Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 195

चउप्पन्नमहापुरिसचरियं । . साहेज्जसु अंब ! तुम एयं तायस्स णवर विष्णत्तिं । लम्गिहिह इमम्मि भवे सो वा अग्गि व्व मह हत्थेः ॥ ५८ ॥
एवं च गुरुदुक्खपीडियाए परिहरियपुरिसदसणाए बहुप्पयारं पि भण्णमाणीए ण कओ विसयाहिसंगम्मि मणो। ठिया य सद्धम्मपरायणा । की य सुन्वयागगिणीए सह संगमो । परिणी 'जिणएसिओ धम्मो । धम्म पहावेण य ववगओ सोयप्पसरो, उल्लसिओ सुहो परिणामो । जिणप्पणीयमावणाहि अप्पाणं भावेमाणी चिट्ठइ त्ति ।
इओ य तत्थऽच्छंतस्स चंदउत्तस्स, समरसीहस्स राइणो समरकेसरी णाम पुत्तो सइवायरियउवएसेण मन्तमब्भसन्तो पमाएण य मंतदेवयाए छलिओ । गहवसेण य तं णत्थि ज ण कुणइ ।
उग्गाइ हसइ धावइ रोवइ णच्चइ य परिहणं मुयइ । संतावेइ परियणं जणगि जणयं च सो दुहिओ ॥५९ ॥
एत्थन्तरम्मि चंदउत्तस्स कुमारस्स अग्गओ भणियं गरबतिणा सदुक्ख-मरणाओ 'वि गरुययरं दुक्खं जं एवंविहो पुत्तो ति । तओ तमायणिऊण भणियं चंदउत्तेणं जहा-णेह कुमारं, पेक्खामो ति । तओ रायाएसेणं आणिओ रोजपुत्तो महया किलेसेणं । कयं चलणसीयं चंदउत्तेण । कवचिओ अप्पा । आलिहियं मंडलं । पउत्तो मंतजावो । आविट्ठो रायउत्तो। भणिओ य-आसणं बंधमु, आहारं पडिच्छसु ति। तओ एवंविहमुवयारं काऊण मोयाविओ गहाओ रायउत्तो, समासत्थो जाओ। चिंतियं च राइणा-एस महापुरिसो ति, उवयारी य महाकुलप्पसूओ य मम समीवं च आगओ, ता एयस्स जं कीरइ तं सव्वं थेवं । ति चिन्तिऊग संकप्पियं-देमि एयस्स नियरजस्स अद्धं सोहणे दिवसे ति । एवं च नाव राया कयवसाओ चिट्टइ ताव य भवियन्वयागिओएणं महादेवीए रायकुलाओ णिक्खमंतो सद्दाविओ चंदउत्तकुमारो । पविटो य सुद्धहिययत्तणेणं । कओवयारो य पविट्ठों गेहब्भंतरे । विवित्ते य भगिओ महादेवीए जहा-"अज्जउत्त ! पढमदंसणाओ चेव मह हियए तुमं पविट्ठो । तदिवसाओ य आढत्तं ण याणामि भोयणं, ण णि, ण सुहं, ण दुहं, ण रत्ति, ण दिवस, ण बाहि, ण अन्भिन्तरं, 'एस गओ, एस पविट्ठो, एयं भणिय, एयं च ववसियं' ति तुह वावारपरायणा तुह वयणमेत्तकयजीवियासा चिट्ठामि त्ति, किंच- .
कि रयणीए ?, दिवसेण किं व ?, किं बोभएण ?, ण हु जत्थ । दइएण समं जायइ समागमो जीयणाहेणं ॥ ६० ॥ किं बहुणा वायावित्थरेण ?, सीलं कुलं च तुह कज्जे । चत्तं, चयामि गियजीवियं पि जइ होसि पडिकूलो॥६१ ॥ मुंजसु सुहय ! जहिच्छं, देमि धणं, णरवई पि तुह कज्जे । अणुकूलेमि महायस!, लच्छी पडिकूलइ अहवो ॥६२॥ जे होन्ति महापुरिसा ते परकज्जुज्जया सया होन्ति । णियकजं पुण तं ताण जं परत्याण णिव्वहणं ॥ ६३॥ इय जइ भयसि भयंतं तो सव्वं मुहय ! सिज्झइ अयंडे । अह अण्णह त्ति सुंदर ! पत्तिय 'मारेइ य मरन्तं' ॥६४॥
तओ एवं सुणिऊण थंभिओ व णि(लि)हिओ ब्व "विम्हिउ व्च णद्वचित्तो व्व किं पि कालमच्छिऊण रायपुत्तो मणिउमाढतो
ण हु अम्ब ! तुम्ह दोसो, मज्झं चिय पावपरिणई एसा । जेण जणणीसमाणा तुमं पि एवंविहं भणसि ॥६५॥ मज्झ ण तुमं, ण राया, ण य भोया, णेय एत्य वसियव्वं । एएण णिमित्तेणं किच्च च महं समुप्पण्णा ॥६६॥ किं कीरइ नं जीवंतएहिं जेणं किएण तदियहं । आमरणन्तो जायइ मणम्मि गरुओ चमकारो? ।। ६७॥ अम्ब ! खैमेजसु, गच्छामि एस पावो अभिण्णमुहराओ । जह तुज्झ कुलं विमलं ति होइ तह तं कुणेजासि ॥६८॥
एवं भणिऊग णिग्गओ। गओ णिययमावासं । साहिओ एस वुत्तंतो पसण्णचंदस्स । तेणावि भणियं-सुंदरमणुट्ठियं, किंतु जहडियं चेव अहं साहेमि णरवइणो । तओ मए भणियं-ण जुत्तमिणं, जओ वावाइजइ सा वराइणी, ता एत्य पत्तकालं जं देसपरिचाओ त्ति । वयंसएग भणियं-ण जुत्तमेयं, जओ सा दुरायारिणी परवई अण्णहा बुग्गाहिस्सइ ति । तओ मए भणियं-जं होउ तं. होउ, अवस्सं गंतवं । ति भणिऊण दिण्णं पयाणयं । गया देसन्तरं । -- १ ओ सुसू। २ जिणदेसि जे । ३ सोगप्प सू। ४ वि गुरुपरं जे। ५ रायउत्तो जे। ६ सोयणं चंजे। हो य में जे। ८ 'भो यम सू । ९ लच्छि जे । १० विम्हइओ बजे। ११ तुज्झ जे । १२ खर्वजसु सू।
.
: www.jainelibrary.org