Page Text
________________
चउम्पन्नमहापुरिसचरिय मिच्छत्त-ऽणा(प्णा)णमोहियमइणो विरइपरम्मुहा मज्जाइपमायाऽऽसेविणो उक्कडजोगा महारंभा महापरिग्गइवत्तिणो पंचिंदियवहपरिणया मंसरसाइसेवणेकरया असुहलेस्सा परवसणाभिणंदिणो त्ति । अवि य
जं अणुहवंति दुक्खं तं सीसउ कह णु तुम्ह वायाए ? । तद्दुक्खमुक्खपिसुणो सद्दो चिय तारिसो णत्थि ॥१॥
तत्तो उव्वट्टिऊण चउरासीजोणिलक्खभेएमु तिरिएसु णाणाविहवेयणाहित्थहियया पैरायत्तपाणा अत्ताणा असरणा सी-उण्डवेयणाउरसरीरा छुहा-पिवासाकिलंतदेहा सकयकम्मवत्तिणो संसारकन्तारे अणुपरियट्टन्ति ति । अण्णे वि तिरिय-मणुय-देवा अट्टज्झाणोवगया कोह-माण-माया-लोभवहिणो णिस्सीला णिव्वया सुहपरिणामरहिया संसारसूयरा माया-विति-पुत्त-कलत्तणेहणियलिया तिरिएमु उववज्जति । जे पुण फ्ययीए भद्दया मंदकसाया धम्मरुचिणो दाणसीला ईसीसिमुहज्झवसाया ते मणुएसु उववज्जन्ति । जे उण धम्मज्झाणवसगा महादाणाइपसत्ता सीलव्बयाणुहाणपरायणा अप्पकसाया ते देवेसु उववज्जति । जे उण असेसकम्मक्खयकारिणो ते मोक्खगतिवत्तिणो हवंति त्ति । __ एवं च सुणिऊण के वि संसारजलधिपोयभूयं मोक्खतरुणो अमोहबीयं सम्मत्तरयणं पडिवण्णा, अण्णेहिं देसविरती, अण्णेहिं सव्वसंवररूवचारित्तमभुवगेयं ति । अण्णे उण गरुयकम्मभराऊरियसरीरा लहिऊण वि अकारणबंधवं तेलोकगुरुं सवण्णुनेयारं ण जाणन्ति परमत्थं, ण उम्मूलेंति मोहबल्लिं, ण दलंति मिच्छत्तपडलं ति । अवि य
सामण्णे चिय परिणतिवसेण जीवत्तणे अणादीए । आसंसारं बहिया केई भविय चिय ण होन्ति ॥२॥ भवियत्तणरासिगया "केई हयपावपरिणइवसेण । कालमणन्तं पि पुणो तसत्तणं णेय पावंति ॥३॥ तसभावे वटुंता वि केइ पंचिंदियत्तणमपत्ता। किमि-कीड-पयंगाईसु चेय केइत्थ अच्छन्ति ।। ४ ॥ जइ कह वि केइ परिणइवसेण पंचिंदियत्तणमणूणं । पावेंति पावभरगरुयपेल्लिया ण उण मणुयत्तं ॥५॥ मणुयत्तणं पि जायं दुक्कयकम्माण मेच्छजादीसु । आरियखेत्तविहूणाण ताण ताणाय ण हु होइ ॥६॥ आरियखेत्ते कुम्मो व केइ मणुयत्तणं जइ लहेजा। मणुयत्तं तं पि हु मुक्कपण्णपवणुधुयसमाणं ॥७॥ मणुयाउयं पि दीहं णासइ दारिद्ददुक्खतवियस्स । धम्मरहियस्स दुलहं णटुं रयणं पिव समुद्दे ॥ ८॥ कम्मभरपीडियाणं मणुयाणं धम्मपरिणती दुलहा । जइ होइ धम्मबुद्धी सुहगुरुजोगो ण. संपडइ ॥९॥ लद्धे गुरुम्मि पयडे णीसेसपयत्थभासणपतीवे। विरतिपरिणामरूवं विवेयरयणं ण उच्छलइ ॥१०॥ पयइविरसम्मि संसारसायरेऽन्तेल्लिसाररहियम्मि । कह कह वि दिव्बजोएण केइ जीवा जइ लहन्ति ॥११॥ इय लहिऊणे वि एवं सम्मं ण कुणंति जं जहाभणियं । सम्मत्तं "पि हु केई वमंति संसारणिम्महणं ॥१२॥
किं कुणउ कम्मवसगाण पाणिणं देसणा जिणाणं पि ?। अंघलयपयासो णेय होइ दिणयरसँएणं पि ॥ १३ ॥ इय एरिसम्मि संसारसायरे दूरमुज्झियविवेए । केसिंचि सउण्णाणं च गोयरे होइ तित्थयरो ॥१४॥ दछ्ण वि तित्थयरं वयणं आयण्णिऊण तस्स पुणो । काण वि ण होइ विमला तत्तेसु जहिट्ठिया बुद्धी ॥१५॥ इय बहुविचित्तरूवे संसारे संसरन्तपाणिगणे । धण्णाण कह वि जायइ दुलहा सम्मत्तपडिवत्ती ॥१६॥
इय एवं दुलहा सम्मत्तपडिवत्ती, लद्धा विसा पुणो परिवडइ । एवं भयवं देविंद-गरिंदवंदिओ बोहितो भवियकमलायरे, पयडेतो संसार-मोक्खपहे, दरिसेंतो विसमकम्मविवागं, साहेंतो जहट्ठियं धम्मं कोसंबीए णयरीए उत्तरदिसाए समवसरिओ। विरइयं देवेहिं समोसरणं । तम्मज्झम्मि असोयपायवस्स हेटओ उवविट्ठो सीहासणे तिलोयगुरू। सकीसाणकरुधुयचाम
पमायसे जे । २ जोगमहा सू । ३ णं चोरासी सू। ४ परपाणा सू । ५ वत्तिणो जे। ६ माया-पिति जे । ७ पयईए जे। ८ धम्मऽज्झवसाण जे । ९ गयन्ति सू । १० केई इह पाव जे । ११ चेव केइत्यइच्छंति सू । १२ जाईसू जे । १३ 'पईवे जे । १४ रेऽन्तिकसार जे । १५ ण य ए सू। १६ पि अ केई सू। १५ °सएणम्पि सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |