Page Text
________________
९८
चउप्पन्नमहापुरिसचरिय। तओ वि चेविऊण चउगइसंसारकन्तारं परिभमिओ । भमिऊण य अणंतरभवे तहाविहं कि पि कम्मं काऊण रायगिहे णगरे विस्सणंदी राया, तस्स भाया विसाहभूई जुवराओ त्ति । तस्स य जुवरायस्स धारिणीए महादेवीए पुत्तो विस्तभूती णामेण जाओ । सो य देवकुमारोबमसरीरो जुवाणो दोगुंदुयदेवो न णाणाविहकीडाविणोयेणं गयं पि कालं ण लक्खेइ । तत्थ य णयरे पुप्फकरंडयं णाम उज्जाणं बहुविहकुसुमसमिदं । तस्थ य सो विस्सभूती जुवरायपुत्तो णाणाविहाहि कीडाहिं अन्तेउरसमेओ कीडइ ति।।
इओ य राइणो पुत्तो विसाहणंदी उजाणबाहिरगओ तप्पवेससमृसुओ चिट्ठई। तेसिं च कुलायारो 'जस्थ एगो कीलइ तत्थ बीएण ण पविसियव्यं ति । तस्स य जणणीदासीओ पुप्फनिमित्तं पविट्ठाओ तं विस्सभूइं विलसन्तं पेक्खिऊण साहेति रायऽग्गमहिसीए जहा-जुवरायपुत्तो 'चेय एत्थ पुहतीए एको जीवइ जस्सेरिसं विलसियं, रायपुत्तो पुण विसाहणंदी जगवओ व ओहयमणसंकप्पो पुप्फकरंडयपासेसु तम्मन्तो चिट्ठति । तओ एयमायणिऊण
रायऽग्गमहिसीए रूसिऊण तहा भणिओ राया जहा तेण पडिवण्णं, भणिया [य]----- मा संतप्पसु सुंदरि, जीयं रज्जं च मह तुहायत्तं । दासोवरि कि रोसेण देवि ! आएसजोगस्स ? ॥ १३ ॥
रुसिऊण कीस किज्जइ सरिसपयं पेसणस्स जो जोगो ?। ता तह करेमि सामिणि ! जह तुह पुत्तो सुहं लहइ ॥१४॥
एवं च महादेवि परिसंठविऊण, राइणा संपहारिऊण सह मंतिणा, आहणाविया पयाणभेरी । तओं समाउलीभूया महामंतिणो । चिंतियं च-किमेयमिति । तो तमायण्णिऊण विस्सभूइणा विष्णविओ रार्या-देव ! किं पयाणपयोयणं ? ति । भणियं च राइणा- पुत्त ! अत्थि पचंतणराहिवो पुरिससीहो णामेणं, तेण य विकारं दंसेऊण हओ अह देसो, अक्कन्तें अम्ह मंडलं, कओ अम्हाण महतो परिभवो, ता ‘ण जुत्तं कलंकिएणं जीविएणं' ति कलिऊण य तथ्वावायणणिमित्तं दिण्णं मे पयाणयं ति । तओ तमायण्णिऊण भणियं कुमारेण-जइ एवं ता अच्छउ देवो, कुणउ महाऽऽएसेणं पसाओ, अवणेमि तुम्ह पसारण तस्स बलावलेवं, दंसेमि दुग्णयस्स फलविवागं । ति भणिए दिण्णो आदेसो राइणा कुमारस्स।
तेण य 'महापसायं' काऊण दिण्णं पयाणयं महया चडयरेणं, पत्तो य. देसंतरं । जाप य सव्वमेव सुत्थं पेच्छइ । पेसिओ दुओ पुरिससीहस्स जहा-समागओ कुमारो विस्तभूई देसदसणत्यं, ता कुणमु जहोचियं । गंतूर्णं य दूएण साहियं सव्वं । तेण विण्णायकुमारागमणेण पेसिया वीसंभत्थाणीया महत्तमा, भणिया य ते-मह वयणेग विण्णवेह कुमारं जहा'अइभूमि समागओ कुमारो ता अलंकरेउ अम्ह नयरमागमणेणं ति, कुणउ पसायं दंसणेणं' ति । एवं च मंतूण विष्णते समागओ णयरं । कयं सव्वं जहोचियं । पूइओ सविहवेणं । सविसेसं च दिण्णं जं पुन्निं च दिज्जतं । समासादियजहिटुकज्जो य चलिओ सणगराभिमुहं ति ।
इओ य राइणा गिययपुत्तो विस्सणं ही विस्तभूइणिग्गमणाणंतरमेव भणिओ जहा-पविससु पुप्फकरंडयं, अच्छसु जहिच्छं ति । विस्तणंदी य णियअन्तेउरसमेओ विचित्तकीलाहिं कीलिउमारदो। इओ य विस्सभूती अगवरयपयाणएहिं समागओ णयरं । परिसिउमाढत्तो पुप्फकरंडयं । ताव य वारिओ पडिहारेणं जहा-देव! कुमारो विस्सणंदी सह अन्तेउरेण इह विट्ठति, ता ण जुतं देवस्स इह परिसिउं । तो तमायण्णिऊग चिंतियं कुमारणं-पञ्चन्तवाएसेण अहं णीणिओ पुप्फकरंडयाओ, पवेसिओ य विस्सणंदी, ता तायस्स ण जुत्तमेवं मायाए ववहरि । तज्जिया विस्सणंदिपुरिसा, भणिया य-तुम्ह बलेग एस कुमारो अभिरमइ, ता कि तुम्हाण कीरउ ? त्ति । तेहि भणियंकेरिसं पुण तुम्ह बलं जेणेवं जंपह ? त्ति । तेग वि य मुहिपहारेण पहभो कविठो, आयंपिभो सह धरणिवढेणं, पडियाणि य णिस्सेसाणि फलाणि धरणीए । भगियं कुमारेणं - अस्थि तुम्ह दुण्णयणियहणस्स वीयं महाराउ ति, तस्स बलेणं चेव जीवह । त्ति भगिऊण वेरग्गमावण्णो । चिंतियं च णेणं
विसयाण कए पुरिसा विडम्बणं तं जयम्मि पावन्ति । जं साहिउं ण तीरइ वेवंतुष्पित्थहियएहि ॥१५॥
१चइऊ जे । २ 'ण । सो सू ।। इत्ति । ते जे । ४ चेव जे । ५ रूस जे सू । ६ च पारे सू। . य किमेयं ? ति जे । ८ या-कि सू । ९ 'न्त महिनंड सू । १० ण य दूजे । ११ तमेय जे।।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |