Page Text
________________
चउप्पन्नमहापुरिसचरियं । णिययवम्मेण बद्धो । णिग्गया य पुरिसा। तयणंतरं तम्मि सयणिज्जे मह समक्खं सच्छंदयारीणं अणेयबिब्बोयसमेयं रइसुहमणुहवंताणं वीसंभत्तणओ समागया णिहा । चिंतियं च मए-“एयाणि ताणि विहिणो विलसियाणि, एसा सा कम्मपरिणई, अहवा महिलामोहियाणं केत्तियं एवं ?, जओ
णरयदुवारं वसणेककुलहरं सयलपरिहवावासो। महिलायणसंबंधो चारगबंधो ब पुरिसाणं ॥३८॥ अत्थं वयंति, सेवंति खलयणं, जीवियं पि तोलेन्ति । माणभंसं पि कुणंति माणिणो जुवइसंगेण ॥३९॥ तं णत्थि चिय भुवणे वि सुवुरिसा दूरणिग्गयपयावा । महिलासंगेण सया विडम्बणं जं ण पार्वति" ॥४०॥
तत्थ य मए महाराय ! णायं जहा सरीरवेयणाओ अहिया माणसी पीड ति, जओ तब्बइयरदसणुट्ठियचित्तपीडाए ण विण्णाया सरीरुक्कत्तण-बंधणपीड त्ति । एवं च चिंतयंतस्स बहूणि अट्टदुहट्टाणि भवियन्वयाणिऔरणं मूसएहिं आगंतूण मह भक्खिया बंधणबंधा । मोक्कलो जाओ । उद्धाइओ कोहप्पसरो । गहियं तस्स खग्गं । आकड्ढिऊण हक्किओ पहिाई। तयणंतरं च ससम्भंतो उडिओ सयणीयाओ । पाडियं च मए खग्गप्पहारेण तालफलं व तस्स सिरं । भयसम्भन्ततरललोयणा य भणिया सा मए दुरायारिणी-पु(? धु)त्ति ! तुरियमग्गओ ठासि(? हि) अण्णहा संपयं ण हवसि त्ति । तओ इत्थीसभावत्तणओ वेविरसरीरा अग्गओ ठिया । अहं सदेसाहिमुहं मोत्तूण मम्गलम्गी अडवीए गंतुं । आगच्छइ य सा मह पिट्ठओ वत्थावयवे मग्गसंलक्खणत्थं मुयंती ण मए संलक्खिया । विसमत्तणओ पव्वयस्स, घणतणओ कडयतरूणं, संखुद्धत्तणओ हिययस्स, थेवे चेव भूमिभाए अइक्कंते जीवियासा विय विलिया रयणी । समुग्गओ तीए मणोरहो व भुषणपदीवो दिणयरो। ___ तो तचिंधोवलक्खियमग्गाणुलग्गो सेणासमेओ समागओ वग्घाऽहिहाणो पल्लिवइपुत्तो । दिट्ठाणि य अम्हे एक्कम्मि वणनिगुंजे णिलुक्काणि । भणियं च तेण-अम्ब ! तुह कयाहिणाणाऽणुसारेण समागया इह अम्हे । वावाइज्जमाणो अहं पुणरवि तहेव णिसिद्धो । खाइरेहिं खीलएहि खीलिऊण मं, घेत्तूण तं दुरायारिणि, गओ पल्लिवइपुत्तो। अहं अणावेक्खणीयमवत्थंतरमणुहवंतो चिट्ठामि । चिंतियं च मए-कहं मए अभिण्णाणं कीरमाणं नोवलक्खियं ? ति । अहवा
जोयणसयाओ तह समहियाओ लक्खेइ आमिसं सउणो । सो चेव मरणकाले पासाबंध ण लक्खेइ ॥४१॥ जं जेण जहा जइया सुहममुहं वा समज्जियं कम्मं । तं तस्स तहा तइया तयाणुरूवं फलं देह ॥४२॥ किं कस्स केण कीरइ संसारे पयतिणिग्गुणे विरसे ? । परिणमइ सकम्मं चिय अण्णो पर पडइ वयणिजे ॥४३॥
ती अहं महाराय ! तिव्वयरवेयणाउलसरीरो समीहियाऽसंपज्जतमरणो वि जाव तग्गयावत्थो चिट्ठामि ताव य तमुद्देसं वणदवो विव पिंगलप्पभाभासुरो वाणरजूहसमेओ समागओ जूहाहिवई । तेणावि तयावत्थं में पलोविऊण णिसिद्धजहेण एगागिणा चेव तरियतरियं गिरिसिहराभिमहंगमणमणट्रियं । थेववेलाए चेव समागओ। आगंतण यचाविऊण दसणेहि मेलयं सबखीलयदाणेम निच्छदं । तयणंतरं चेव अचिन्तसत्तित्तणओ ओसहिप्पहावस्स णिग्गया सई चेव सव्वे विखीलया। बीएण य ओसहिखंडेण वणरोहणं कयं । अहं च तक्खणमेव निस्सल्लो ववगयवेयणो य जाओ। चिंतियं च मए-वच्चामि सभवणं, अहवा अपुण्णपइण्णस्स ण जुत्तमेयं । कया य महुरेहि फलेहिं पाणवित्ती । समासत्थो य चिंतिउमाढत्तो
लल्लक्कमुक्कबुक्कारपहरणिभिन्नसुहडसंघाए । मरणं पि रणम्मि वरं भडाण ण हु खलजणुप्फेसा ॥ ४४ ॥ असमाणियकज्जधुरो कहं णु पेच्छामि मित्तवयणाई ? । णियमज्जायमपत्तो कयाइ किं रविरहो वलइ ? ॥ ४५ ॥
एवं च चिंतयंतस्स थेववेलाए समागओ गहिउग्गकंटयदंडो सो चेव जूहाहिबई। पक्खित्तो य अग्गओ मह डंडो। गहिओ हत्थेण मए । तओ सो मं पलोएऊण गंतुमाढत्तो। लग्गो मग्गओ। आरूढो य सो विसममेगं गिरिसिहरं । तत्थटिएण य तेण महया सद्देण बुक्कारियं । समुच्छलिओ गिरिगुहाविवरभरिउव्वरंतो महंतो पडिरवो, संखुद्धो य समंतओ रण्णुद्देसो, संरद्धा मयारिणो, खुहिया गयजूहाहिवइणो, पणहाणि हरिणवंदागि, संघन्नियाणि वराहेहिं णियतहाणि,
१ सुपुरिसा जे। २ सरीरमत्तणपीड जे। ३ एणं आ सू । ४ मोक्खलो जे। ५ मूलिय सव्वस्वीलिय सू । ६ कीलया जे । ७ व्रणरोधनम् । ८ यदंगे चेव जूहवती। जे। ९ खुद्धा गय जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |