Page Text
________________
२०-२१ सयंभुवासुदेव मदबलदेवाण चरियं । क्यणतरमेव कणगमतीए बिउरुपियं विमाणं । मए चिंतियं-सोहणं कमिमीए ज ण गय त्ति, अहमेव तस्य गंतूण अवणेमि विज्जाहरणरिंदत्तणं, फेडेमि पेक्खणयसद्धं, दूरीकरेमि जियलोयं । ति चिंतयंतो सह तीए दासचेडीए आरूढो विमाणेकदेसे । गयं तहेव तं विमाणं तमुदेसं । ।
जाव ये उसहसामिणो ण्हवणं काऊण णमु समारद्धं ताव य सा दासचेडी संपत्ता तमुदेसं । णीसरिऊण विमाणायो उबविट्ठा एगदेसम्मि । पुच्छिया य अवरेणं विज्जाहरेणं-किमूसरे तुम समागया ?, कहिं च कणगमइ ? ति । तओ तीए भणियं–ण सोहणं सरीरं कणगमईए तो अहं पेसिय त्ति । तं सोऊण भणियं विजाहरणरिदेण-तुब्भे करेह पेक्खगयं, अहं तीए सोहणं सरीरं करिस्सामि । [त्ति जंपिए संखुद्धा चेडी। सज्जिओ मए परियरो, सणाहीकयं च खग्गरयणं । ताव य उवसंहरिओ पट्टविही । जीसरिओ देवहरयाओ विजाहरो । गहिया चेडी केसपासम्मि, भणियं च तेणरे दुदुचेडि! पढमं तुह चेव रुहिरप्पवाहेण मह कोहग्गिणो होउ णिचवणं, पच्छा जहोचियं करेस्सामि सुह सामिसालीए। तं चाऽऽयण्णिऊण भणियं चेडीए-तुम्हारिसेहिं सह संगमो एवंविहवइयरावसाणो त्ति, ता कुणसु जं तुज्झ अणुसरिसं, एयं अम्हेहिं पुन्वमेव संकप्पियं ति, ण एत्य अच्छरियं । तयणंतरं च दढयरं कुविएणं भणियं विजाहरेणं-किमेवं पलयसि उम्मत्ता इव ?, संभरसु इट्टदेवयं, गच्छसु वा सरणं ति । तओ भणियं चेडीए
एसो च्चिय सुर-विज्जाहरिंद-णर-तिरियवच्छलो भयवं । उसहो तेलोकगुरू सरणागयवच्छलो सरिओ ॥ १४ ॥ सरणं अडतीए महं को होज्ज अमाणुसाए घोराए ? । तह वि अकारिमधीरो त्ति अज्जउत्तो महं सरणं ॥ १५ ॥
एयं च सोऊण भणियं विज्जाहरेणं-साहसु को सो तुह अज्जउत्तो ? त्ति । मए चिंतियं-सोहणं पुच्छियं, महं पि संसओ चेव । तओ भणिय चेडीए
जेण समक्खं चिय णरवईण गुण-रूव-विक्कम-बलेण । सोहग्गजयपडाय व्व सुयणु मह सामिणी गहिया ॥१६॥ जेगं चिय गरुयगुणेण सयलसत्थत्थभावियरसेणं । दूरे वि ठिओ णाओ तुमं ति केणइ पओएणं ॥ १७ ॥ जेण तुमं दिट्ठो च्चिय ण होसि भुषणम्मि साहसधणेणं । तेणमहमत्तणो कीरमाणमिच्छामि किल रक्खं ॥ १८ ॥
"एवमायण्णिऊग दट्ठोडभिउडिभासुरेण भणियं विज्जाहरेण-तस्स णराहमस्स सरणेणमवस्सं णत्थि ते जीवियं । ति भणमाणेण विज्जुच्छडाडोवभामुरं कड्ढियं मंडलग्गं । णिलुक्को तब्भएण तरुयरंतरेसु सन्यो वि परियणो । एत्थं तरम्मि मए पयडीहोऊण हसिऊग य भणियं-रे रे विज्जाहराहम ! कावुरिस ! इत्थीजणमज्झेक्कवीर ! जुबईणं उवरि खग्गं कड्डतो ण लैंजसि अत्तगो पंचभूयाणं ?, अहं पि एवंविहपुरिसेसु खग्गं वावारेन्तो लज्जामि ति, तहा वि एवंविहे वइयरे किमण्णं कायव्यं ? ति, गिस्संसयं संपयं ण होसि त्ति, अभिमुहो वलसु । त्ति भणंतेणं कवियं परियराओ मंडलग्गं । सो वि गहियाउहो बलिओ मज्झ सम्मुहो। पयट्टा भभिउ परोप्पां छिदऽण्णेसगपरायणा । भीओ तस्स परियगो दासवेडी य । तो ओइरियं ते ममोपरि मंडलग्गं । वंचियं तं मए दक्खत्तणेगं । तह चेवाभिमुहो ठिओ। उल्लालियखग्गरयणो पुणो मए वाहिओ "जंघादेसम्मि खग्गपहारो । लग्गं च ईसीसि मंडलग्गं । तओ उल्ललिओ सो उपरिहत्तं । घत्तिओ पहारो मम सिरोहराए । मए वि उपरिहत्तं वाहियं मंडलग्गमलक्खमेव । ताव य तस्स सह भुयाए पडियं भूमीए खग्गरयणं । गहियं वामहत्थेग तेण दक्खयाए । पुणो वि घत्तिओ वामहत्थेणेव ममोवरि पहारो। मए "वि वंचिऊण तयणंतरमेव उल्लालिग खग्गायणं छिष्णं सीसं विजाहरस्स पडियं धरणीए ।
तन्वागायणाणंतरमेव भीओ परियणो आसासिओ मए । ताओ तिण्णि वि कण्णगाओ मह समीवमल्लीणाओ। भगियं च तिहिं वि जणीहि-मोयाचियाओ अम्हे इमाओ विज्जाहरपिसायाओ, ता संपयं तुमं अम्हाण गती । मण
१य पत्थुयं उ सू। २ णीहरि जे । ३ किमुस्फूरे जे । ४ हरिदेण तुम के जे । ५ मया जे । ६ संघरि जे । ७ णीहरिओ जे । ८ णिबहणं सू । ९ स्मामो जे । १. 'देवया जे । ११ अडवीए जे । १२ मवीरो जे । १३ तुमं सू । १४ य दा'सचेडीए जे । १५ एयमा जे । १६ तरुअंत जे । १७ तरे मए जे । १८ लज्जिओ सि अस सू! १९ भह ए सू । २० ममोपरि २१ जघदें सू । २२ वि चितिक सु।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |