Page Text
________________
१७-१८ दुविठ्ठवासुदेव-विजयबलदेवाण चरियं ।
१०९. किं एही? देही दंसणं? ति अजेब अम्ह सो सुहवो । अणुसंधन्ता तं चिय कहियं पि हु पियजणालावं. ॥ २६ ॥ कंठन्भन्तरपसरन्तपंचमुग्गारकायलिपलावा । लोलुल्लालियकुवलयदीहरदलठइयमउलऽच्छी ॥ २७ ॥ खगमेकमुष्णहिययत्तणेण ठाऊग रुद्वबाबारा । णीसहदेहा पडिया सहस च्चिय सहियणुच्छंगे ॥ २८ ॥ पसरन्तदीहनीसाससोसियाऽहरतराला सा । अपडिप्फुडक्खरालावमुणियगुरुवियणसंतावा ॥ २९ ॥ इय दूरवियंभियमयणबाणवसपसरपयडियविलासा । रमगीअयरा जाया तक्खणमणुकंपणिज्जा वि ॥ ३० ॥
एयावत्थं दद्रुण कुमारेण समासासिओ अप्पा, चिंतियं च-इमीए एवंविहं संता जणंतेणं मयणेणं तवियदेहेणाकि महं ण किंचि अपरद्धं ति । पुणो वि परोप्परालावं गिहुयपयसंचारो समासण्णो होऊण सुणिउमारतो। जंपियं च लीलावतीए वसंततिलयमुदिसिऊण जहा-पियसहि ! जं जगस्स तस्स काययं तं तुमं चेत्र अणुहूयवइयरा जागसि, ता जहाउसरं नए सचमणुट्रियव्वं, अहं पुण ण सक्कुणोमि अत्तगो अंगाणं पहविउं, तहा वि जं करियव्वं मए तं भणसु। वसंततिलयाए भणियं-'पियसहि ! सबमई कालोचियं करिस्सामि, तुमए पुण पिययमाणुकूलाए होयव्यं, जैओ
रूढपणयं पि पेम्मं विहडइ पडिकूलयाए महिलाणं । इय भाविऊण सुंदरि ! पियाणुकूलं ववहरेजा' ॥ ३१ ॥
कुमारीए भणियं-को एस्थ वियारो? अणुकूलत्तणं वम्महेणेत्र सिकावविया, अहं पुण तुमं एत्तियं पुच्छामि 'किमेस पलयकालसरिसो संतावो तम्मि दिट्ठम्मि उपसमिस्सइ ? उवाहु ण व ? ति । बसंततिलयाए भणियं-'पियसहि ! मुद्धे ! सुणसु,
परिचिंतिओ वि सहसा अंग णिववइ पिययमो णवरं । अण्णं पि य किं पि रसंतरं तु दिट्ठो उण जणेइ ॥३२॥
अहवा पेच्छइ चेव पियसही थेववेलाए जं एत्थ होही। एत्थन्तरम्मि 'किं किं ?' ति भणन्तो सहसा पायडीहूओ कुमारो। लज्जिया सह सहीए कुमारी। चिंतियं च कुमारीए-हा! इमिणा हिययचोरेणं सव्वं दिटुंगिसुयं च अम्हं चरियं ति । ताव य वसंततिलयाए अभुडिओ, 'सागयं च भगिऊग उत्रणीयं आसणं । उवविहो कुमारो। थेववेलमच्छिऊण भगियं कुमारेण वसन्ततिलयमुदिसिऊण जहा-किमेसा तुह सही अम्ह दसणेण तुहिक्का ठिया ?, ण जुज्जइ घरमागयस्स कुलीणाणं उवयाराकरणं ति, जओ
जइ वि ण णेहो ण य पणयपसरसब्भावरड्ढिउल्लावो। तह वि अपुवागमणे इयरो वि समाउने होइ ॥३३॥ . वसन्ततिलयाए भणियं-कुमार ! सुकुमारा कुमारी इहागमणेग दिगयरकरणिवाएण य मणयं पीडिया ण सका जहुत्तमुक्यारं काउं, ता ण एत्थ कुमारेग छलगवेसिगा होयचं । एयं सुगिऊग भणियं कुमारेण-सुंदरि ! किमेत्थ छलं ?, ण अम्हे उचयारऽन्थियो, किंच
उवयारो होइ परम्मि सुयणु !, अह सहइ सो तहिं चेव । सम्भावपेसले पुग जणम्मि सो कइयवे पडइ ॥३४॥ महिदाणं पि हु सुंदरि ! ण तहा तुष्टुिं जणेइ हिययस्स । पियसंभावोप्पियखइरवीडयं जह मुहावेइ ॥३५॥ .
तओ एयम्मि अबसरे वसन्ततिलयाए उद्विऊण कलहोयतलियाए तंबोलं कप्पूरसणाई समप्पिय, कुमरीए सहत्यगुत्था य बउलमालिया। तओ कुमारेण कया कंठदेसे 'कुमारीए सहत्थगुत्थ' त्ति कलिऊण बउलमालिया, आवीलं मोत्तूणं समाणियं तंबोलं । पलोइयं च ईसीसिलज्जोगयाए [कुमारीए] अवंगदेसेण कुमाराभिमुहं । कुमारेणावि दिटुं तीए वयणकमलं ति । तेणावि पसण्णचंदहत्येणं दावावियं तंबोलं कुमरीए । तीए वि तस्स हिययं व गहियं ।
एत्थंतरम्मि समागओ कुमारसंतिओ पडिहारो। भगियं च तेण जहा-"देव ! राइणा पेसिओ कंचुई आवासे चिट्ठइ, भणियं च तेण जहा-'लहुं चेव सद्दावेह कुमारं, जओ अइकमइ सोहणा वारा', तओ अहं तुरियं समागओ, एवं च ठिए कुमारो पमाणं" ति । भणियं च [कुमारेण-गच्छम्ह । तयणंतरं च जिग्गओ कुमारो। भमिया य पसण्णचंदेण
१ अपरि"फु जे । २ 'जओ' इति सूपुस्तके नास्ति । ३ ण य ज जे। ४ एवं सू। ५-७ कुमारीए जे। ६ च तेण(तीए, ईसि Jain E.जे । एवं चिट्ठिए जे ।
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |