Page Text
________________
[१२ सीयलसामिचरियं]
सागरोवमकोडीणं णवहि गयाहि पुष्पदन्ताओ सीयलो जाओ ति । कहं ? भण्णइणिज्जियसेसुषमाणा परहियसंपाडणेकरवसाया । जायंति महापुरिसा पयाण पुण्णेहि भुवणाम्मि ॥ १ ।।
अत्थि इहेव जंबुद्दीवे दीवे भारहे वासे भदिलपुरं णाम णयरं । तत्थ य राया दढरहो णाम । तस्स य गंदाए सह महादेवीए क्सियसुहमणुहवंतस्स अइक्तो कोइ कालो। __ अण्णया य वैसाहकिण्हछट्ठीए चरिमजामम्मि णंदा सुहपमुत्ता चोदस महासुमिणे पासिऊण विउद्धा समाणी साहेइ जहाविहिं दइयस्स । तेण वि समासासिया पुत्तजम्मेणं । तओ तीए चेव रयणीए पोणयकप्पाओ चुओ समासाइयतित्ययरणाम-गोत्तो समुप्पण्णो णंदाए कुञ्छिसि । जाओ य कमेणं माहस्स किण्हवारसीए पुन्यासाढाहिं । पइटावियं च से पामं सीयलो ति । कमेण य संवढिओ ।
तो कियन्तमवि कालं कुमारभावमणुपालिऊण, रज्जं च अणुपालिऊण, माहस्स किण्हतेरसीए आसाढाहि लोयन्तियपडिबोहिओ पच्चक्खदिट्ठविलयं पिच पणइणिं रायलच्छि परिहरिऊग पडिवण्णो समगत्तणं । अणुक्रमेण य विहरिउं भरहखेतं, अहियासेऊण बावीसं परीसहे, विहाडेऊण मोहजालं, उम्मूलेऊण अंतराइएण सह णाण-दंसणावरणमासाइयं सासयमेगविहमप्पडिवादि अणागयपयत्यसब्भावभासयं आसाढकिण्हसत्तमीए पुन्नासाढाहिं केवलणाणं । विरइयं देवेहि समोसरणं । पन्चावियाँ छहत्तरं गणहरा । पत्थुया धम्मकहा । बुज्झन्ति पाणिणो । छडेति विसयसंगं, उज्झंति रायसिरि, सिढिलेति णेहपासे, विज्झति कोहग्गि, लंघति मागपव्ययं, छिदंति मायाकुंडंगी, परिहरंति लोहणारो] च बहवे पाणिणो । किंच---
उप्पण्णम्मि अणंते णम्मि य छाउमत्थिए णाणे । देवेहिं समोसरणे रइए सिंघासणसणाहे ॥२॥ तत्थुवविट्ठो अणिमित्तवच्छलो भुवणभूसणो भयवं । धम्मं दोग्गइधरणेकपच्चलं साहइ पयाण ॥ ३॥ सुर-मणुया-ऽसुरतिरिओववेयपरिसाए साहइ जिणिंदो । जह संसारऽरहट्टे भमंति जीवा अपारमिम ॥ ४ ॥ मिच्छत्त-कसाया-ऽविरति-गुरुपमाएण जोगसंजुत्ता । बंधन्नि विविहकम्मं भमंति भवसागरे जेण ॥ ५॥ सम्मत्त-णाण-चरणेहि सम्ममाराहिएहिं जह मोक्खं । पावेंति समियपावा जीवा तह साहइ जिणिदो ॥६॥ सम्मत्तऽणुहावेणं देवत्तं तह सुमाणुसत्तं च । पाति केइ जीवा जिगिंदधम्माणुहावेणं ॥७॥ मोत्तूण सयण-धण-परियणाइयं तह निसंगभावेणं । विहिणा चारित्तधुरं धरिऊणं जंति सिद्धिगतिं ॥ ८॥ इय साहेइ जिगिंदो समुरा-ऽसुर-तिरिय-मणुयपरिसाए । धम्मं सोग्गइमग्गं दोग्गइमग्गग्गलं विहिणा ॥ ९॥
एवमणुक्कमेणं काऊण धम्मदेसणं, विहरिऊण महिमंडलं, पुव्वलक्खमाउयमणुपालिऊण सम्मेयगिरिसिहरे वैसाहकिण्हवीयाए पुव्वासादाहि णेव्वाणमणुपत्तो त्ति ॥
इति महापुरिसचरिए दसमतित्थयरस्स सीयलस्स चरियं सम्मत्तं ॥१२॥
सू । ६ कुडरों जे । ७ उजे।
१ पाणइक जे । २ राएण जे । ३ सन्भूयमा जे । ४ या गण सू । ५ रिंग लुपति मा ८ असुरणरासुरतिरि' जे सू । ९ गुरुप्पमा जे सू।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |