Page Text
________________
[ ३ अजियसामिचरियं ]
अस्थि व जंबुद्दीवे दीवे भारहे वासे दाहिणमज्झिमे खंडे विणीया णाम णयरी । तत्थ य जियसत्तू णाम राया। विजया णाम भारिया । भुंजंति भोए । सरइ संसारी ।
इओ य उसहसामितित्थयररस अइकन्तस्स अकंता पण्णासं कोडिलक्खा सागरोवमाणं । तओ पुव्वऽज्जियपुण्णपन्भाराइसओ समासाइयतित्थयरणामकम्मो चइऊण मणुयदेहं, उवभुंजिऊण सिद्धिमुहसमागमणुत्तरोववाइयसुहं, विजए माणे अणुपाणि तेत्तीसं सागरोवमाई दीहमाउं, परहिएक्करओ ओहिष्णाणावगयपरमत्थो वैसाहसुद्धतेरसीए चित्ताणक्खत्ते विजयाए कुच्छिसि पुत्तत्ताए उबवण्णो । कयं च सुरिंदेग गब्भाहोणोचियं कज्जं । दिट्ठा विजयाए तीए चेव रयणीए चोदस महासुमिणा । कहिया जहाविहिं दइयस्स । आणंदिया य तेणं पुत्तजम्मेणं ति । तओ पडिपुण्णेसु णवसु मासे अमेसु राईदिएस माहस्स सुद्धट्टमीए रोहिणिणक्खत्तम्मि उवत्रष्णो भगवं । कओ देवेहिं मेरुसिहरम्मि जम्माभिसेओ । भगवम् समुप्पण्णे 'ण केणइ जिओ जणउ' त्ति कलिऊण अम्मा-पितीहिं अजिओ त्तिणामं कथं । वढिओ य सह कलाहिं । विवाहिओ य अणुरूवं कण्णयं । विइयपरमत्थो वि कम्मट्ठि अणुवत्तेन्तो भोगे भुंजिउमादत्तो ।
तओ अणुपालिऊण कुमारभावं, सिद्धिं गए जणयम्मि पालिऊण रज्जसिरिं पुव्र्व्वगाहिएहिं एगहत्तरिपुव्वलक्खेहिं गएहिं, सयंबुद्धो वि लोयंतियपडिबोहिओ 'दिण्णसंवच्छरियमहादाणो संसारमुहविरत्तहियओ सिद्धिबहुसंगमूसुओ माहस्स सुद्रणवमी मिसिरणक्खत्तम्मि पडिवण्णो सामाइयं सहसंबवणुज्जाणम्मि । अणुक्कमेण य जहुत्तविहारेणं बारस वरिसाई पच्चजापरियायं पाउणिऊणं महसेणवणुज्जाणम्मि सत्तच्छयतरुवरस्स हेट्ठओ पोसस्स सुद्धेक्कारसीए रोहिणिणक्खत्ते झाणंतरिया माणस्स अपुत्रकरण खवगसेढीपक्कमेणं उप्पण्णं केवलं णाणं । चलियासणागरण य महिंदेण कया केवलिमहिमा | विरइयं समोसरणं । परूवियाणि चत्तारि महव्वयाणि । पव्वारिया य भगवया पंचाणउई गणहरा । पत्थुया धम्मकहा, तं जहा
पंच गतीओ - णरयगती तिरियगती मणुयगती देवगती मोक्खगति त्ति । तत्थ णिरयगतीए सत्त पुढवीओ, तं जहारयणप्पभा सकरप्पभा वालुयप्पभा पंकप्पभा धूमप्पभा तमप्पहा महातमप्पहा । तत्थ रयणप्पभाए असीउत्तर [? जोयण ] लक्खबाहल्लाए अहोवरिं पत्तेयं मोत्तूण [? जोयण] सहस्सं भवणवासिभवणंतरिया णिरया हवन्ति । तत्थ य तेरस पत्थडा, णिरयाणं च तीसई लक्खा, उस्सेहो सत्त धणूणि तिष्णि रयणीओ छ चेव अंगुलाई ति, सागरोवमं ठिई । ateyare बत्तीसुत्तर ? जोयण ]लक्खबाहल्लाए एकारस पत्थडा, पणुवीसईं लक्खा णिरयाणं, उस्सेहो पण्णरस धणि अभागोय बारस य अंगुलाई, तिष्णि सागरोवमा ठिती । तइयपुढवीए अट्ठावीसुत्तर [ ? जोयण ] लक्खबाहल्लाए व पत्थडा, पण्णरस लक्खा णिरयाणं, उस्सेहो ऍक्कत्तीसं धणूणि धणुयचउभागाहियाणि, सत्त सागरीवमाई ठिती । चउत्थ-yate वीत्तर [? जोयण ] लक्खबाहल्लाए सत्त पत्थडा, दस लक्खा गिरयाणं, उस्सेहो बावद्विधणूणि धणुऽऽमहिया, दस सागरो माई ठिती । पंचमपुढवीए अट्ठारसुत्तर [? जोयण] लक्खबा हल्लाए पंच पत्थडा, तिष्णि लक्खा णिरयाणं, उस्सेहो पणुवीसुत्तरसयं धणूणं, सत्तरस सागरोवमाई ठिती । छपुढवीए सोलसुत्तर [? जोयण ]लक्खबाहल्लाए तिण्णि पत्थडा, पंचूर्ण लक्खं णिरयाणं, उस्सेहो अड्ढाइज्जाणि सयाणि धणूणं, बावीससागरोवमाई ठिती। सत्तमपुढवीए भट्ठुत्तर[? जोयण ] लक्खबाहल्लाए एगो पत्थडो, पंच णिरया, तं जहा - कालो महाकालो रउरवो महारउरवो अपइद्वाणो त्ति, उस्सेहो पंच धणुसयाणि, तेत्तीसं सागरोवमाई भवट्टिती । जं जीए भवधारणिज्जं सरीरं तं चेव दुगुणं उत्तरवेडव्वियं ति । तत्थ गच्छति पंचिंदियतिरिय मणुया महाकूरकम्मकारिणो रोद्दज्झवसाणा तिव्वयरसंकिलिट्ठपरिणामा अणताणुबंधिकसायट्टो
१ हाणोचियं करणिज्जं जे । २ दिहं संवच्छरियं महादाण जे सू । ३ च तीस जे ४ °माणि द्विती जे । ५ एकतीसं जे 1 ६ वत्तिणो जे ।
Jain Education International
For Private Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |