Page Text
________________
३ अजियसामिचरियं ।
५३
रजुयलो सदेव-मणुया-ऽसुराए परिसाए धम्मं कहेइ। ताव य समागयं बम्भणभज्ज-प्पइयं, तिपयाहिणीकाऊण उवविढं चलणंतिए । कहन्तरे पुच्छियं बम्भणेण-भगवं! कह णु एयं ?। भगवया भणियं-देवाणुप्पिया! सम्मत्तप्पभावो। बंभणेण भणियंकहं चिय ? । भगवया भणियं-सोम ! केत्तियं एवं ?, सम्मत्तप्पभावेणं उवसमन्ति वेराइं, पगस्सन्ति वाहिणो, विलिजंति असुहकम्माई, सिज्झइ समीहियं, बज्झइ देवाउयं, सण्णेझं कुणन्ति देवयाओ, सिझंति पाणिणो त्ति । तओ एयमायण्णिऊण भणियं बंभणेण-भयवं ! एवं एयं, ण अण्णह त्ति । भणिऊण बंभणो तुहिको ठिओ। एत्थंतरे य. सेसजणबोहणत्यं पुच्छिओ भयवं गणहारिणा-किमणेण पुच्छियं ?, किं वा भयवया साहियं ? ति । भयघया भणियं-सोम ! सुण,
अत्थि इहेव णाइदूरम्मि सालिग्गामो णाम अग्गाहारो। तत्थ दामोयरो णाम बम्भणो परिवसइ ।सोमा से भारिया। ताण पुत्तो मुद्धभट्टो। तेण य विवाहिया सिद्धभधृया सुलक्खणाऽभिहाणा । पत्ताणि जोवणं । भुंजंति अत्तणोणुरूवे भोए। कालंतरेण ताण उवरया जणणि-जणया। ताणं च वियलिओ पुव्वविहवसंचओ। अत्तणो य किलेसाऽसहुत्तणेण दुक्खेण भोयणं संपन्जइ त्ति । तओ एवमेयं सीयंतयं घरं पेच्छिऊण संजायवेरग्गो असाहिऊण घेरिणीए सहवासपरिभवमसहमाणो देसंतरं गओ बंभणो। जाणिओ य एस वुत्तन्तो सुलक्खणाए जणपरंपरेणं ।
पइगमणेणं अच्चंतसोयारियहियया वेरग्गमग्गोइण्णा निविण्णा संसारवासेणं जाव चिट्ठइ ताव य तप्पुण्णाणुहावेण विय साहुणिपरिवारिया वासारत्तगमणत्थं सुलक्षणाए घरे वसहिं मग्गिऊण विउला णाम गणिणी ठिया। सुलक्षणाए य अणवरयं धम्मदेसणासवणेणं ववगयं मिच्छत्तपडलं, उवगयं सम्मत्तं, पडिवण्णा जीवादिपयत्था जहिट्ठिया, गहिओ य संसारसायरुत्तारणसमत्थो जिणएसिओ धम्मो, जाओ कसायाण उवसमो, उप्पण्णं विसयवेरग्गं, णिविण्णा जम्म-मरणपरंपराए, अणुकंपापरा जीवाणं, परलोयणिच्छियमती जाय त्ति । अणवरयं साहुणिमुस्सूसापराए अइक्तो वासारत्तो गया य अणुव्वयाणि दाऊण गणिणी।
उवागओ विढत्तदविणजाओ तीए भत्तारो। कयं जहोचियं । पुच्छिया य-सुंदरि! कहं कहं मह विओए ठिया सि?। तीए भणियं-पिययम ! तुह विरहपीडियाए उवागया गणिणी, दिसणेण य ववगयं तुह विरहदुक्खं, उवलद्धं च जम्मफलं सम्मत्तलाहेण । तेण भणियं-सुंदरि! केरिसं सम्मत्तं ?। तीए वि साहिओ जिणदेसिओ धम्मो। पुण्णाणुहावेण उवगओ तस्स । पडिवण्णं सम्मत्तरयणं तेणावि। उववण्णो य कालक्कमेणं तेसिं पुत्तो । जाओ य लोयवाओ-अहो! साक्गाणि एयाणि, परिचत्तो कुलक्कमागओ धम्मो।
अण्णया य मुद्धभट्टो पुत्तं गहेऊण सिसिरे गओ पच्चूसे बंभणपरिसाउलं धम्मम्गिट्टियं । तो तेहि य संपहारिऊण समागओ भणिओ-सावगो तुम, ण तुह अम्ह सयासे अवगासो अस्थि । भणिऊण धम्मगिट्टियं वेढिऊण ठिया। उवहसिओ य सो "तेहिं ति। एत्थंतरम्मि मुद्धभट्टेण संजायाणुसएण विलक्खीभूएणं 'जइ ण जिणएसिओ धम्मो संसारसायरप्पहाणो, णेय अरहा तित्थयरो य सवण्णू, ण य सम्मत्त-णाण-चरणाई मोक्खमग्गो त्ति, ण य सम्मत्तं पुहवीए अत्थि त्ति, ता मह पुत्तो एत्थ डझउ' ति भणिऊण सो पुत्तो तीए चेव खाइरंगारभरियाए वेदियाए पक्खित्तो । तयणंतरं च "उद्धाइओ हाहारवसदगम्भिणो महंतो कलयलो 'हा! दड्ढो दड्ढो त्ति अणज्जेण अप्पणो पुत्तो' त्ति भणमाणा खुहिया बंभणाण परिसा। एत्यन्तरम्मि य अहासण्णिहियवाणमंतरदेवया[ए] सम्मत्ताऽणुहावाखित्तहिययाए कमलसंपुडे छोढूण अवणीयजलणप्पहावाए रक्खिओ ति । तीए विराहियसामण्णाए केवलिणा पुच्छिएण साहियं जहामुलहबोहिया तुमं, किंतु सम्मत्तुन्भावणाए उज्जुत्ताए होयव्वं । तओ सा सम्मत्तुल्भावणपरायणा मुणिऊण ओहिणाणेण इमं वइयरं तयासण्णे ठिया । रक्खिओ तीए एयाण पुत्तो, पयासिओ सम्मत्तप्पहावो। पेच्छिऊण एवं विम्हउप्फुल्ललोयणो उवसंतो समूहो । भणिओ बंभणीए भत्तारो-ण तए सोहणमणुचिट्ठियं, जओ जइ कह वि देवयाए असण्णिहाणेणं पुत्तो
१ भार्या पतिकम् । २ साहियन्ति जे । ३ तेण वि सू । ४ घरणीए सू । ५ वसई सू । ६ वरयधम्म जे । ७ रुतरण जे । ८ तद्देसणेण जे । णुभावओ उर्व जे । १० तेहिन्ति सू । ११ उट्ठाइओ सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |