Page Text
________________
[ १० चंदप्पहसामिचरियं ]
:÷x;÷
सुपासतित्थयराओ वहिं सागरोत्रमकोडीणं सएहिं गएहिं चंदप्पभदेहसोहो चंदप्पहो दिवढधणुसयमुच्चत्तेणं दसपुव्वलक्खाओ समुप्पण्णो त्ति । कहं ? भण्णइ
उपज्जइ भवकम्म कोइ परहियणिबद्धववसाओ । तप्पंकंकविमुको कमलं पित्र णिम्मलच्छाओ ।। १॥
अस्थि इव जंबुद्दीवे दीवे भारहे वासे चंदमंडलं पिव कलाणुगया चंदउरी णाम णयरी । तत्थ य हियपडिवक्खमहासेणो महासेणो णाम राया परिवसः । तस्स य संपुष्णसव्त्रलक्खणा लक्खगा णाम महादेवी । तीए सह वियहमन्तस्स अइकंतो कोइ कालो ।
अण्णा उब िवसन्तमासे वियसिएस काणणंतरेसु, समुच्छलिए परहुयारवे, वियंभिए मयणसरपसरे, पयट्टासु णयरचच्चरीसु, मज्जाइकमसमुज्जए तरुणियणे, सहयारमंजरीरयरुद्रपहिययणपहपसरे, णिन्भरे महुमाससमए वियंभमाणे, अवि य
ईए कुतो वसन्तमासम्मि मंडणं तिलयो । सहयारमंजरी फुडइ मच्छरेणं व छउयंगी ॥ २ ॥ सहयारपल्लवग्गमि महुहुणंतम्मि मयरकेउम्मि । पवसिय बहुवहणस्थं किच्च व्त्र समुद्रिया कलिया ॥ ३ ॥ पहियघरिणीए दट्टु जलियं पिव पल्लवेहिं सहयारं । डहणभए व सित्तं हिययं णयगंसुसलिणेणं ॥ ४ ॥ सहयारवणे दइयं अपेच्छमाणी उ वरहुया वरई । रत्तासोयं पविसइ चियं व मरणेक्कत्रवसाया ॥ ५ ॥ जेहियं सुरयसुहं तम्माणं जो धरेइ अह तं पि । मारइ मयणगरिंदो इय परहुयडिंडिमो भइ || ६ || णीसाहारो सहयारदंसणे, किंमुयम्मि अइकिसिओ । होइ असोए ससोओ, वसन्तमासम्म पहिययणो ॥ ७ ॥ सच्चं चिय कुसुमसरों रइणाहो जेग कुसुममासम्मि । सरबहुअयाए पूर्ण दुव्विसहो होइ तैरुणियणे ॥ ८ ॥ इय एरिसे बसन्तम्मि पमुझ्यासेससारजियलोए । पेच्छइ सुइणे सयणम्मि लक्खणा णीसहपत्ता || ९ ||
एवं च रयणीए चरिमजामम्मि चोदस वि महासुमिणे पासिऊण विबुद्धा समाणी साहेइ दइयस्स । तेण विय अभिनंदिया पुत्तजम्मेणं ति । तओ तीए चेत्र रयणीए वैजयंतविमाणाओ चुओ मुत्तिमन्तो व्व पुष्णरासी चेत्तस्स बहुलपंचमी विसाणक्खत्तम्मि समुब्भूओ । पुणो पडिपुण्णे काले पोसस्स बहुलबारसीए लक्खणा सयललक्खणोत्रवेयं सुणं दारयं पया । पिउणा य 'चंदप्पहसमागो' त्ति कलिऊण चंदष्पहो ति णामं कयं भगवओ । वढिओ य कमेणं । तओ अड्ढाइज्जेसु पुव्वलक्खेसु कुमारभावमणुवालिऊण, रज्जं च अद्धसत्तमे, तओ लोयन्तियपडिवोहिओ, कहं ? -
- गरय-तिरिय-सुरलोयभत्रविसालम्मि दुहजलोहम्मि । पकलकसायकरिमयरपावपंकम्मि दुप्पेच्छे ॥ १० ॥ मिच्छत्तुब्भडवीयिम्मि कम्मकल्लोलसयकडिल्लम्मि । सइरोय- सोयकडयालयम्मि दारिद्दमयरम्मि ॥ ११ ॥ जम्मण-मरणुप्पेहडतडपडणभयाउलम्मि विसमम्मि । अन्तद्वियमहिहरगरूयसिहरवसणम्मि विरसम्म ।। १२ ।। इ एरिसम्मि संसारसायरे विसयसोत्तपडियाण | जीवाण कुणसु तं गाह ! तित्थमउलं दुहत्ताणं ॥ १३ ॥ कोहुब्भडगुरुवेयवज्जियं मागपव्ययविहीणं । माया-मय वाहलिया रहियं सहियं बहुगुणेहिं ॥ १४ ॥ गुरुलोहविवररहियं मोहमहावत्तवज्जियमणग्धं । कुगइगमणेक्कपञ्चलपहपरिहरियं मणभिरामं ।। १५ ।।
१ "राइए अकुणता व जे । २ तिल्या जे । ३ विसितं सू । ४ चियम्मि मं सू । ५ तरुणयणे सु, तरुणिय णे-तरुदर्शने । ६ जीयाण जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |