Page Text
________________
[ ३०-३१ संतिसामितित्थयर-चक्कवट्टिचरियं ]
धम्मतित्थयराओ तिहिं सागरोवमेहिं पउणपलिओवमूणेहिं संती तित्थयरो चक्कवट्टी य समुप्पण्णो । केहं ?गुणिणो सुकुलसमुब्भवपरकजसमुजया महासत्ता। ते केइ जए जायंति जेहिं भुवणं अलंकरियं ॥१॥
अत्थि इहेव जंबुद्दीवे दीवे वेयड्ढपव्ययवरे उत्तराए सेढीए रहणेउरचक्कवालपुरं णाम णयरं । तत्थ य राया अमिततेओ परिवसइ । तस्स य सुतारा णाम भगिणी । सा य पोयणाहिवइणो सिरिविजयस्स दिण्णा । अण्णया य अमियतेओ पोयणपुरं सिरिविजय-सुतारादंसगत्थं गओ। पेच्छइ य पमुइयं ऊसियधयवडायं सव्वं पि पुरं, विसेसेण राउलं ति । तओ विम्हउप्फुल्ललोयणो ओइण्णो गयणयलाओ रायभवणंगणे । अन्भुडिओ य सिरिविजएणं । कयमुचियकरणिज्ज । उवविठ्ठो सिंघासणे। पुच्छियं अमियतेएणं उच्छवकारणं । तओ सिरिविजओ साहिउमाढत्तो जहा
__ "इओ अट्ठमे दिवसे पडिहारणिवेइओ समागओ एको मित्तिओ। दिण्णासणो उवविठ्ठो य। पुच्छिो य मएकिमागमणपओयणं ?। तओ तेण भणियं-महाराय ! मए णिमित्तमवलोइयं जहा पोयणाहिवइणो इओ सत्तमे दिवसे मज्झण्हसमए इंदासणि उवरि पडिस्सइ । तं च कण्णकडुयं सोऊणं मंतिणा भणियं-तुज्झ उण उवरिं किं पडिस्सइ ? । तेण भणियं-मा कुप्पह, मए जहा उवलद्धं णिमित्तेण तहा साहियं, ण य मह एत्थ कोई भावदोसो, मज्झं च तम्मि दिवसे हिरण्णवुट्ठी उवरि पडिस्सइ । एवं च तेण भणिए मए भणियं-कहिं तए एवंविहं णिमित्तमागमियं ? । तेण भणियं-'अहमयलसामिणिक्खमणकाले संह पिउणा पव्वइओ। तत्थ मए अहिन्जियं अटुंगं पि णिमित्तं । तओ अहं पत्तजोव्वणो, पुन्चदत्ता कण्णा, भाउगेहिं उप्पावाविओ, कम्मपरिणइवसेण य तओ मए सा परिणीया । तओ मए सवण्णुपणीयणिमित्ताणुसारेण पलोइयं जाव पोयणाहिवइणो विज्जुणिवाओवद्दवो' त्ति । ___ एवं च तेण सिटे एगेण मन्तिणा भणियं जहा-राया समुइमज्झम्मि वहणे कीरउ, तत्थ किल विज्जू ण पहवइ । अण्णेण भणियं-ण दिव्वणिओओ अण्णहाकाउं तीरइ, जओ एक्कस्स भणपुत्तस्स समागयम्मि रक्खसवारयम्मि पेच्छिऊण जणणी रुयन्ती करुणयाए एक्केण भूएणं समासासिऊण जणणिं णीओ तयारगदिवसम्मि गिरिगुहं । तत्थ य पुल्चट्ठिएणं अयगरेण खइओ, ता एवं दुप्परियल्लमाउयं जंतूणं तुटं पालेउं ति । पुणो वि अवरेण मंतिणा भणियं-पोयणाहिवइणो वहो समाइट्ठो मित्तिएण, ण उणो सिरिविजयमहाराइणो त्ति, सत्त दिवसे अवरो कोई पोयणाहिबई परिकप्पिज्जउ । त्ति मंतिऊण वेसवणजक्खो मिलिऊण रज्जे अहिसित्तो। ___सत्तमे दिवसे मज्झण्णसेमय म्मि समुण्णओ मेहो, फुरियं विज्जुल याए, गज्जियं जलहरेणं । तओ समन्तभो फु िऊण विज्जुलयाए पडिऊण जक्खहरे जक्खपडिमा विणासिया । अहं च पोसहसालाए सत्तरत्तोसिओ अहिणंदिओ परेहि पुणो वि अहिसित्तो रज्जे । पूइओ य णेमित्तिओ । ता एयं बद्धावणयकारणं" ति।
एयं च सुणिऊण भणियं अमियतेएणं-अविसंवादि णिमित्तं, सोहणो रक्खगोवाओ को त्ति।
तयणंतरं च सिरिविजओ सुताराए सद्धिं बाहिरुज्जाणं गओ। तत्थ य कणयच्छत्रि मयं पासिऊण भणियं सुताराए जहा-पिययम ! सोहणो एस मओ, ता आणेहि एयं मह खेल्लणणिमित्तं । तओ सयमेव पहाविश्रो राया। पलाणो य मओ, थेवभूमीए ये गयणंगणे उप्पइओ । ताव य कॆइयं महादेवीए जहा-हं देव ! कुक्कुडसप्पेण खड्या ता परित्तायउ
१ कह ? ॥णमो सुयदेवयाए भगवईए ॥ अस्थि ई जे । २ गाथेयं जेपुस्तके चरित्रस्यास्याऽऽदावुपलभ्यते । ३ पोइणिपुरं सू । १ मजष्ण सू । ५ इंदासणि सू । ६ तस्सि सू। ७ "णिक्खवण सू । ८ सहि जे । ९ पोइणा सू। १० 'यराइणो सू । ११ 'समए उप्पण्णभो सू । १२ १उरेणं जे । १३. अमित सू। १६ य तयणन्तरमुप्पइमो सू। १५ कवियःसू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |