Page Text
________________
९७
१४-१५ तिविट्ठवासुदेव-अयलबलदेवाण चरियं । गुरवो। उवविट्ठो य चलणन्तिए धम्मं सोउमाढत्तो। पुच्छिओ य कहावसाणे जहा-"भयवं ! अञ्चतकूरकम्मकारी णर-तिरियवावायणपसत्तो अम्ह सामिणा वावाइओ गिरिगुहाए वसंतो सीहो ति । सो य अञ्चन्तबल-परक्कमो अवमणियसेससप्पुरिसो उद्घो चेव फालिओ कुमारेणं । तहागओ वि रोसावेसेण फुरफुरन्तो 'चेव चिट्ठइ, ण जीवियं परिचयइ । तओ मए भणिओ जहा-भो महासत्त ! पुरिससीहेण तं वाचाइओ, ण सामण्णपुरिसेगं । ति मुणिऊण पंचत्तमुवगओ। ता साह भगवं ! किं सो तिरिक्खभावे वि परिफुडविष्णाणो लक्खेइ किं पि भणियमुयाउ ण व?" ति। तओ तमायण्णिऊण भणियं दिव्त्रणाणिणा-महासत्त ! मुणम् महंती कहा तए पुच्छिय ति।। ___ अत्यि इहेव जंबुद्दीवे दीवे इक्खागभूमी । तत्य णाभी कुलगरो। तस्स य मरुदेवीए भारियाए समुप्पण्णो उसहसामी तित्थयरो। तस्स य उप्पण्णदिवणाणस्स पुत्तस्स भरहचकवट्टिणो सुओ मिरिई समुप्पण्णवेरग्गो पव्वइओ, जहुत्तविहारी विहरइ।
* अण्णयाँ अचिन्तसत्तित्तणओ कम्मपरिणईए, अवस्सभावित्तणओ तस्स भावस्स, जाणन्तस्स वि उम्मग्गदेसणापरिणामफलं तस्सुम्मम्गदेसणापरिणामो संवुत्तो । पयट्टावियं च तेण कुलिंग भागवयदरिसणं । उवसंते य सीसत्तेण साहूण समप्पेइ । 'गिलाणपडिजागरन्ति एगं पवावेमि' ति चिन्तयन्तस्स उवढिओ कविलाहिहाणो रायपुत्तो । साहिओ य तस्स साहुधम्मो । भणियं च तेणं-जइ एवं ता कीस तुमं एवंविहलिंगधारी संवुत्तो ? । तेण भणियं-कविला ! एत्थं पि अत्थि धम्मो, साहुदंसणे वि अत्थि त्ति । तओ एएण दुभासिएण बद्धं दुहविवागं कम्मं । पन्चाविओ य कविलो। चिटइ तस्संतिए । सरइ संसारो। मिरीयी वि चउरासीपुब्बलक्खे आउयमणुवालिऊण, चइऊण अणसणविहिणा तस्स य दुम्भासियट्ठाणस्स अपडिक्कतो, मरिऊण बम्भलोए कप्पे दससागरोवमाई(वमोहिईओ देवो समुप्पण्णो।
कविलो वि गन्थत्थविण्णाणरहिओ केवलं तकिरियाणुढाणपरायणो विहरति । अण्णया तेण आसुरी णाम पन्चाविओ। तस्स य सो कविलो आयारमेत्तं उद्दिसिऊण, अण्णे य बहवे सीसा पवावेऊण य, सदरिसणाणुगयचित्तो मरिऊण बम्भलोगं चेव गओ। तेण य उप्पचिसमणंतरमेव उवउत्तो ओही, उवलद्धो पुचजम्मवुत्तन्तो। चिंतियं च णेण जहा-मज्झ सीसो विसिट्ठविण्णाणरहिओ, ता एयस्स उवइसामि तत्तं । ति चिंतिऊण ओइण्णो मत्तलोए । आगासत्थपंचमंडलकोवविट्ठो तत्तं उद्दिसिउमाढत्तो, तं जहा-अन्यत्ताओ तिगुणपरिणामप्पहाणाओ व पहबइ ति । तओ तस्मुवएसेणं सद्वितंतं संजायं ति।
मिरीयी वि देवलोगाओ चविऊण कोल्लागसन्निवेसे कोसिओ णाम बम्भणत्तणेण समुप्पणो । तत्थ य असीर्ति पुबलक्खे आउयमणुवालिऊण, अन्ते य परिवायगत्तणेणं विहरिऊण, कालं च काऊण मओ । मरिऊण अंजहण्णुक्कोसद्विइओ सोहम्मे कप्पे समुप्पण्णो।
तो य इऊण चेइए सण्णिवेसे अग्गिज्जोओ णाम बंभणो समुप्पण्णो । तत्य य चउसहिं पुव्वलक्खे आउयमगुवालिऊण अन्ते परिवायओ होऊण मओ । मरिऊण य ईसाणे कप्पेऽजहष्णमुकोसहिई देवो समुप्पण्णो।
तओ य चइऊण मंदिरे णगरे अग्गिभूई णाम बंभणो संवुत्तो । तत्थ य छपंचासे पुचलक्खे आउयमणुपालिऊण अन्ते परिवायगत्तणेणं मरिऊण सणंकुमारे मज्झिमठिईओ देवो समुप्पण्णो।।
पुणो सणंकुमाराओ चविऊग सेयवियाए णयरीए भारदाओ णाम बम्भणो समुप्पण्णो। तत्य य चोयालीसं पुब्बलक्खे आउयमणुवालिऊण अन्ते य परिवायगत्तगमणुवालिऊण पंचत्तमुवगओ। मरिऊण माहिंदे कप्पे मज्झिमट्टिईओ देवो समुप्पण्णो। __ तो वि चुओ पुणो संसारमार्हिडिऊण रायगिहे णगरे थावरो णाम बंभणो समुप्पण्णो । तत्य य 'चोत्तीसं पुन्चसक्खे आउयमणुवालिऊण पजन्ते परिव्वायगत्तणेण मरिऊण वंभलोए मज्झिमढिईओ देवो समुप्पण्णो ।
१ चेय जे । २ उयाहु-उयाउ, उताहो । ३ मिरीयी जे । ४ या य में सू । ५ 'रणं ति एजे। ६ च-बइ जे। . दुभासि जे । ८ अजहष्णट्टि सू । ९ चविऊण जे। १. चोतीसं जे ।
Jain Education 1ernational
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |