Page Text
________________
५ संभवतित्थयरचरियं ।
अह भगवं पि पंचधाइसमेओ वड्ढि पयत्तो । तिहि य णाणेहिं जाणइ जहिट्ठिए सव्वपयत्थे तहा वि 'लोयडी लंघणीय' त्ति काऊण कलायरियं बहुमण्णेइ । परिणाविओ पिउणा रूत्र-कुलोववेयं दारियं ।
७३
भगवं पि सम्भवजिणो अजियसामिणो सागरोवमाणं तीसेहिं लक्खेहिं कोडीणमतिगएहिं समुप्पण्णो । तस्स य आउयं सद्धिं पुव्वलक्खा । तस्स य पंचदस पुव्वलक्खे कुमारभावमणुपालेंतस्स पिउणा रज्जं दाऊण सकज्जमणुट्टियं । तओ भंगवया लोगट्ठीमणुपालेन्तेण चोयालीसं पुब्बलक्खे चउरंगहिए रज्जं पालिऊण समुइष्ण तित्थयरणामकम्मुणा लोयंतियपडिबोहिएणं दिष्णसंवच्छरमहादाणेणं लोयहियत्थं मग्गसिरपुण्णिमाए मिगसिरसैमीवचारिणि ससहरे कम्मसे लवज्जासणिभूया सयलसुरासुर गरिंदसमक्खं छट्टभत्तेणं णरवतिसहस्ससमेएणं गहिया पव्वज्जा सहसंबवणुज्जाणम्मि पच्छिमॅपोरुसीए ।
ओ भगवं गहियमूणओ । जहुत्तविहारेणं चोद्दस वासाई विहरिऊण कत्तियबहुलपंचमीए मिगसिरजोएणं सरलपायवस्स अहे उप्पाडियं दिव्वं गाणं । केरिसं ?--
एगं कप्पियभेयमप्पडिहयं सव्वण्णुचिंधं फुडं, सव्वेसिं च तमाण णासणपरं लोयाण जं लोयणं ।
जायं पासति बुज्झती य सययं णाणाविहाणि धुयं, उप्पाय-ट्टिइ-णासवंति विउलं दव्वाणि जं केवलं ॥ ८ ॥
तयणंतरं च चलियं सीहासणं सोहम्माहिवइणो । संखुद्धेण पउंजिओ ओही । विष्णायं जहा - भरहवासम्मि संभवजिर्णिदस्स उप्पण्णं दिव्वं गाणं । तओ घंटापओएणं बोहिया सुरा । समागओ य ते घेत्तणं भगवओ समीवं । विरइयं समोसरणं, कहं ? ति
तत्थ वाउकुमारेहिं जोयणंतरं भूमिपए से अवणियं तण सक्कराइयं, कओ य समो भूमिभागो । पुणो मेहकुमारेहिं सुरभिणा सलिलेण पसमिओ रयुग्याओ, मुक्का य पंचवष्ण बिंट द्वियकुसुमबुद्धी । विरइयं कलधोय - चामीयर - रयणमयं वरपागारतियं, अंतो य चउम्मुहं सीहासणं । बाहिं च महंतो धम्मज्झओ धम्मवरचकं च । तओ भयवं पविसइ पुव्वदुवारेणं तियसिंदपडिहारपडिहयसम्मद्देणं, पयाहिणीकाऊण सीहासणं, भणिऊण य 'गमो तित्थस्स' उवविसइ पुव्वाभिमुहो । सेसासु य दिसासु तप्पडिरूवाणि हवन्ति तिष्णि रुवाणि । पव्वावियं भगवया दुरुत्तरं सयं गणहराणं । तओ तयणंतरं च पुव्वदुवारेण पविणि पुव्वदाहिणाए अग्गेईए दिसाय पढमगणहरो केवल -मणपज्जव - ओहिणाणिणो चोद्दस पुव्वधरा सेससाहू, तेसिं पिओ कप्पवासिदेवीओ साहुणीओ य हियाओ । पुणो दाहिणदारेण परिसिऊण दाहिणपच्छिमाए
रइयदिसाए भवणवइ-जोइसिय-वाणमन्तरसुराणं देवीओ धम्मक हाखित्तहिययाओ ठियाओ । पुंणो अवरदुवारेण पविसि - ऊण पच्छिमुत्तराए वायव्वाए दिसाए भवणवइ - जोइस वाणमंतरदेवा भगवओ वाणिमुइयहियया चिद्वंति । तओ उत्तरदारेण पविसिऊण पुव्युत्तराए ईसाणीए दिसाए कप्पवासिदेवा णरगणेहिं णारीजणेण य धम्मसवणणिमित्तं ठाणमभिगय त्ति । एवं चउसु विदिसासु तियं तियं पट्टियं ।
तओ भगत्रया पत्थुया धम्मकहा, जहा जीवा मिच्छत्ता-ऽविरति पमाय कसाय- जोगेहिं बंधिऊण अट्ठविहं कम्म संघायं हिंडति चाउरंत संसारकन्तारं, जहा य सम्मत्त णाण- दंसण-चरणेहिं गच्छन्ति गिराबाहलक्खणलक्खियं मोक्खं ति । तमायणिऊण भणियं पढमगणहरेणं- भयवं ! केरिसं मिच्छत्ताइयं संसारकारणं ? ति । तओ भयवया भणियं
तत्तेसु मिच्छत्ताभिणिवेसो मिच्छत्तं तच्च अभिगहिया ऽणभिग्गहियभेयभिण्णं, मिच्छत्तपुग्गलोदयजणिओ चित्तपरिणामो । कागमसाइएस विरइपरिणामाभावो अविरती, अपञ्चक्खाणकसाओदयकसायजणिया चित्तपरिणई । पमाओ
१ लोयट्ठिई = लोयट्ठी, लोकस्थितिरित्यर्थः । २ भगवा हो सू । ३ लोगट्टिइम जे । ४ समीवेचा सू । ५ पोरिसीए जे । ६ विहाणेण चोदस वाससयाई वि सू ७ चऽसमाण नासणयरं जे । ८ जोवणं जे सू । ९ पुव्वं सू । १० पुण जे । ११ मुत्तरवाय जे सू ।
Jain Education International
For Private Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |