Page Text
________________
१४-१५ तिविट्ठवासुदेव-अयलबलदेवाण चरिय । मोत्तूण पक्खवायं मुइरं कलिऊण सत्तबुद्धीए । भोएहिं मुहं जइ होइ किंचि ता साहसु फुडत्थं ॥ १६ ॥ अवि यजोवण-भयणुम्मत्तेहिं विसयतण्डाविमोहियमणेहिं । जं कीरइ इह पुरिसाहमेहिं तं णिरयगइमूलं ॥ १७ ॥ लहिऊणं मणुयभवं सोग्गइगमणेक्ककारणमणग्धं । माणिकं पिव दुलहं विसयपसंगेण हारवियं ॥ १८॥ मणुयत्तणं विवेयं सुकुलुप्पत्ती विसिट्ठसंसग्गी । लजं गुरुयणभत्तिं च चयइ विसएहि वेलविओ ॥ १९ ॥ विसएहिं हीरइ मणो जेसिं पुरिसाहमाण विरसेहिं । परिगलियमुहविवेयत्तणेण ते होन्तेऽसप्पुरिसा ॥ २० ॥ साहीणे मोक्खपहे सुहपरिणामे य णियसमुत्याणे । मूढत्तणेण लोओ विसए पत्थेइ बहुदोसे ॥ २१॥ विसयमुहलालसाणं मुमग्गमंदाऽऽयराण पुरिसाण । अमुणियसारविसेसाण गलइ हत्थट्ठियं अमयं ॥ २२॥ किं तह मोहियमइणा विरसे संसारसागरे घोरे । विसयमुहाऽऽसाणडिएण खिज्जियं खीणपुण्णेणं ? ॥ २३ ॥ पुरिसाण णमो जे णिज्जिणन्ति संसारसायरे घोरे । मय-अयणबाणजणणेक्कपच्चले जुवइबिब्बोए ॥ २४॥ इय उज्झिऊण विसए पावे पावाणमासवे घोरे । साहेमि अणण्णमणो हु पुचपुरिसज्जियं धम्मं ॥ २५॥
एवं च गरुयसंवेगावण्णहियो दूरुज्झियविसयमुहाहिलासो परिच्छिण्णसंसारसहावो पडिवण्णसप्पुरिसचरिओ विजयसीहाऽऽयरियसमीवे पडिबण्णो पध्वजं । तओ अहिन्जियमुत्तऽत्यो पडिवण्णो एकल्लविहारितणं।
अण्णया य विस्सणंदी संखउरं विवाहणिमित्तं गओ। विस्तभूती वि अणगारो तम्मि चेवणगरे विहरतोसमागओ। पविठ्ठो मासस्स पारणए भिक्खाणिमित्तं णगरं । दिद्यो य विहरमाणो विस्सणंदिपुरिसेहिं, पञ्चभिण्णाओ। दट्टण य तेसिं समुप्पण्णो मच्छरो, वियम्भियमण्णाणतिमिरं। अण्णाणंधयारमोहियमईए मुक्का अहिणवपस्या गावी। तीए समुहागओ णोल्लिओ, पडिओ य । कओ हलबोलो विस्सणंदिपुरिसेहि। भणियं च हिं-कहिं गयं तं तुज्झ कविठ्ठपाडणवलं ? ति । पञ्चमिण्णाया य जहा-एए विस्सणंदिसंतिया पुरिसा। तयणन्तरमेव साहुणो पणट्ठो विवेओ, परिगलिओ उवसमो. पज्जलिओ कोहग्गी। धाविऊण य गहिया गावी सिंगग्गेहि, भमाडिया सीसोवरि, तणएलिय व्व पक्खित्ता धरणीए । भणियं च णेण-"रे रे कापुरिसाहमा ! कोल्हुयसमसीसिया होऊण मं उवहसह । किं छुहापरिगयदुब्बलसरीरस्स वि भुयगाहिवइणो मुहकुहरे अंगुलिं पक्खिविउं कोइ समत्यो ? त्ति । किंच___किं कीरइ मह तुम्हारिसेहि गोमाउ-साणसरिसेहिं । गहकल्लोलसमेहिं पयडियमुहमेत्तसारेहिं" ॥ २६ ॥
एवं च सुइरं चिंति(? भणि)ऊण गरुयाहिमाणवसगेण कोहपच्छाइयविवेगेण कओ णियाणाणुबंधो, तं जहा-जइ इमस्स दुक्करस्स तव-चरणस्स अणुचिण्णस्स होज्ज फलं तओ अहं अतुलबल-परक्कमो एसकालं हवेज त्ति। एवं च बंधिऊण णियाणं, इमस्स ठाणस्स अपडिक्कतो विहरिउं कि पि कालं, कालमासे कालं काऊण महासुक्के देवलोए उकोसहिईओ देवो समुप्पण्णो।
तत्थ य भुंजिऊण जहिच्छिए भोए, चइऊण देवलोगाओ पोयणपुराहिहाणे णयरे पयावइस्स णराहिवस्स मिगावईए भारियाए पुत्तत्तेणं समुप्पण्णो । तस्स य राइणो रिघुपडिसत्तू णामं पसिद्धं । पच्छा धूयाए पडिलग्गो, तओ 'पयाए णियधूयाए चेव पई' त्ति लोएणं पयावइ त्ति णामं कयं । तस्स पयावइणो विस्सभूई अणगारो महासुक्काओ चविऊण पुत्तो समुप्पण्णो । दिट्ठा य जणणीए सत्त मुमिणा । णेमित्तिएण साहियं-पढमो वासुदेवो भविस्सइ त्ति । जाओ य सोभणे दिवसे । संवडिओ जोव्वणमणुपत्तो। ___ इओ य सो विस्सणंदी कुमारी रायसिरि उव जिऊण मओ समालो संसारमाहिडिऊण गिरिसमीवे सीहत्तेणं समुप्पण्णी, अइबल-परक्कमत्तणेणं पसिद्धिं गओ । बाबाइओ य तिविठ्ठणा । अमरिसाऽवूरियसरीरस्स य समुप्पण्णं जाइस्सरणं । सरियाऽणंतरा जाती । जाणियं तस्स बलं । अगओ अहिमाणप्पसरो। वियलिओ मच्छरो। परिचत्ता पाणवित्ती सीडेणं ।
१ होति कापुरि जे । २ एगलं जे ३ सिंगेहि स । ४ तत्तो जे। ५ रिउपजे ।'य गिजे । णो ति। मंजे।
Jain Education International
For Private & Personal Use Only
www.jainelibrary.org |
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |