Page Text
________________
६५
४ सगरचकवट्टिचरियं । तक्खणवेहव्वागयदोब्बल्लपसाहणुज्झियाभरणा । ओमुयइ पुचणिविडं पि काइ चलवलयसंघायं ॥९५ ॥ रसणादामं कीए वि णिच्छुब्भइ तोडिऊण धरणीए। वियडणियंबुन्भडसाहिकामगयसारसंजवणं ॥९६॥ अणवरयकराहयगरुयणिबिडथणवठ्ठसंठिओ हारो । तह तुट्टो जह खुत्ताऽवसेसवरमोतिओ जाओ ॥ ९७ ॥ खिबई चलचलणखेवेण का वि पुणरुत्तजायदोप्पण्णा(ब्बल्ला)। णेउरजुयलं मिउमंजुसिंजिरं हंसमिहुणं च ॥९८ ॥ मुसुमूरिज्जइ कीए वि सहसा ओसारिऊण कंठाओ । विमलमणिपयणिवेसो वि कंठओ रयणणिम्मविओ ।।९९॥ अणवरयणिन्तणीसासदीणमुहबाहधोयतंबोलो । अहरो हिमहयपंकयगयदलकरणिं समुव्वहइ ॥१०॥ पुणरुत्तजायमुच्छागमेण धरणीए कुन्तलकलावो । घोलन्तो कहइ व वेयणाए दुसहत्तणमउव्वं ॥ १०१॥ इय दुसह-गरुयदुक्खोहजणियतावाहिं रायरमणीहि । तह विलवियं सकरुणं जह रुण्णं सावयगणेहिं ॥ १०२ ॥
एवं कयमहारावे अन्तेउरियाजणे, किंकायब्वमूढे मन्तियणे, वैवगययाववसरे महासामंतजणे, वुण्णे परियणे, विसण्णे सेणेंसिबिरे, खुहिए वणियवग्गे, भणियं मंतिणा सुबुद्धिणा-भो भो सेणावइणो ! महासामंता! किमेत्य णिष्फलेणं विलविएणं ?, जमेत्थ कायव्वं तं तेहिं चेव जीवियमोल्लेणं कयं ति, जओ जलभरियखाइयपरिवेसत्तणओ दुग्गमो जाओ अट्ठावओ, तेसिं च महापुरिसाणं अग्गिदाणमेत्तेणावि अम्हे वगयाऽवसरा संवुत्ता, ता खणमवि इह चिहिउं ण खमं, दिज्जउ अज्जेव पयाणयं ति । तओ 'सव्वाणमणुमयं' ति दिण्णं पयाणयं । आवासिया य विवित्ते पएसे । कयभोयणादिवावाराण य सयरसुयविणासचिन्ताए व विच्छायमंडलो पच्छिमाविलम्बी जाओ दिवसयरो। तयणंतरं च पाणियं पिव दाउं णिब्बुड्डो अवरसमुद्दे ।
तओ मिलिया सामन्त-महासामन्तसमेया सयलमंतिणो मंतिउमाढत्ता-"कहमेयमसम्भावियउव्वं कज्जं णिवेइज्जउ राइणो ?, जो लज्जाकरमेयं पुरिसाणं जं समीक्वत्ती परो वि अण्णेण ण वावाइज्जइ किं पुण सामिसालो?, कहं वा तस्स वावायगं जीवंतेहिं चेव अण्णस्स साहिजति ?, किंच संसारंतरगयाणं एवंविहाणि विहिणिओएणं कज्जाणि समावडन्ति जाणि ण कहिउं, ण गोविउं, ण हियएण धरिउ पि तीरन्ति ।
तं किं पि पडइ कज्जं पुन्वज्जियदुढदिव्वजोएणं । मरणे वि जेण गरहा जीयं पुण पावपरिणामो ॥ १०३॥ चिंतेउं पि ण तीरइ किं पुण कहिउँ विसालवंसस्स । भरहाहिवस्स एयं कज्जं हेयदिव्वणिम्मवियं ? ॥१०४ ॥ ता अम्हं पि सई चिय जालोलिकरालिए हुयवहम्मि । जुत्तं पयंगमरणं, ण उणो सुयमरणवज्जरणं ॥ १०५॥ अहवा संपइ किं तेण दुटुकालेण बालचरिएणं ?। भवियब्वमेवमेयं तेसिं णासोऽम्ह गरहा य" ॥१०६॥
एवं च मंतयंताण तेसिं समागओ एगो पविब्वाय[य] वेसधारी बंभणो। भणियं च तेण-भो! किमेवमाउलीभूया तुम्हे ?, मुंचह विसायं, अंगीकरेहे ववत्थंभं, संसारगोयराणं जंतूणं कित्तियं एयं ?, अण्णं च किल 'कहं सट्ठिसहस्साणमेगसमयम्मि मरणं ?' ति विम्हिया तुम्हे एवं पि ण जुत्तं, जो विचित्ता कम्मपरिणई, "तं पत्थि संविहाणं संसारे जंण संपडइ", जस्स जेत्तिया पुत्ता तस्स तेत्तिया विवज्जति, को एत्थ विम्हओ ?, ता तहा अहं साहेमि परवइणो जहा सो वि दुक्खसागराओ अप्पाणं संधारेइ । त्ति भणिऊणं णिग्गओखंधावे(वा)रणिवेसाओ। पत्तो य सयररायहाणि । विष्णाओ य तेण भरहाहिवो सयलसामन्तोववेओ अत्याइयामंडवे सुहासणत्यो चिट्ठइ ति।
तओ महया सद्देण भणियं बंभणेणं-भो भो विणिज्जियाऽसेसमहीमंडलदूरणिग्गयपयावरियुगइंददलणेककेसरि ! पणयसुरा-ऽसुर-विज्जाहरिंदमसिणियपायपीढ ! तुह भुयारक्खिओ वि भरहे अहयं मुट्ठो मुट्ठो त्ति, अब्बंभण्णं अब्बभण्णं च - १इ गयचल जे। २ हार इत्यर्थः । ३ व्यपगतप्रतापप्रसरे । ४ षयावावसरे सू । ५ णे सिबिरे सू । ६ किमत्थ जे। ७ तेसि तहावि महा जे। ८ साविलम्बी जे स । ९ 'तीयरो वि स । १० अण्णेण वावा जे सु। ११ हयदेव सू । १२ हऽवत्यंभ, सू।
Jain Education Interational
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |