Page Text
________________
५९
४ सगरचक्कवचिरियं ।
जीवावे मरतं अण्णं मारेइ मरइ सह तेण । को मुगइ जुवइचरियं विसेसओ सीलरहियाणं ? ।। ३५ ।
अण्ण दिवसम्म सुमित्ताए कवडेण भणियं जहा - आगया तुह ससुरकुलपउत्ती । सीलवईए वियेप्पिऊण कवडयाए जलभरियलोयणजुयलाए भणियं किं सचं ?, साहस केरिस ? ति । सुमित्ताए भणियं - सामण्णेणाऽऽगया जहा - तुह भत्ता सण च । इयरीए भणियं -“ऐयं पि होज्ज जं मह दइओ इहाऽऽगमेज्ज, अहं पि एएहिं चैव लोयणेहिं पेच्छेज्जा,
ता सुमिते !
कुणसुभह बंधुकज्जं, लेहं पेसवसु तस्स मह पइणो । जह एसा तुह दइया णिक्किव ! सह चिह्न रुयन्ती ॥ ३६ ॥ विक्खाओ सि तुमं सुहडो, ईंह एरिसी मह अवस्था । एताहे किं भैण्णइ 2, जं जुत्तं तं करेज्जा ॥ ३७ ॥ aa एयमायणिऊण अण्णायपरमत्थाए भणियं सुमित्ताए - सीलवइ ! जइ एवं गरुओ तुह अणुबंधो णियदइए ता पियं ते णिवेमि, चिट्ठा मह घरे तुह हिययदइओ, कुणसु जमुचियं ति । तयणंतरं च सीलवतीए 'चिरं जयसु' ति भणंतीए आलिंगिऊण चलणवडणुट्टियाए ल्हसियं णियंसणं, गलियं उत्तरिज्जं, बाहन्तरियं पप्फुल्लणयणजुयलं । भणियमिमीएदमुकंठिया, आणेह अज्जं "चैव मह दइयं णिव्ववसु विरहाणलपयत्रियं मह हिययं, गओ पल्लिवई जक्खजत्ताणिमित्तं जात्र नागच्छइ । त्ति भणिऊण मह 'दिण्णं पारिओसियं कडयजुयलं । आगंतूण साहिओ मह एस वइयरो सुमित्ताए । अत्थमुवगए वणवे दिवस सुमित्ताणुमग्गलग्गो भयतरलफुरियवामलोयणो पविट्ठो तीए भवणं ।
इओ य सा महाऽऽगमणहल्लफला परियणं इओ तओ पेसिऊण सदुक्खं णीसदं रोइउमादत्ता, संठविया य सुमित्ताए । कयमुचियकरणिज्जं । गया सुमित्ता । पेसिओ 'हे भवणभंतरं, समालिंगिऊण णिवज्जाविओ महरिहे स्यणिज्जे ।
एत्थंतरम्मि ती चैव वाहिंतो समागओ वाहिँ पल्लिवई । तओ किल समाउलीभूया भुयंगी 'हा ! कहं हा ! कट्ठे' ति भती भितरमुवगया । भणिओ य अहं तीए दाऊण थणोवरि करयलेण पहरं जहा - हयास ! हओ सि, आगओ पल्लि - वती, ता गत्थि ते सरणं, पविससु य सयणीयस्स हेओ । अहं हित्थहियओ णिलुको सयणीयतले । णिग्गया य सा बाहिं । गहिऊण कंठे पल्लिवई अग्भितरमुवगया । णिसण्णा णियसयणीए । भणिया य सा पल्लिवइणा जहा - सामिणि ! किमकंड एव दासजणो वाहितो ?, जं वा ते दासजणेण कायव्वं तं तत्थद्वियस्सेव किं न आइहं ?, जेण जक्खजत्तं तुज्झ आणre मंजिऊण तुरियमिहागओ म्हि ता आइसउ सामिणी जं मए कायव्वं ति । तओ तीए लद्धपणयाए भणियं - किं
यासि तुमं मुद्धो ? जहा अहं विएसाओ समागया तुह वयणामयमुइया जीवामि त्ति, णत्थि मे अण्णं विणोयकारणं ति, कल्ले वि तुमं मए ण दिट्ठो त्ति णागया गिद्दा, सीयन्ति अंगाई, ण रोयए भोयणं, तओ मए तुमं सद्दाविओ । त्ति भणमाणी अवगूढा पल्लिवणा । पुणो वि भणियमिमीए - अज्जउत्त ! जर पुण मह भत्ता णियकम्मरज्जुपासावयासिओ इह आगच्छेज्ज ता किं कुणइ तस्स अज्जउत्तो ? । सीहेण भणियं सह दविणजाएण तुमं समप्पे । ओ तीए कूरकम्मकारिणीए हक्कं दाऊण भणिय - जइ वि ण वल्लहा सि अहं तुज्झ तहा विण जुत्तमणुरत्तजणपरिच्चायं काउं सप्पुरिसाणं, अहवा वला णिन्तस्स समप्पणं जुत्तमेव तुम्हारिसाणं । एयमायण्णिऊण भणियं पल्लि - वणा-सुंदरि ! किमेवं जंपसि ?, किं मेह बलपरकमं ण याणसि ?, तुह वल्लहो काऊण मए एवं भणियं, अण्णहा कयंताओ वि तुमं रक्खिमिच्छामि किमंग पुण मण्णाओ ? । तीए भणियं बद्धमूलस्स वइरतरुणो कारणं महिलाओ, सो य तुहऽश्चंतवेरी, जइ तुमं पावेइ तओ तं नत्थि जं न कुणइ, तं पुण पुरिसोहमत्तणओ एवं जंपसि । तओ संजायमच्छरेण भणियं - जइ पुणो अहं कह वि तं पावेमि तओ जं करेमि तं तुमं चेव पेच्छसि । तयणंतरं लद्धावसराए भणियं - जइ एवं ता एस तुह 'पडिपंथी सेज्जाए हेट्ठओ चिट्ठा त्ति । तओ दट्ठो भिउडिभासुरेण गहियखग्गेणं सहिऊण य पुरिसे कढिओ अहं केसेसु गहिऊण | बाबाइज्जमाणो य धरिओ दुट्ठमहिलाए - अविण्णायदुक्खवावायणं पिं उवयारो चेत्र इमस्स, ता तहा वावाइज्जइ जहा ण पुणो वि भोगाहिलसणं कुणइ ति । तओ अहं महाराय ! पल्लिवइपुरिसेहिं थूणाए सरीरुक्खत्तिएण
१ वितव्विऊण जे । २ एयं एयं ( ? ) पि सू । ३ इय जे । ४ भणउ सू । ५ चेय जे ६ दिव्हं सू । ७ जुबल जे । ८ हं महभव जे ९ आगच्छेज्जा जे । १० मह पर सू । ११ साहम्मत्त जे सू । १२ परिपंथी सू ।
Jain Education International
For Private Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |