Page Text
________________
चउप्पन्नमहापुरिसचरियं । परिहवाणं च एस महंतो परिहवो जं जियन्तस्स णियभज्जा वि बला अण्णेण हीरइ" ति । तओ महाराय ! सुणिऊण मए एयं समुप्पण्णा मेहती अरती । चिंतियं च मए-ण तीए कोइ दुस्सीलत्तणं मुणइ, मह परिहवो उण सव्वजणविण्णाओ, ता एयमेत्थ पत्तयालं जं सा दुरायारिणी णियबलपरक्कमेण अण्णेण वा केण वि उवायन्तरेणं मोयावेऊण पल्लिवइसयासाओ समप्पेमि एएसिं । ति चिंतिऊण गहियथेवदविणजाओ णिग्गओ णियभवणाओ। चितियं च मए-अहमेगागी, कूरकम्मकारिणो बहवे चोरा, दुग्गमा अडवी, विसमो पल्लिणिवेसो, ता णियख्वमवलम्बिऊण जेहोचियमणुचिट्ठामि । तओ अहं लंघिऊण संसारविसमं महाडइं थेवदिवसेहिं चेव विसममेगप्पवेसं संपत्तो कैसिणाऽहिवयणदाढं व विसालं, हिमगिरिसिहरं व दुग्गमग्गाहिडियं, मुणिगणचित्तं व कयपरलोगसंपयं, कयंतरायहाणिं व भीसणं, नियई पिच दुलंघ, वेसायणघरं व दुविणीयालयं, दुस्सीलमहिलं व भिण्णमज्जायं, कालजिब्भाऽहिहाणं पल्लिं संपत्तो । पविठ्ठो य अभंतरियं । कया पाणवित्ती । इओ तो भमन्तो एगो(?) विहिवसणिओएण पविट्ठो एकम्मि घरे। दिट्ठा य तत्थ परिणयवया इत्थिया। अब्भुटिओ य तीए, भणिओ य-उवविससु त्ति । अहं पितीए नमिऊण उबविट्ठो आसंदियाए । पुच्छिओ अहं तीएकओ आगओ सि ?। मए भणियं-अहं सयणपरिहवाओ इहं आगओ ति, ता इहइं चेव अच्छिउमिच्छामि । तीए भणियंपुत्त ! चिट्ठसु इहई, अहं ते ण्हाण-भोयणाइणा अक्खूणं करिस्सामि त्ति । णामं च मए णायं सुमित्त त्ति । तओ अहं तीसे घरम्मि भोयणाइणा णिचिंतो पसारयं काऊण ववहरिउमाढत्तो।
अण्णया य सुमित्ताए वच्छल्लत्तणेण मह वावारोवउत्ताए सुइरं मं णिज्झाइऊण इंगियागारकुसलाए लक्खिऊण अण्णहिययत्तणं साणुकंपं भणियं-किं पुत्त ! सुमरसि पिट्ठओ माणुसाणं ?, उयाहु वेराणुवंधो हिययसंतावकारि : त्ति, जेण दीहुण्हणीसाससोसियं अहरं ते लक्खेमि, मुंइरं च अंतो किं पि झाइऊण दट्ठोभिउडिभासुरमाउहं पलोएसि, ता साहसु जइ ण रहस्सं, अहं च तुह दुक्खेण दुक्खिया जणणिसमाणा, ता वीसत्यो साहसु, जेण विण्णायकज्जसरूवा जुवइजणोचियमुवयारं करिस्सं । तओ महाराय ! मए तमायण्णिऊण पप्फुल्लवयणकमलेण भणियं-साहु अम्बा !, साहु लक्खिओ मह अहिप्पाओ, तं किं पि णत्थि जं तुहाकहणिज्ज, विसेसेण एस वइयरो तुह साहेयव्यो, किंतु लज्जापराहीणो ण सक्कुणोमि एत्तियं कालं तुह साहिउं, संपइ तुमए मह दुक्खदुक्खियाए सयलमुवलक्खियं ति साहिज्जइ । तओ मए णिरवसेसो सीलवइवइयरो साहिओ । भणियं च तीए-पुत्त ! ण सोहणमणुचिट्ठियं, जओ एगागी तुमं, विसमदुग्गटिया पल्ली, बलवन्तो पल्लिवई, दूरे तुम्ह गामो, माया-कूड-कवडभरिओ पयईए चेव जुवइजणो विसेसेण दुस्सीलो त्ति, तहा वि सोहणमणुचिट्ठियं जं मह साहियं ति, जओ तीए अहमहिप्पायं जाणिस्सामि । त्ति भणिऊण महुरक्खरेहिं बहूहि य हेउ-दिटुंतेहि सम्म ठविऊण आढत्तो सीलवईए सह घरगमणसंबंधो, कीरंति कालोचियाओ कहाओ, 'बुब्भंति लोयवावारा । ___ अण्णया य सुमित्ताए भैणिया सीलवई-कहिं वा तुम्ह णिवासो ?, कहिँ वा सीहसमागमो ?, केरिसो वा तुम्ह बंधुवग्गो ससुरवग्गो वा ?, भत्तारो किं जुवाणो ण व ? त्ति, एयस्स पल्लिवइणो तं पिया उयाहु पुधपइणो ? त्ति । तओ कुडिलसहावत्तणओ महिलाणं, अवि(वी)सासत्तणओ पेम्मसहावाणं, भवियन्चयाए तस्सभावस्स, ण जहट्ठियं कहियं । भणियं च तीए-"किं मुद्धे ! ण याणसि ?,
बंधुयणो ससुरहरं जणणी सहपंसुकीलिओ भत्ता। एएहिं जुया जुबईहिमावया संपया चेव ॥३४॥
तो सुमित्ते ! जहा तहा खविजए कालो, किं वा अण्णं करेइ इत्थिजणो परायत्तो असरणो ?" त्ति । सुमित्ताए भणियंअत्थि एयं जइ कहिं पि णिस्सरणोवाओ होइ तओ सोहणं ति । इयरीए वि गोवियवियाराए भणियं-कुओ एत्तियाई भग्गधेयाइं अम्हाणं ? । ति भणिए गया सुमित्ता णिययमुँवणं । कहिओ मह एस वुत्तंतो। मए चिंतियं-एयं पि तीए संभाविज्जइ।
१ महती जे । २ लेण पर जे । ३ केणइ जे । ४ बहवो सू । ५ अहोचिय सू । ६ कसणा सू । ७ "चित्तम्व सू । ८ घरम्ब सू । ९ अमित जे। १० तस्यै नत्वा । ११ सुया सू। १२ साहेसु जे। १३ उभन्ति सू। १४ भणिय-सीलवति । कहि सू । १५ तो जे। १६ भवणं जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |