Page Text
________________
१७-१८ दुनिछुवासुदेव-विजयबलदेवाण चरियं । मयसु भयंत, दइयं पि मुयसु मणयं पि मुकमज्जायं । मज्झं मुट्ठीगेझ तीए को पावइ बेउण्णो ? ॥४५॥ रे हियय ! फुडं भणिमो ‘रते रैचिज्जइ' त्ति जुत्तमिणं । एयं तुज्झ ण जुत्तं 'रमणं रामेही सऊष्णो' ॥ ४६॥ पच्चक्रवदिविलियं दूरं परिहरसु पिययमं हियय !। कस्स ण हरेइ हिययं ऊरुजुयं तीए सुकुमालं ? ॥ ४७॥ इय संठवण-विसरणबहुविहवक्खेवहरियहियएणं । कुमरेण णेय णाओ दीहो वि पहो विचित्तेण ॥ ४८॥ एवं च बहुप्पयारं हियएणं चिंतयंतो पविट्ठो महाई । पुणो वि पुन्ववुत्तंतं "चिंतंतो गंतुमाढत्ती, अवि यअणुकूले पडिकूलं परम्मुहे सम्मुहं चलसहावं । पेम्मं महिलाहिययं, ण याणिमो 'कह णु संठविमो ? ॥ ४९ ॥
तओ पेक्खिउमाढतो महाडइं । सा य णारायणमुत्ति न पयडियविस्सरूवा, दुस्सीलघरिणि च सयावराहा, सारयच्छेत्तभूमि च करिसयसंकुला, सरयसिरि ब पोण्डरियमण्डिया, तियसा-ऽसुरमहियसमुद्दवेल न सकमला, विणिहयहिरणक्खसपुरि च मयाहिवसमाउला, दाणवाहिवतणु ब वियरियहरिणहा, गंगेय-उज्जुणसमरभूमि व्व वियंभियसिहंडिसिलीमुहा, भारहकह व समुल्लसियभीम-ऽज्जुणा, जहिं च रुवंति विरुया, मुभुयन्ति भल्लुकीओ, घुरुहुरन्ति वराहा, सूसुयंति सप्पा, गुलुगुलेति गयवरा, मजति महिसा, चरंति चमरीओ, गज्जति गंडया. भज्जति भीरुया, रुंजंति रुरुया, मयमृदिया मयारिणो, विद्दवंति वग्या, सप्पंति ससया, लीलंति लावया, तेम्मति तित्तिरा, मुक्ककेकारवाई
वमादि पेच्छंतो महाई लंघिऊण कइहि वि पयाणएहि पत्तो चंपं णयरि। तत्थ य समरसीहो णाम गरवई परिवसइ । आवासिओ य विवित्तपदेसे । दिट्ठो य सोहणे दिवसे राया। ओलम्गिउमाढत्तो। ___ इओ य तम्मिणिग्गये राइणा गरेसाविओ। पुच्छिो य तयासण्णाजगो-कि णिमित्त कहिं वा मओ रॉयपुत्तो? ति। तेहि वि अणायवुत्तंतेहिं जहटियं चेत्र ‘ण याणिमो' ति साहियं णरवइणो । उवलद्री य एस वुत्तंतो रायकुमरीए जहाणे णज्जइ कहिं पि केण वि पोयणेणं गओ चंदउत्तकुमारो त्ति । तओ एयमायण्णिऊण सहस ति मुच्छिया। पडिवाइया सस्थहियया य परिदेविउमादत्ता। कई ?हा णा ! कत्थ सि गो ?, कि कि एयं? ति मज्झ वि ण सिढे । गिवसंतीए विमए हियए चित्तं चिय ण णायं? ॥५०॥
णाह! ण जाणामि अहं दोसं जेणेह उज्झिया तुमए । अह तायस्स! ण मज्झं, किमहं तुमए परिचत्ता? ॥५१॥ सगुणं व णिग्गुणं वा महाणुभावेहिं जं समायरियं । पालन्ति तं तह च्चिय जइ ण विसीले विसंवयइ ॥५२॥ अन्ज विणाह ! ण यागसि ममं पि दूरेण सीलगुणगियरो। धम्माराहणयाए धम्माण गवसणं जुत्तं ॥५३॥ ता मइमोहो व्य 'तुहं, अहवा तं णाह ! विप्पलद्वो सि । केणावि अहण्णेणं, भत्तं कह अण्णहा चयसि ? ॥ ५४॥ दोसा गुण न जे केइ कप्पिया पियजगम्मि णेहवसा। परिणामे ताण पुणो णिचहणं अण्णहा होइ ॥ ५५॥ णाओ सि तुमं सामिय !, ममं पि जाणिहसि दीहकालेण । मोत्तूण तुमं जम्मंतरे वि जइ अण्णहा होज्जा ॥५६॥ इय केत्तियं व भणिहिसि गाह ! चत्ताई तुह विओयम्मि । विसयसुहाई महायस ! सहियाई विलासकजेहिं ॥५७॥
एवं च बहुविहं विलवंती सहीहि भगिया-'सामिणि ! किमणेगमरणविलविएण ?, गओ सो तुम मोत्तूणं ण णज्जइ केणावि पओयणेणं । तुमं पुण एचियं एवंविहं च वोत्तुं केण सिकावविया ? । ता सामिणि ! कयं तुमए मरणाओ वि
पढमजोयणम्मि विसयपरिचयणं तस्स य अणायपरमत्थस्स कए' ति। एत्यंतरम्मिणाऊण एवं वइयरं समागया जणणी । जागिओ य पइण्णाविसेसो कुमारीए। भणिया य-पुत्ति ! किमेवमाउलीहूया ?, जो सो "वेव आगमिस्सइ तओ सोहणं, अह णाऽऽगच्छइ तओ जो की वि तओ वि सुंदरयरो तस्स तुमं पिया संजोइस्सइ, ण हु कण्णायत्ता वरा, पिया ते जाणिस्सइ संजोगं ति। तीए भगियं-"अम्ब ! किमेत्य जाणियव्वं ?,
१ अहष्णो जे । २ रजिजति ति जे । ३ विलय जे । ४ 'दवि जे । ५ चितयतो जे । ६ 'डइयं । सा जे। . सरय जे । ८ पोंडरीय जे । ९ °डियसि जे । १. रुरुयति जे । ११ मुइया जे। १२ तमति जे। १३ 'हवि जे । १४ त णिग्गों रा"स। । १५ सयउक्ति जे । १६ दो एस सू । १vण आगिना जे । १४ तुम जे । ९ अमजेणं जे । २० गमओ एवं
सू मरीए जे। २२ चेव समागमि जे। २३ कोइ जे । २४ आणइस्सहो ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |