Page Text
________________
[६ अभिणंदणसामिचरियं ]
संसारम्मि असारम्मि केइ ते णवर होति सप्पुरिसा । जाण परमत्थकज्जुज्जयाण जम्मो सलहणिज्जो ॥१॥ अत्थि पुहईए मज्झे पुरी अओज्झ त्ति णाम विक्खाया। सुंदरतुलियसमग्गा लग्गा सम्गा-ऽपवग्गेसु ।।२।। अह वसति तीए लोओ विणयगुणसमजणेकसत्तण्हो । पढमाभासी सरलो पियंवओ णिग्गयपयावो ॥३॥
तत्थ णयरीए जहत्थणामो णराहिवो संवरो णाम । तस्स य मायारहिया सिद्धत्था णाम अम्गमहिसी सयलग णणिहाणं । ताण य रज्जसुहमणुहवन्ताण वचन्ति दियहा, सरइ संसारो। __ अण्णया य महादेवी महरिहे सयणीए सुहपसुत्ता रयणीए चरिमजामम्मि चोद्दस महामुमिणे पासिऊण विउद्ध समाणी साहइ जहाविहिं दइयस्स । तेण वि य पुत्तजम्मेणाऽणुसासिया, तुट्ठा य । तीए चेव रयणीए पुन्वभवज्जियतित्य यरणामकम्मोदयमुहपरिणामो विजयविमाणाओ परहियकरणुज्जओ वइसाहसुद्धछट्ठीए पुणव्वसुणक्खत्ते चुओ तियसिंदसो हियगन्मम्मि संभूओ । जणणीए पीडमकरेन्तो संवढिओ । अइक्तेसु णवसु मासेसु अट्ठमेसु राइंदिएसु माहस्स सुद्ध बीयाए पुणधसुणक्खत्ते उववष्णो जगगुरू । संभवजिणाओ य दसहिं कोडिलक्खेहिं गएहिं समुववण्णो ।
कओ अहिसेओ सुरिंदेण । 'भगवम्मि गम्भत्थे कुलं रज्जं णगरं अभिणंदइ' त्ति तेण जणणि-जणएहिं वियारिऊण गुणनिष्फण्णं अभिणंदणो त्ति णामं कयं ।
संवढिओ य विहिणा कमेण तो जोव्वणं समणुपत्तो । भुंजइ य गामघम्मे कयदारपरिग्गहो भयवं ॥४॥ अधुट्टधणुसयाणि य उच्चत्तेणं ति सो महाभागो । निम्मलचरकणगछवी फुल्लुप्पलगंधणीसासो ॥५॥ अद्धत्तेरसलक्खा पुव्वाणऽभिणंदणे कुमारत्तं । छत्तीसा अद्धं चिय अटुंगा चेव रज्जम्मि ॥६॥ तो भुजिऊण भोए, रज्जं परिवालिऊण सो विहिणा । लोगंतिय-मागहघुट्ठकलयलो लेति चारितं ॥७॥ माहस्स सुद्धवारसितिहीए ससुरा-ऽसुरिंदपञ्चक्खं । णिक्खमइ महाभागी सहसम्बवणम्मि उज्जाणे ॥८॥ अह चउणाणसमेओ छउमत्थो अट्ठदस य वासाइं । विहरन्तो संपत्तो पियालतरुणो महाछायं ॥९॥ तत्थट्टियस्स गुरुणो झाणन्तरियाए वट्टमाणस्स । ववगयकम्मचउक्कस्स केवलं अह समुप्पणं ॥१०॥ चलियाऽऽसणागएण य तियससमेएण वरमुरिदेण । विरइज्जइ भत्तीए तिहयणगुरुणो समोसरणं ॥११॥
पव्वावियं च भगवया सोलसुत्तरं सयं गणहराणं । पत्थुया धम्मकहा । बुझंति पाणिणो, छिज्जति संसया, वियलइ कम्मरासी जंतूणं । तओ अटुंगूणं पुव्वलक्खं पव्वजापरियायमणुपालिऊण, पंचासपुव्वलक्खे सव्वाउयमणुपालिऊण, गाऊण आउयसेसमप्पणो पत्तो सम्मेयसेलसिहरं । तत्थ य सुहुमकिरियमप्पडिवातिज्झाणमणुपवेसिऊण पुणो उवरयकिरिपमणियट्टियज्झाणविसेसमासाइऊण खविऊण भवोवग्गाहीणि सिद्धिमणुपत्तो त्ति।
इति महापुरिसचरिए अभिणंदणसामिचरियं समत्तं ॥६॥
१ गवरि जे। २ पुहवीए जे। ३ सयाई उजे। ४ स्स बहुलबार जे। ५ ण स्खविऊण भवोव जे।
तंति ने।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |