भो सेट्रि! तह घरे जंबद्दीवाओ समागओ जुवा मुणिजइ, सो यकिल सम्यकलाकसलो विणीओ य 'विणिज्जियासेसस्वविहवो ति । सेटिणा भणियं-देव ! अत्थि जुवा, कला-गुणोववेयत्तणं तु लोओ भणइ, अम्हे उण ण सॅम्मं जाणामो । राइणा भणियं-किं तुह णिद्देसवत्ती ण व? त्ति । सेटिणा भणियं-देव ! तस्स सयलं पि णयरं गुणावज्जियमाणसं वसे वट्टइ, सो उण विणीयत्तणेण मह परियणस्स वि णिद्देसे वट्टति, किमंग पुण महं? ति। राइणा भणियंजइ एवं ता णियधृयमहं देमि, गेण्हसु तुमं ति । सेट्टिणा भणियं-देव ! ण मयाणं सीहेण सह संजोओ सुंदरो होइ, ता देव ! सामिसालो तुमं, अम्हे पुण तुम्हें पयाओ, एवं च ठिए किमेवमाइसइ महाराओ ? । राइणा भणियं-किं तुज्झ वियारेण ?, जमिहमाइसामि तुमए अवियारं कायव्वं ति, तुमं पुण तमेव पुच्छाहि । सेट्ठिणा भणियं-एवं कीरइ त्ति । विसज्जिओ सेट्ठी। कहिओ वुत्तन्तो वीरभद्दस्स ।
पुणो वि सदिऊण राइणा दिण्णा अणंगसुंदरी । पडिच्छिया य सेविणा । कयमुचियकरणिज । महासम्मद्देण वत्तो विवाहो । जाया परोप्परमञ्चन्तपीई । रूसन्ति विओयकारिणो णयणा णिमेसस्स वि । कया वीरभद्देण अचंतसाविगा, कहिओ जिणएसिओ धम्मो, लिहिया य सयमेव तित्थेसरपडिमा, पडिलिहिया साहू साहुणीओ य, लाइओ इच्छा-मिच्छाइओ सावगजणोचिओ ववहारो । कुणंति पइदिणं देववंदणाइयमायारं, गायति वेरग्गगीयाओ, पढन्तिणाणाविहाइं कुलयाई । भुंजंति भोए, सरइ संसारो । अण्णया य चिंतियं वीरभद्देणं जहा-"ण सक्केइ मह विरहदुक्खं थेवं पि सहिउँ अणंगसुंदरी, अवि य
येवं पि विरहदुक्खं ण सहइ, गरुयं पि चढणं सहइ । वट्टइ सोमालिम-जरढियाउ दइए समप्पंति ॥२८॥ Education मह सुकय सू । २ तुहायत्तं जे । ३ णायन्नस जे । ४ विणिजियसेस सू । ५ संपर जा सू । ६ वह जे ।
FON Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |