Page Text
________________
६३
४ सगरचक्कवट्टिचरियं। भुवणुवरंतजसणिवहणिम्मियासेसधवलजिणभवणं । विहरन्त चिय पत्ता तुंगं अट्ठावयं सेलं ।। ६३॥ अह पेच्छिउं पयत्ता गिज्झरझंकारताररवमुहलं । वियडतडुब्भडमणिकिरणरंजियाऽऽसा-धरावलयं ॥ ६४॥ गंदणवणमणहरकयनिवेसविजाहरिंद-सुरकलियं । णाणाविहमणिविरइयबहुविहजिणभवणचंचइयं ॥ ६५ ॥ चारणमुणि-विज्जाहर-सुरा-ऽसुरा-ऽणेयणरवरिंदेहिं । जंतितेहिं सतोसं [च] बंदणऽस्थीहि रुद्धपहं ॥६६॥ डज्मंताऽगरु-कप्पूरबहलधूवुच्छलन्तसंगीयं । पहयपडपडह-मदल-काहल-संखाऽऽउलसणाहं ।। ६७॥ जयजयरव-मंगलगीयसद-थुइ-थोत्तजणियहलबोलं । विम्हयजणणं अट्ठावयं ति पेच्छन्ति सुरसेलं ॥ ६८॥
तओ पेच्छिऊण सयलपेच्छणिज्जाऽऽवासं अट्ठावयं पुच्छियं णायगेहि-को एस पचओ ?, केण वा जिणभवणालंकिओ? ति । तयणंतरं च सवद्धिपमहेणं मन्तिगणेणं जंपियं जहा-एस भरहचकवट्रिणा आदितित्थयरस्स उसभसामिणो पुत्तेणं जिणभवणालंकिओ, 'एत्थ य सिद्धो भयवं जगप्पियामहो उसभसामि' ति कलिऊण तव्वंसपभवेहि अण्णेहिं पि सुरा-ऽसुर-गर-विज्जाहरिंदेहि अणवरयमेस सेविज्जइ, ता दट्टयो एस 'सिद्धिखेत्तं' ति काऊण तुम्हे हिं पि । तओ एयमायष्णिऊण समारूढा पच्चयसिहरं । दिट्ठाणि चउवीसं जिणालयाणि पत्तेयं सबजिणाणं णिययमाण-वण्णपडिमाहिं कलियाणि । ताणि य भत्तिविहवाणुरूवं वंदिऊण पूइऊण य मंतियं तेहि-जमेत्य करणिज्जं तं सव्वं भरहचक्कवट्टिणा सैयं चेव कयं, ता अम्हे वि किंचि एत्थ तहाविहमच्छरियभूयं करेमो ।
तओ चिंतयंताण समुप्पण्णा बुद्धीजहा-एस पचओ बहुअच्छरियणिवासो सकंचणमओ णाणामणिविरइयजिणभवणो पउमरायमयसाणुणियररझ्यावयवी महोसहिसंकुलो, ता एस 'दूसमादोगचजणेण विलुप्पई त्ति जइ केणइ उवाएण रक्खिज्जइ ता रक्खणत्थमुज्जमं करेमो त्ति, जओ दाणाओ पालणं सेयं । ति चिंतिऊण गहियं दंडरयणं सहस्संसुणा । समंतओ य अट्ठावयस्स खाइयाणिमित्तं खणिउमाढत्तो धरणिमंडलं । तओ अचिन्तसत्तित्तणओ दंडरयणस्स, बहुत्तणओ सयरपुत्ताणं, वजरिसहणारायसंघयणतणओ य तेहिं ताव खयं धरणिमंडलं जाव भवणवइणागकुमाराण भवणभेओ कओ। तयणंतरं च अउव्वधरणिन्भेउप्पित्थहियओ 'किं किं किं ?' ति भणमाणो विब्भमुन्भंतलोयणो सव्वत्थ पेच्छियच्छोहो वसुहाविवरुग्गयवहलणीसासधूमुप्पीलो समाउलीभूओ णागलोओ । तओ त(?स)माउलं पेच्छिऊण णाइणिसमूहं हित्थहिययं विणिग्गओ णागलोयाओ जलणप्पहाहिहाणो णागिंदकुमारो । णिग्गंतूण य तेण रोसवससविसेसाऽरुणलोयणेणावि णियमिऊण कोहप्पसरं भणियं-“भो ! भो ! किमयमाढत्तं तुम्हेहिं ?, जेण भवणवइभवणाई सासयाई पि गुरुविसमवजणिवायसरिच्छेहि दंडघाएहिं जज्जरीकयाणि, जेगाऽहिवियडफणुब्भडमणिकिरणभीय व मंद मंदं पविसंति रवियरा मणिजालगवक्खविवरंतराऽऽलोयणेणं, लद्धावयासो तुम्ह दंडो व्य दीसिउं पयत्तो आयवो, तुम्हे य ठिइलंघणुज्जए पेच्छिऊण रवियरा वि मज्जायाइक्कम काउं ववसिया, ता सव्वहा तुम्हारिसाणं ण जुत्तमेयं । अवि य
अपवहाए णिययं होइ बलं उत्तुणाण भुवणम्मि । णियपक्खवलेणं चिय पडइ पयंगो पदीवम्मि ॥६९ ॥ होइ विणीओ गरुओ, गुरुत्तणं संपयाए पढमंगं । अविणीओ वि हु लहुओ, लहुत्तणं आवईए पयं ।। ७० ॥ एसा वि जए लच्छी सोहइ मग्गट्टियाण पुरिसाण । इयराणं पुण सिग्धं णासइ आसयविणासेणं ।। ७१ ॥ ते होति महापुरिसा ते ठिइभंगं कुणंति ण कया वि । उवलद्धो किं केण वि मग्गुत्तिण्णो रहो रविणो ? ॥ ७२॥ जे हाँति सत्तवन्ता ते संतो ते महायसा भुवणे । जे ऐति सिरिं सुपइटिएण सप्पुरिसमग्गेणं ॥ ७३ ॥ सगुणेहिं चिय पुरिसा पयडा चूडामणि व विक्खाया । सयलजणसलहणिज्जा कुम्भंति सिरेण भुवणम्मि ॥ ७४ ॥ इयरे जे किंचि गुणं लहिऊण समुच्छलंति तुच्छप्पा । दुब्बलपक्खपरिग्गहगहिया सलह व्च भुवणम्मि ॥ ७५ ॥
१ जिणाऽऽययणाणि जे । २ सई जे । ३ चितताण जे । ४ तुब्भेहिं जे। ५ राय(s)लोय जे। ६ आवईय जे। ति गफगान जे । ८ च्छलततुच्छप्पा जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |