Page Text
________________
[ १३ सेजससामिचरिये ]
सागरोत्रमसएणं छावट्ठीएण वरिसलक्खेहिं छब्बीसाए परिससहस्सेहिं ऊणाए सागरोक्मकोडीए गयाए तो सीयलाओ सेज्जंसो समुप्पण्णो त्ति । कहं ? ति, भण्णति
सुहकम्मकंदवावियविसट्टसुहकिसलयाण गरुयाण । पुरिसाण संभवो ताण जाण उवमा ण संभवइ ॥ १ ॥
अत्थि इहेव जंबुद्दीवे दीवे भारहे वासे सिंघपुरी णाम णयरी । तीए णयरीए विण्हू णामेण णराहियो । तस्स य सयलंतेउरपहाणा सिरी णामेण महादेवी । तीए य सह विसयसुहमणुहवन्तस्स अइक्कतो कोइ कालो।
अण्णया य समागओ गिम्हो । तओ दुग्गयसप्पुरिससरीरं व अणवरयं तणुईहोइ सरसलिलं, पच्छण्णपावसंकह व्य हिययं डहइ मही, अवि य
झिज्जइ रयणी वदंति वासरा तवइ मंडलं रविणो । उहो खरो य पत्रणो कालो भग किं ण दंसेइ ? ॥ २॥ देसु जलदं देहम्मि, हारमाहरसु, किरसु कप्पूरं । चंदणरसेग सिंचसु, णलिणीदलसत्थरं कुणसु ॥३॥ मंदंदोलणउक्खेवखेवपवणेण खेयमवहरसु । इय पसरिउं पैयत्ता उल्लावा परियणे पहुणो ॥ ४ ॥ झंझापवणुधुयधूलिपडलपसरन्तरुद्धदिसियक्के । गिम्हे णडिया मायण्डियाए पहियाण पत्थारी ॥ ५ ॥ कासारोयरसेसम्मि पंककलुसे जलम्मि तद्दियहं । कह कह वि णेइ गुरुसेरभीण जूहं पि मज्झण्हं ॥ ६॥ इय एरिसम्मि गिम्हे तण्हासन्तावतावियसरीरा । उज्झन्ति णेय णिदं हरिणा वाहं पि दणं ॥ ७॥
तओ एरिसम्मि काले वट्टन्ते जेटस्स किण्हछटीए सवणगक्खत्ते सिरी सुहपसुत्ता रयणीए चरिमजामम्मि चोदस महासुमिणे पासिऊण विउद्धा साहेइ जहाविहिं दइयस्स । तेण वि पुत्तजम्मेणाभिणंदिया ।
इओ य समासाइयतित्थयरणाम-गोत्तो भगवओ जीवो महासुक्काओ चइऊण तीए चेव रयणीए सिरीए गब्भम्मि समुप्पण्णो । जाओ य फग्गुणस्स किण्हवारसीए सवणेणं । पट्टावियं च से णामं सेज्जंसो ति। पुव्वक्कमेणेव वढिओ विवाहिओ य । ___ तओ लोयन्तियपडिबोहिओ फग्गुणबहुलतेरसीए सवणेणं आरूढो पदण्णामंदरं । पालिऊण छउमत्थपरियायं तओ असोयरुक्खस्स अहे झाणंतरियाए वट्टमाणस्स उप्पण्णं तीया-ऽणागयवत्थुम्भासणं वइसाहकिण्हणवमीए सवणेणं केवलं ति। विरइयं देवेहि समोसरणं । पत्थुया धम्मकहा । बुझंति पाणिणो, छि जति संसया । उनदिहाणि भगवया महापयाणि, तं जहा-उप्पण्णे इ वा विगए इ वा धुए इ वा । तओ तयणुसारेणं विसिटखओवसमलद्धिसंपण्णेहिं गणहरेहिं विरइयाणि आयाराईणि बारस वि अंगाणि । पत्थुया धम्मकहा। साहिओ सम्मत्त-णाग-चरणरूओ मोक्खमग्गो" । उवइटें सच्चागुरुवं सम्मत्तं । तं च दुभेयं-णिसग्गसम्मईसणं अहिगमसम्मइंसगं च । परूविया जीवा-ऽजीवा-ऽऽसव-संवर-बंध-निज्जरा
१°ओ य से जे । २ संभवंताण सू । ३ विठू सू , विहू जे। ४ °सक व्व जे । ५ खेयर सू । ६ पवत्ता जे । पइणो स् । ८ उवविद्याणि जे सू । ९ अंगाई जे। १. 'ग्गो ति। उजे ११ सव्वाणु सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |