Page Text
________________
७ सुमतिसामिचरियं ।
इरियादिपंचसमिईहि तीहिं गुत्तीहिं तवविहाणम्मि । णिच्चुज्जुत्तो अममो अकिंचणो गुणसयावासो ॥ २२ ॥ मासाइया उ पडिमा, अणेयरूवा अभिग्गहा बहुया । दवे खेत्ताणुगया काले भावे य बोद्धव्या ॥ २३ ॥ जावज्जीवममजणमणवरयं भूमिसयणमुदिडं। केसुद्धरणं च तहा, गिप्पडिकम्मत्तणमउव्वं ॥ २४ ॥ गुरुकुलवासो सययं, खुहा-पिवासाइया य सोढव्या । बावीसं पि परीसह तेहोवसम्गा य दिव्यादी ॥ २५ ॥ लगावलद्धवित्ती, सीलंगाणं च तह सहस्सा उ । अट्ठारसेव णिययं वोढव्या आणुपुबीए ॥ २६॥ तरियन्यो य समुदो बाहाहिं इमो महल्लकल्लोलो । णीसायवालुयाए चावेयन्यो सया कवलो ॥ २७ ॥ चंकमियव्वं णिसिउग्गखग्गधाराए अप्पमत्तेणं । पायव्वा य सहेलं हुयवहजालावली णिययं ॥ २८ ॥ गंगा पडिसोएणं [च], तोलणीओ तुलाए सुरसेलो । जइयव्वं तह एगागिणा उ भीमारिदुहवलं ॥ २९ ॥ राहावेहविणिम्मियचक्कट्टियलक्खमग्गपुत्तलिया। विधेययाऽवस्सं उत्सग्ग-परीसहे जेउं ॥ ३० ॥ तिहुयणजयप्पडाया अगहियपुव्वा तहेव गहियन्या । इय एवमाइ साहूण दुक्करा होइ पव्वज्जा ॥ ३१॥
तओ एयमायण्णिऊण भणियं पहढवयणकमलेण पुरिससीहेणं-भयवं ! एवमेयं, किंतु विइयसंसारसहावाणं वेग्गमग्गमणुगयाणं संसारविजोगुज्जयाणं ण किंचि दुकरं ति । भयवया भणियं-एवमेयं, किंतु तं चेव संसारसरुवं 'सुंदरं' ति मण्णमाणो महामोहमोहियमई ण चिंतेइ तस्स सरूवं, ण मण्णेइ आवई, ण गणेइ लज्जं, ण आलोएइ विवागं, ण णिरूवेइ असारयं, ण पेच्छइ कुलं, ण गणेइ सीलं, ण सेवेइ धम्मं, ण बोहेइ अयसस्स, ण रक्खइ वयणिज्ज, सहामहामोहमोहियमती तं तं कुणइ जेण जेण एसो इह-परलोए य किलेसभायणं होइ ति। तमायण्गिऊग भणियं पुरिससीहेणं-भयवं! तस्सेवंविहस्स संसारस्स णिहणणे अयमेवोवाओ जं सबदुक्खणिज्जरणहेउभूया पबज्ज त्ति। भयवया 'एवमेयं ति भणिऊण पसत्थे तिहिणवत्ते पव्वाविओ। अहिज्जिओ आगमो, उवज्जियं च तेण वीसाए अण्णयरेहिं ठाणेहिं तित्थयरणाम-गोयं कम्म ति। तओ काऊण पन्चज्जाविहाणं, विहरिऊण जहुत्तविहारेणं, अणसणविहिणा काऊण कालं उववण्णो वेजयंते विमाणे । ____तत्थ जहासुहमाउयमणुवालेऊण साएए णयरे मेहस्स रण्णो मंगलाए भारियाए सावणसुद्धबीयाए महाणक्खत्ते वेजयंतदाहिणविमाणाओ चओ उवलद्धचोइसमहामविणाए गब्भम्मि उववन्नो। तओ व
सु मासेसु अष्टमेसु राइदिएमु वइसाहमुद्धष्टमीए महासु ससहरे वट्टमाणे सुहंसुहेणं सव्वलक्खणोववेयं मंगला दारयं पसूया। को पुचकमेण सरगिरिम्मि सोहम्माहिवाणा जम्माभिसेओ। कयं च भगवओ पिउणा जहत्थं समहति णाम । तओ पंचधाईपरियरिओ वड्ढिउं पयत्तो। पत्तो य कालक्कमेण जोवणं । लोयाणुवत्तीए य कयदारसंगहो अच्छिउमाढत्तो।
इओ य अभिणंदणाओ अइकंतेहिं गवर्हि कोडिलक्खेहि सागरोवमाणं सुमती समुप्पण्णो । तओ सुमतिसामी दस पुव्वलक्खे कुमारभावमणुपालिऊण, अउणत्तीसं च लक्खे बारसपुव्वंगाहिए रज्जमणुवालिऊण, संसारं चइउकामो लोयन्तियपडिवोहिओ वइसाहसुद्धणवमीए गहियपंचमहव्ययभारो विहरिउमाढत्तो। विहरन्तो गाम-णगराइयं पत्तो तमेवोजाणं जत्थ भयवया संसारुत्तारणपञ्चला गहिया पव्वज्जा । तओ चेत्तस्स सुद्धएकारसीए महासु वट्टमाणे मियंके पियंगुतरुणो छायाए वट्टमाणस्स खवगसेढीए कमेणं खवियघणघातिचउक्स्स समुप्पण्णं दिव्वं गाणं । तं च केरिसं?
सागारोभयभेयमप्पडिहयं लिंगेण दूरुज्झियं, सव्वागासपहेयमक्खयवरं सव्वण्णुचिंध फुडं। मुत्ता-ऽमुत्तपयत्थभासणखमं जीवाण साभावियं, पत्तं पत्तवरेणऽणंतणिहणं लद्धीजुयं केवलं ॥३२॥
तओ समुप्पण्णवरदिव्वणाण-दसणो पडिबोहेंतो भवियकमलायरे पत्तो चंपाणयरिं । विरइयं देवेहिं पुव्युत्तरदिसाए समोसरणं । समागया चउबिहदेवनिकायसहिया जणवया । पव्वावियं च भगवया सत्तुत्तरं सयं गणहराणं । पत्थुया धम्मकहा । परूविज्जइ सम्मत्त-णाण-चरणरूवो मोक्खमग्गो, णिदिज्जइ संसारो, जुगुंच्छिज्जति मिच्छत्ता-विरइ-पमाय
१ याहि पंच जे सू । २ तहेव उवसग्ग दि जे । ३ जेतव्यम् । ४ हामोहि सू । ५ वेजयंतविमा जे । ६ रुन्मू(म्मू. )लण सू । ७ पतो य च जे। ८ व्विहा देव जे सू ।
.
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |