Page Text
________________
चउप्पन्नमहापुरिसचरिय
पंचहा, तं जहा-मज्जपमाओ विसयप्पमाओ केसाया विगहा णिद्दा । कसाया कोह-माण-माया-लोभा। जोगो तिहा[मणजोगो वइजोगो कायजोगो य । ] मणजोगो चउहा, तं जहा-सच्चमणजोगो असच्चमणजोगो सच्चाऽसच्चमणजोगो असच्चा-ऽसच्चमणजोगो । एवं चिय वइजोगो वि सच्चाइओ चउहा । कायजोगो सत्तविहो, तं जहा-ओरालियकायजोगो ओरालियमिस्सकायजोगो वेउव्वियकायजोगो वेउब्धियमिस्सकायजोगो आहारगकायजोगो आहारगमिस्सकायजोगो कम्मइयकायजोगो त्ति । एवं पण्णरसविहेणं जोगेणं मिच्छत्ताइबंधकारणसमेएणं जीवा बद्ध-पुट्ठ-णिकाइयकैम्म णिवत्तंति । एवं सामण्णपच्चयबंधो।
विसेसबंधी उण एसो-णाणीण दंसणीण य पडगीययाए, तहा णाणंतराएणं दंसणंतराएण य, णाणोवधाएणं दंसणोवघाएण य, णाणस्स तह दंसणस्स य णाणीण दंसणीण य पओसयाए, णाण-दंसणणिण्हवणेण य भूयो भूयो कीरमाणेणं णाणदेसणंतराइयाई दुवे वि कम्माइं अचासणाए बंधइ। भूयाण गिरणुकंपो णिस्सील-व्यओ कोहणसीलो दाणज्झवसायरहिओ गुरुपडणीओ अंसायावेयणिज्जं कम्मं समुच्चिणइ । एस एव विवरीयगुणकलिओ सायावेयणिज्ज कम्मं बंधइ । अरहंताणं सिद्धाणं चेइयाणं तबस्सीणं सुयस्स गुरूणं साहूणं संघस्स पडणीययाए देसणमोहणीय कम्मं बंधइ, जस्स उदएणं अणंतं संसारकन्तारं परियति त्ति । तिव्वकसायुक्कडो बहुमोहपरिणओ राग-दोस-कमायमंजुओ चारित्तमोहणीयं कम्मं बंधइ दुविहचरित्तगुणघाति । अचंतमिच्छाइट्ठी महारंभपरिग्गहो तिव्वलोहो 'स्वालवा पावमई महारोद्दपरिणामो णिरयायुयं णिबंधइ । उम्मग्गदेसओ मग्गणासओ गूढहियओ मायावी ससल्लो तिरियाउयं णिबंधइ । पयतीए तणुकसाओ दाणरुती पयइभद्दओ सील-संजमविहूणो मज्झिमगुणेहि कलिओ मणुयाउयं णिबंधइ ति । बालतवेण अकामणिज्जराए अणुव्वयमहव्वएहिं सम्मईसणसमेओ जीवो देवाउयं कम्मं णिवत्तेति त्ति । मण-वयण-कायवंको मायासीलो तिहिं गारवेहि पडिबद्धो असुहणामकम्मं बंधइ त्ति । तप्पडिवक्खेण सुहं बंधइ त्ति । तित्थयर-पवयण-गुरु-साहूणमवण्णवादी माणथद्धो जातीमयपरायणो परपरिभवणसीलो अत्तुकरिसणरुई णीयागोयं कम्मं बंधइ । तप्पडिवक्खसेवणपरायणाए उच्चागोयं कम्म समज्जिणति । पाणवहाइसु रओ सन्चस्स विग्घयारी लाहविग्यायहेउभूयं अंतरायं समज्जिणइ । तस्स पुण अट्ठपयारस्स कम्म[स्स] बंधगा आउqधकालम्मि जीवा हवंति, अण्णया य आउयवजाणं सत्तण्हं कम्माणं बंधगा। मोहस्स बंधे ववगए छबिहबंधगा। केवलिणो उवसंतमोहा खीणमोहा य एगविहबंधगा। __ एवं भगवया परूविऊण कम्मणियाणं, पडिबोहिऊण भवियकमलायरे, विहरिऊण भरहखेत्तं, जणिऊण जंतूण सम्मत्तं, उवसामेऊण चरित्तमोहणीयं, आउयसेसमवगच्छिऊण संपत्तो सम्मेयसेलसिहरं । तत्थ य मासं पाओवगओ सेलेसीविहाणेण खविऊण चत्तारि भवोपग्गाहीणि कम्माणि चेत्तस्स सुद्धपंचमीए मियसिरजोयजुत्ते मियंके समणसहस्ससंजुओ अव्वाबाहं सुहमणुपत्तो त्ति।
ववगयभवजालो दुट्टणट्ठाऽवबंधो, सयलजयसमग्गं पत्थिओ सुद्धभावो । विमलगरुयरूवं णाणमासज्जऽणन्तं, विगयसयलदेहो तक्खणेणं पि सिद्धो ॥९॥ त्ति
इति महापुरिसचरिए संभवतित्थयरचरियं सम्मत्तं ति ॥५॥
१ कसाय-विगहाओ निद्दा जे । २ गो ति । एजे। ३ कम्म णिव्वतंती जे सू। ४ भूयाणु णि जे सू। ५ असायवे सू। ६ राग-दोस जे। ७ चरित सू । ८ माणबंधो जा सू । ९ पाणिव जे । १. 'तं जे। Jain Education International For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |