Page Text
________________
६४
चउप्पन्नमहापुरिसचरियं । इय णियचरिएहिं चिय पुरिसा णजन्ति कुल-गुणसमेया । मज्जाइक्कमणेणं जेणं लहुएन्ति अप्पाणं ॥ ७६ ॥ अण्णं च तुम्भे सयरस्स चक्कवट्टिणो पुत्ता, ता तुम्हाण ण जुत्तमेयं । जओते पुत्ता जे पिउणो चिण्णेण पहेण सति पवजंति । तेसिं गुणगहणेणं पिया वि सलहिज्जइ जयम्मि ।। ७७ ॥ दुस्सीलेहिं सुएहिं पि लहइ वयणिजयं पिया सययं । किरणा तवंति भुवणं लोओ सूरस्स रूसेइ ॥ ७८॥ इय जाव ण भज्जइ मंदिरस्स चूला उ सासया रम्मा । वीसमउ ताव तुम्हें समुज्जयं दंडरयणमिणं ॥ ७९ ॥ कजं कुणंति गिययं उवरोहं णेय कस्सइ जणंति । गुणवन्तयाण कप्पो भमराण व होइ कमलेसु"॥ ८० ॥
एयं सुणिऊण जण्हुकुमारो भणिउमाढत्तो-ण एस पयासो तुम्ह भवणभंजणणिमित्तं कओ अम्हेहि, किंतु अट्ठावयं फरिहाए रक्खिउं, ता जइ दंडगउरवेणं तुम्ह भवणोवद्दवो जाओ ण एत्थ अम्हाण तणुओ वि दोसभाओ, ता उवसंहरमु संरंभ, ण पुण एरिसं करिस्सामो ति । उपसमिओ जलणप्पहो गओ भवणं ति । तओ गए णागिंदे भणियं जण्हुणा-कओ एस दुल्लंघो अट्ठावओ किं पुण एसा फरिहा पायालोयरगंभीरा रित्ताण सोहइ त्ति, ता कीरउ इमीए जलभरणोवाओ। एवं भणिऊण जण्हुणा गहियं दंडरयणं । दंडरयणेण वियारियं गंगायडं। पयट्टा महल्लकल्लोलमालाउला दंडरयणाणुसारेण गंगा। भरिया य तीए खाइया। तओ संजायविवरंतरे पविटं धाराहिं जलं णागकुमारभवणेसु । तं च तहा णागकुलाउलं णागलोयं पेच्छिऊण भणियमेगेणाहिणा जहा-महाराय ! किमेस जलपब्भारो अविण्णायपुब्बो णागभवणेसु वियंभइ ? त्ति । कह?
भयविहडियाण जाओ उब्भडकल्लोलपेल्लियथिराणं । अह णिरवसाणदुसहो कुडुम्बभंगो भुयंगाण ॥ ८१॥ दीसइ पायालयलं जलरयवुभंतणाइणिसमूहं । पुकारुट्ठियजलणुच्छलन्तभीसणजलुप्पीलं ॥ ८२॥ भरियजलभवणविवरं हाहारवणीहरंतपडिसदं । मुणिऊण णागलोयं णागेंदो भणइ तो रुसिओ ॥ ८३॥ "सन्ति सयरस्स पुत्ता दुस्सीला जेहिं दंडरयणेणं । खणिऊण धरावीढं पायालयलं जलाउलियं ॥ ८४॥ सामं कयं चिय मए पुव् िबलगबियाणमणुचिण्णं । तं तेसिमण्णह च्चिय परिणमियं आसयवसेण ।। ८५ ॥ माणुण्णयाण वि फुडं सामं गरुयत्तणं पयासेति । दंडसहाणं इहरा णराण हीणत्तणं कुणति ।। ८६॥ दो चेव णवर णीतीओ होन्ति पुरिसाण गुणमहग्याण । सामं व विणयपिसुणं दंडो व्च पयाववित्थारो ॥ ८७॥ एतेहिं मह समक्खं दिहें सामं ति विणयगुणकलियं । दरिसेमि संपयमहं दंडं पुण जंण पेच्छंति" ॥८८॥
इय भणिऊण सरोसं णयणविसा सदिया महाघोरा । णागकुमारा बहवे भणिया मारेह सयरसुए ॥ ८९॥ Vतेहिं पि तक्खणं चिय णीसरिऊणं जलन्तणयणेहि । तह दिट्ठा सयरसुया जह दीसंत चिय ण दिट्ठा ॥९॥
एवं च जणसमूहाओ भूतिकूडाऽवसेसेसु जाएमु सयरसुएमु हाहारवो समुच्छलिओ कडयसण्णिवेसम्मि । खुहियं सेण्णं, णासंति कावुरिसा, धाव(? र)न्ति सप्पुरिसा, अकंदइ महिलासमूहो, समाउलो मन्तिवग्गो, वुण्णो परियणो, विसण्णो कंचुइयणो । 'किमयं ? किमेयं ?' भणंता सदाविया महासामन्ता। 'किमेत्य करणिज्जं ?, कत्थ वच्चामो ?, किं(क) भणामो ?, केण सद्धिं जुज्झामो ?, कस्स कहेमो ?, कं सरणं पवज्जामो ? । एवं समाउले सयलखंधावारे समुच्छलिओ अंतेउरे महंतो उल्लोलो। कहं ?-- हा हा ! कयन्त ! णिय ! णिचमकज्जुज्जओ सि जइ वि तुमं । तह वि अणज्ज ! न जुज्जइ मग्गुत्तिण्णं इमं काउं॥९१॥ ___ हा देव ! किं व एयं ? एकपए चेव सव्वहा णासो। किं होज एस सुइणो मोहो वा इंद्यालं वा ? ॥ ९२॥ कि सच्चं चिय एवं हवेज मइविभमो व माय व्व ? । इय चिंतिऊण हिययं ण जाणिमो कह णु संठक्मिो ?॥९३॥
इय दुसहदुक्खसंतावतावियं पहयथणहरुच्छंगं । मुच्छाविरमे खिज्जइ सुइरं अंतेउरं सयलं ॥९४॥ अवि य
१ मेवं जे । २ जगकु जे । ३ एरेसा परिहा जे। ४ कह चिय ? भयं जे । ५ तेहिम्वि त सू। ६ एत्थ सुसू । ७ इंदजालम्वा सू । ८ याणिमो जे । ९ अपि च-सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |