Page Text
________________
३०-३१ संतिसामितित्थयर-चक्वट्टिचरिय ।
१४७
मं देवो त्ति । एयं मुणिऊण तुरियं समागओ। ताय य सा पंचत्तमुवगया । राया य तीए सद्धि चियाए पविट्ठो । जलिउमाढत्तो जलणो । ताव य थेववेलाए समागया दुवे विज्जाहरा । तत्थ एगेण अभिमंतिऊण सलिलं सित्ता चिया । णवा वेयालिणी विज्जा अट्टहासं काऊण । समासत्थो राया । भणियं च तेण-किमेयं ? ति । भणियं विज्जाहरेण जहा-"अम्हे पिया-पुत्ता अमियतेयस्स परिग्गहे वट्टामो, जिणवंदणणिमित्तं गया आसि। आगच्छंतेहि य णिसुओ सुताराए असणिघोसेण गिज्जतीए अकंदणसदो । अम्हे य जुज्झसज्जा सुताराए भणिया-जहा महाराया वेयालिणीए विजाए वेलविओ जीवियं ण परिचयइ तहा गंतूणं उजाणं सिग्धं करेह । तओ अम्हे पिया-पुत्ता इहं आगय ति । दिट्ठो य तुम वेयालिणीए विजाए समं चियारूढो।। णट्ठा य सा दुविजा। तओ उढिओ तुम" ति । अवहरियं च सुतारं णाऊण विसण्यो राया । भणिओ य तेहि-वीसत्थो होहि, कहि जाइ सो पावो ? । त्ति संठविऊण गया विज्जाहरा ।
विण्णाओ य एस वुत्तंतो अमियतेएण । गया य चमरचंच णगरि अमियतेय-सिरिविजया असणिघोसन्तियं । पट्टविओ य बाहि ठिएहिं चेव असणिघोसस्स दूओ। पलाणो य सो । पहाविया पिट्टओ। दिट्ठो य अयलस्स उप्पण्णकेवलम्स समीवे असणिघोसो'। आणिया सुतारा तत्थेव एगेण अमियतेयविज्जाहरेण ।
तओ उवसन्तवेरा केवलिसमीवे धम्मं सुणंति । लद्धावसरेण य पभणियं असणिघोसेण जहा-“ण मए दुढभावेण अबहरिया सुतारा, किंतु विजं साहिऊण आगच्छन्तेण मए दिट्ठा इयं, ण सक्केमि य तं परिचइउं पुच्चसिणेहेण । तओ छलेण वामोहिऊण सिरिविजयं वेयालिणीए विज्जाए, घेत्तूणं सुतारं समागओ अहं । ता खमियव्यं तुम्हेहिं अदुट्ठभावस्स महं" ति । तओ एयमायण्णिऊण अमियतेएण भणियं-भगवं ! किं पुण कारणं एयस्स इमीए उवरि सिणेहो ? त्ति । तओ केवली कहिउमाढत्तो
" इहेव भरहे मगहाजणवए अचलग्गामे धरणिजढो णाम विप्पो । तस्स य कविलाहिहाणा दासचेडी। तीए पुत्तो कविलो णाम । तेण य कण्णाहेडएण वेया सिक्खिया। गओ य "देसंतरे रयणपुरं णाम जयरं । तत्थ य राया सिरिसेणो । तस्स दुवे भारियाओ-अभिणंदिया सिहिणंदिया य । सो य कविलगो अज्झावगमल्लीणो। तेण य 'बम्भणो' त्ति कलिऊण णियधृया दिण्णा 'सच्चभामा णाम ।
सो य कविलगो कयाइ वासारत्ते संझासमए मंदमंदप्पयासे वरिसंते देवे वत्थागि कक्खाए पक्खिविऊण समागओ । तओ सच्चभामा से भारिया अवराणि वत्थाणि घेत्तूणं उवटिया । तेण भणियं-अत्थि मह पहावो जेण वत्याणि ण 'तीमंति। तीए विष्णायं जहा-शृणमयमवसणो समागओ, ण य कुलीणाणमेयं जुज्जति, ता गृणमकुलीणो एस । मंदसिणेहा जाया। ___ अण्णया य धरणिजढो कविलस्स समीवं समागओ। सच्चभामाए पिया-पुत्ताणं विरुद्धमायारं पासिऊण जहट्ठियमेव पुच्छिओ धरणिजढो । तेणावि जहट्ठियमेव साहियं ति ।
सचभामा य णिव्यिण्णा गया सिरिसेणस्स रण्णो समीवं जहा-मोयावेह मं कविलसगासाओ, पनजाणुटाणेणं धम्ममई करेमि त्ति । महाराण भणिओ कविलो ण मुयइ, भगइ य जहा-ण सक्कुणोमि तीए विरहिओ खणमवि जीविउ ति । तओ तमायणिऊण भणियं राइणा जहा-इह चेव ताव चिट्ठसु जाव कविलं पत्तियावेमि । ___ अण्णया य राया णियपुत्ते अणंगसेणागणियाणिमित्तेण जुझते पासिऊग तालपुडविसोवोगेण कालगो। तयणंतरं च अभिणंदिया सिहिणं दिया दुवे वि भज्जाओ, सचभामा य माहणी, तेणेव विसप्पओएण कालगयाओ। चत्तारि वि जणाई देवकुराए जुगलत्तण समुप्पण्णाई। तो वि सोहम्मे कप्पे गयाणि । तत्तो वि चविऊग सिरिसेणजीवो अमियतेओ, अभिणंदियाजीयो सिरिविजओ, सच्चभामाए जीवो सुतारा समुप्पण्णा । सो य कविलो
१ अकदसद्दो जे । २ “ए सह बिजाए चिजे । ३ °सो । गीया जे । ४ देसतर स् । ५ णियया धूया जे। ६ वचप्पभा णाम जे । ७ मे जे । ८ तिम्नति जे । ९ तालउड सू।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |