Page Text
________________
७ सुमति सामिचरियं ।
साहिओ य सुइणओ देवीए । तुट्ठा य सा।
अण्णया य सुइपमुत्ता महादेवी रयणीए चरिमजामम्मि वयणेण पविसन्तं सीहकिसोरं पासिऊण भीयभीया तुरियं समुट्ठिया । साहिओ जहाविहिं दइयस्स। तेण वि य समासासिया पुत्तजम्मेण, भणिया य-सुंदरि! पुचि चेव देवयाए साहिओ भविस्सइ ते सीहो व्व उत्तमसत्तिसंपुण्णो पुत्तो, कुणमु सविसेसं गुरु-देवयाण य पूयं ति । तो तीए तदिवसाओ चेव वड्ढिउमाढत्तो गब्भो । समुप्पण्णो य दोहलो जहा-देमि अभयप्पयाणं सबसत्ताणं, घोसावेमि अमारि सव्वरज्जे, करेमि सवाययणेसु अट्ठाहियामहिमं ति । तओ संपाडिओ सविसेसं भत्तुणा दोहलो । पमूया य सा सुहेणं सव्वलक्खणोववेयं दारयं ति । मुक्काई बंधणाई, कयं महावद्धावणयं, दिणं महादाणं ति । पइट्टावियं च से णामं पुरिससीहो त्ति । वढिओ य कालक्कमेणं । गहिओ कलाकलावो। वियाणियाणि सयलसत्थाणि । विवाहिओ अट्ट कण्णगाओ सव्वलक्खणोववेयाओ उत्तमकुलप्पसूयाओ सुरूवाओ सयलकलापारगयाओ। तो अजत्तसंपज्जंतसयलिदियत्थो विसयमुहमणुहवन्तो अणण्णसरिसेणं कुलेणं सीलेणं रूवेणं विण्णाणेणं कलाकलावेणं सत्थत्थपारगत्तणेणं सयलजणमणाणंदणो लोयच्छेरयभूओ णयरचच्चराइएमु परिब्भमंतो रज्जसुहाई अणुहवंतो चिट्ठइ त्ति । अवि य
जत्तो च्चिय णिज्जियरूवरइमणाणंदणो परिभमइ । तत्तो च्चिय वज्जियपरियणाओ धावंति रमणीओ ॥८॥ पेसवइ जओ पैम्भल-धवलुज्जल-दीह-वक-सविलासं । दिटिं दिट्टप्पसरो तत्तो चिय धावइ अणंगो ॥९॥ एमेव कह वि गोयरगयं ति जं जं जणं पलोएइ । सो सो च्चिय मण्णति णवर तिहुयणब्भहियमप्पाणं ॥१०॥ ऑणवइ मोरकुल्लाए परियणं कह वि जं पसंगणं । सो जियइ त्ति गणिज्जइ जणेण जगमज्झयारम्मि ॥११॥ कत्तो बच्चइ ?, किं कुणइ ?, के समालवइ ?, कं पलोएइ ?। तव्यावारपरायणमुहीओ दियहं पि रमणीओ ॥ १२ ॥ उसवन्ते उवसन्तं, [च] संचरंतम्मि तम्मि कुहणीसु । हल्लप्फलेइ णयरं सयलं तईसणसयण्हं ॥ १३ ॥ रूवेण रमणिसत्यो, विउसयणो सेमुसीविसेसेण । विणएण गुरू, आराहियाई सीलेण सव्वाइं ॥ १४ ॥ इय अच्छेरयभूओ सलहिज्जइ सो जणेण सुहरासी । सुहपरमाणुविणिम्मियसब्यावयवो पुरिससीहो ॥ १५ ॥
अण्णया य उज्जाणे कीलानिमित्तमुवगएणं दिवो फामुए पएसे विणयणंदणायरिओ साहुयणपरियरिओ। दिढे य तम्मि समूससियं हियएणं, णिव्वुयाणि अंगाणि, आणंदजलभरियाणि लोयणाणि । चिंतियं च ण-को उण एसो महापुरिसो पढमे जोवणे भंजिऊण पसरमखलियपसरस्स कामएवस्स पडिवण्णो समणत्तणं ?, तो पुच्छामि ताव एवं धम्मविसेसं । ति चिंतिऊण समागओ तस्स समीवं । वंदिया गुरू साहुवग्गो य। तेहिं च धम्मलाहिओ उवविठ्ठो गुरुसमीवे । थेववेलाए भणियमणेण-भयवं ! तुह परिचाएणेव वियाणियं जहा-असारो एस संसारो, विसमा कम्मपरिणई, विरसं संसारमुहं ति, ता साहेहि केरिसो संसारुत्तारणसमत्थो धम्मो ? त्ति । भयवया भणियं-"सोम ! सुण
धण्णो सि तुमं सुंदर ! जो जोव्वण-रूव-संपयासहिओ । धम्मम्मि कुणसि बुद्धिं पुन्धज्जियपुण्णपब्भारो ॥१६॥ ___ ता किं बहुणा?, सुणसु-चउविहो धम्मोवाओ, तं जहा-दाणं सीलं तवो भावणाओ। तत्थ दाणं चउव्विहं-णाणदाणं अभयदाणं धम्मुवग्गहकरं अणुकंपादाणं च। तत्थ णाणदाणेण जीवा बंध-मोक्खं वियाणंति, हेउवादेयभूए पयत्थे णाऊण त हेयं परिहरन्ति, गेण्हंति गेण्हणिज्जं, किंबहुणा?, इहलोयसुहाण परलोयमुहाण य भायणं जीवो णाणाओ होइ त्ति। तम्हा णाणदाणं देन्त-गेण्हंताणमुभएसिं पि सुहावहं ति । तओ णाणपुव्वतमभयदाणं । तं पुण पुढवि-जल-जलण-मारुय-वणस्सईणमेगिदियाणं तहा विगलिंदिय-पंचिंदियाण पाणिणं सम्ममण-वयण-कायजोगेहिं अहिंसापरिणामो कायव्यो, जओ सव्वजीवा णिब्भरदुहत्ता वि जीविउमिच्छन्ति, तम्हा ताणं जीवियमेव पियं, कुसलेणं तं चेव दायव्वं ति । धम्मोवग्गहकरं च दाणं देयं,
१ देवयायणपू जे सू । २ पारगाओ। तओ जहुत्तसं जे । ३ 'त्थो सयलसुह जे। ४ पम्हल जे। ५ आलबइ जे। ६ किं सू । ७ ता जे । ८ हिं चिय धजे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |