Page Text
________________
चउप्पलमहामुरिसचरित्रं ।
वसन्ततिलया जहा-तए पुणो अम्ह आवासे समागंतब्वं । ति मणिऊण निग्गया उज्जाणाओ। पत्ता णियेयमावास। दिट्ठो कंचुई। अम्भुष्टिओ य। पायवडणुहिएण य भणियं कंचुइणा-कुमार ! राया समादिसइ जहा-सोहणमणुट्टियं कुमारेण जमिहागओ सि, ता पडिच्छसु जीवियाओ वि अब्भहिअयरं अम्ह कुमारि, विवाहदियह पुण गवेसिऊण कहिस्सामो । कुमारेण भणियं-जं राया आणवेइ त चेव कीरइ ति । दिण्णं कंचुइणो तंबोलं । गओ कंचुई ।
इओ य कुमारी सह सहीहिं किंचि वेलं अच्छिऊण गया णिययभवणं गरुयमयणाज्यल्लयहियया। विणायवुत्ताए य वद्धाविया वसन्ततिलयाए जहा-"पियसहि ! धीरा होहि, एत्थ कजे 'देवो चेव अक्खणिओ । अवि य
चंदस्स चंदिमाए, रईए मयणस्स, कमल-फमलाण । जेण कओ संजोओ अज्ज वि सो चेव सुयणु ! विही ॥३६॥ अणुकूलो जइ कस्स वि हवेज्ज सहि ! सुकयपरिणइवसेण । तो चवहरइ जहिच्छं पिउ व्य दिव्यो ण संदेहो ॥३७॥
तस्स य अणुकूलत्तणं पिच संपयं लक्खिज्जइ । भणिया य अहं जहा-'अम्ह गेंहं समागंतव्य' ति। ता पियसहि ! आलिहसु कि पि दूसहपियविरहवियणाविणोयणत्यं अवस्थासंमयगं चित्तयम्म" ति। सओ घेत्तूण चित्तफलहियं लिहिया रहंगी, 'समागमूसुय' त्ति असाहियं चेव णज्जइ । लिहिया य वसन्ततिलयाए हेट्ठओ गाहा
आसुयइ महइपुलिणं कमलं अल्लियइ विसइ सरसलिले। रैसइ कलुणं वराई चक्कादी पियविओयम्मि ॥३८॥
बीयदियहे य वेत्तूण चित्तवष्टियं तंबोलाइयं [च] गया कुमारमवणं । दिडो य मयणवाणसंतावतावियदेहो त्रि सविसेसरमणिज्जो कुमारो। गया कुमारसमी । भणिया य कुमारेण-अइभूमिसमागमेणं परिखेइयं मुणालकोमलं सरीरं मुंदरीए, ता समादिससु किं कीरउ ? ति । तीए भणियं-कुमार! कुमारीए तुम्ह समीवं सरीरपउत्तिणिमित्तं पेसियाँ अहं, चित्तवटिया य । [? तओ समप्पिऊण चित्तवट्टियं ] भणियं च तीए-एसा चक्कवाई मए विणोयणिमित्तं लिहाविया इयं" च गाहा मए अवत्थास्यणत्यं लिहिया। पेच्छिऊण य भणियं कुमारेण
"णिययावत्यं साहइ एस बिय णवर नीसहसरीरा । भज्जत्तगहियणिवडियमुणालवलयाए चंचूए ॥ ३९ ॥
ता तुम्ह सहीए असरिसं विष्णाणं, परिप्फुडो पयडिओ भावो, सोहणा रेशा, पयरिसं गया भाषणा, तुम वि असाहारणं कवित्तणं । अहवा तीए संवड्ढियाए केत्तियं एयं ?, होन्ति च्चिय आगरम्मि रयणाई" ति। सो क्रयसम्माणा पेसिया वसंततिलया णिययभवर्ण । __ एवं च अण्णोण्णगेहणिययपेसणेणं वड्दंते पेम्माणुबंधे, पसरन्ते सन्मावपणयपसरे, अण्णया समासण्णे लग्गे सहाविहभवियच्चयाणिओएणं कुमारी लेप्पमयकामएवऽच्चणं कुणंती तर्हि "चेव उजाणे जहा कहिचि गएण कुमारेणं अविष्णायलेप्पैकम्मविसेसेणं 'अण्णपुरिसासत्त' ति दिट्ठा । ठूण चिंतियं-धिरत्थु महिलाविलसियस्स, जेण एवंविहे वि मझोपरि पेम्मपसरे तहा वि अण्णमभिलसइ, ता किमिमीए संपयं विवाहियाए , ण एत्य अच्छन्तरहिं परिहरिलं तीरइ, ता अकहिऊण महारायस्स अण्णत्थ वच्चामि, ण एवंविहसंतावुत्तावियसरीरो खणं पि इह सकेमि चिहिउँ । ति चिंतिंऊण रयणीए चेव कइवयपुरिससमेओ णिग्गओ णयराभो । गच्छंतो य चिंतिउमाढत्तो
परपुरिससंगमुप्पुसियसीलसाराए तीए कि कजं ? । हियय ! समाससमु तुमं तीएं रेह चिय अउव्वा ॥४०॥ किं सीलवजियाए इमीए ?, रे हियय ! मुयसु अणुबंध । ते धण्णा जे सइलोयणाण लक्खत्तणमुर्वेति ॥४१॥ दे हियय ! कुण पसायं, उल्लेहड ! चय परम्मुहं दइयं । परिणयबिंबसरिच्छं अहरदलं पावइ सउण्णो ॥ ४२ ॥ लज्जाविधं म्हि तुमए परम्मुहे सम्मुहेण "रे हियय ! । धष्णो होही तीए बाहापरिरंभणऽक्खणिओ ।। ४३ ॥ कह णु ण लज्जसि रे हियय ! मूढ ! तं तारिसं पि चिंतेन्तो । चक्कलियपीणयणवैटचहणं पावइ कयस्थो ॥४४॥
'मो समाग सू । २ ययावासं जे । ३ कुमरी जे । ४ पुणो ठवेऊण जे । ५ तं की सू। ६ कुमरी जे । ७ णाऽऽयहि जे । ८ देवो अपन जे । ९ अम्हे गेहमागतव्वं जे। १० असाहिया जे। ११ सरह सू । १२ चकाई जे। १३ कुमरीए जे। १५ या
ह, चिजे । १५ ° गा सू। १६ चेवुजाणे जे । १. लेपमयकम्म सू । १८ वियम्ह । १९ हे जे । २. भणुक्ख सू । Jain Ed.२१वच ।
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |