Page Text
________________
१२४
चउप्पन्नमहापुरिसचरियं । भणियं-कस्स संतियाओ तुम्हे ? । ताहि भणियं-रायधूयाओ । तमायण्णिऊण मए भणियं-कस्स राइणो ? । [? एगाए भणियं-अहं दुल्लहरायस्स संखउरसामिणो कण्णगा चेव चिट्ठामि, एयस्स भएणं णेच्छिओ मए विवाहो । मए भणियं-कि णेहणियं ज्याहु अण्णह ? ति । तीए भणियं-"कुओ णेहो ?, किंतु अहं रयणीए कोट्टिमतलम्मि सुत्ता अवहरिया अणेणं विजाहरेणं, तओ अहं जिन्भं कड्ढिऊण वावाइउमादत्ता । तो तेणं भणियं-मेल्लेमि तुमं जइ मह वयणं करेसि । मए भणियं-केरिसं ?। तेण भणियं-मए मुक्काए भत्ता इच्छियव्यो । तं च मए पडिवण्णं । भणियं च तेण-मह समीवं पइदिणं रयणीए समागन्तव्वं, तुम्ह(हा)गमणणिमित्तं च चिंतियं चेव विमाणं भविरसइ त्ति । एवं णियमिऊण अहं तत्थेव सयणीए मुका। आगच्छामि य पइहिणं एयस्स समीवे । सिक्खविया य वंसं वाएउं । निम्मवियं च उसहसामिणो पढमतित्थयरस्स देवहरयं विजाहरेणं । एयाओ वि तिणि वि जणीओ णिब्बंध काऊण एवं चेव मुक्काओ। सिक्खवियाओ य औलाव-वीणाइयाओ कलाओ । विलसइ सो पइदिणमेवं अम्हेहि सद्धि सरीरमफुसंतो"। तओ मए 'सोहणं' ति भणिऊण विसज्जिया। गया य गियएणं चेव विमाणेणं सहाणं ति । इयराओ वि दोण्णि वि जणीओ साहिऊण नियजणय-णयराइयं तहेव गयाओ । __ अहमवि सह चेडीए समारूढो तम्मि विमाणे। समागयं कणगमतीभवगं विमाणं । ओइण्णाणि अम्हे । उवसंहरियं विमाणं । दिट्ठो अहं कणगमईए । दंसगाणंतरमेव भणियं तीए-किं वावाइओ दुधिज्जाहरो ? । चेडीए भणियंसुठु जाणियं सामिगीए । कणगमतीए भणियं-अजउत्त ! ण जुत्तमेवं भवओ ववहरिउं, जो विसमो सो विज्जाहरो । मए भणियं-अहं पुण किं समो तुज्झ पडिहामि ? । दासचेडीए भणियं-“सामिणि ! किं भणामि ?, इत्थीजणपसंसगं पि एयस्स 'जिंद' त्ति, 'धोरो' त्ति चेट्टाए चेव विणायरस पुणरुतया, 'महाबल-परकमो' ति पयडियं विज्जाहरमारणेणेव, 'तुहाणुरायगिब्भरो' ति सामिणीए सयमेव विण्णायं, 'उदारचरिउ' त्ति चइऊग रज गच्छंतेणेव पयडियं । उपरि किं भणामि ?, एयस्स जं उचियं तं सई चेव सामिणी जाणिस्सइ"।त्ति ठिया चेडी। तओ एवमायण्णिऊण भणियं कणगमईए-"हला ! किमेत्थ जाणियवं?, पुवामेव वरमालाए सद्धिं समप्पियं हिययं, संपयं अहमणेणे गियजीवियमोल्लेणं वसीकया। संपयं देहस्स जीवियस्स य एस एव मे पहवति त्ति । काहमवरस्स करिएवयस्स ? । सव्वहा अणुकूलो सुरूवो उवयारी पिओ य, णिदेसवत्तिणी अहमिमस्स"। त्ति भणिऊणं कणगमती सलज्जा अहोमुही ठिया। तओ मए भणियं-"सुंदरि ! किमणेणं जंपिएणं ?, ण मए अउव्वं किं पि तुह णिमित्तं कयं, जओ किं थेवो परिहवो 'णिययभज्जा परवस' त्ति ?, तओ णियपरिहवविसोहणत्थं सव्वं मए चेट्ठियं ति । अवि य
लंघिजइ मयरहरो, अप्पा खिप्पइ भिगुम्मि घोरम्मि । पइसिज्जइ गुरुजालाकरालिए हुयवहे जलिए ॥१९॥ दुक्खजिओ चइज्जइ तणं व तुलिऊग अत्थसंघाओ। अप्पा दिजइ अयसस्स खग्गधाराए व जहिच्छं ॥२०॥ लंधिजइ मुहिवयणं, ण गणिज्जइ गुरुणो कुलं सीलं । लज्जा वि परिचइज्जइ सह बंधुयणेण णीसंकं ॥२१॥
किं बहुगा ?, हयसंसारसायरुत्वहणदुक्खपडिबंधो । आयामिज्जइ दइयस्स कारणा माणुसस्स जए ॥२२॥ ता सुंदरि ! थेवमिणं, तुज्झ कए किंण कीरइ जयम्मि ? । अहवा सुपसिद्धमिगं दुक्खेहिं विणा ण सोक्खाई" ॥२३॥
एवं च अहं कणगमईए सह णेहगभिणं जंपिऊण तत्थे पसुत्तो । ताव य तस्स विजाहरस्स चुल्लभाउणा सह कणगमईए आगासम्मि अवहरिओ, पुणो अहं समुदमज्झे पक्खित्तो। तओ दिव्यजोएण पडणाणन्तरमेव पुवभिण्णवोहित्थसमासाइयफलहगो सत्तरत्तेणं लंबिऊग जलणिहिं समासाइया तीरा। "तीए य किंचि वेलं समाससिऊण कह कह वि महया किलेसेण कयलिफलादिएहिं कयपाणवित्ती "गिरिणतीतीदेसम्मि अच्छिउं पयत्ता । 'ग य तम्मि पएसे माणुसरस संचारो' ति तओ मए चिन्तियं-"किमेयं तीरं उँयाउ दी ?, किं वा कोइ पव्ययवरो? ति । एवं संकप्प-विकप्पसमाउलो
१ ज.णया उ अणजे । २ वाइउ जे। ३ आलावीणा सू जे । ४ ए आरूढो जे । ५ वीरो जे । ६ मरणेण, तु जे । . एयमा जे । ८ पुब्बमें जे । ९ ण जंपियजी जे । १. यण कु जे । ११ दुक्खेण जे । १२°व य पसुसू । १३ तीए किंचि सू । १४ महाकिले जे । १५ गिरिणो तीर जे । ९६ तीरम्मि सू । १७ किमेव जे। १८ उयाहु जे ।।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |