Page Text
________________
चउप्पन्नमहापुरिसचरियं । पसुसरिसो होइ णरो विसयमुहासापिसायसच्चविओ। मूढो अंधो व्व सया हियमहियं वा ण याणेति ॥ २०१॥ णायरइ धम्मचरणं, गिदइ गुरु-देवयं, भयं मुयइ । ण गणेइ णेह-गोरव-लज्ज, ण य विणय-मज्जायं ॥ २०२॥ जं परलोयविरुद्धं लोओ ववहरइ मुक्कमज्जाओ। तत्थ णिमित्तमणज्जा विसया विसभोयणसमाणा ।। २०३॥ विसयाण पसादो सो दृसियगुरुसीलसज्जणगुणाण । परिहरइ हियं, अहियं बहुमण्णइ जं जणो मूढो" ॥२०४॥ इय एवमादि भणिऊण सुवहुयं गिदिऊण खलविसए । णिब्भच्छिऊण भरहं बाहुबली कुणइ अप्पहियं ॥ २०५॥
तओ णियत्तविसढविसयाहिलासो उम्मिल्लसुहऽज्झवसाओ सयमेव पंचमुट्ठियं लोयं काऊण विहिणा कयसामाइओ 'संजायाइसयं णिययसहोयरपरिसमणइसओ कहं दच्छामि?' ति चिंतिऊण गहियमूणचओ तुलियपंचमहव्वयभारो तत्थेव पडिमं ठिओ बाहुबली । तओ संजायपच्छायावेणं गरुयसंवेगाखित्तहियएणं णियचरियलज्जिएणं पाएमु पडिऊण भरहाहिवेणं भणिउमाढत्तो
"मा मुयसु तं महायस ! मज्जायऽकमणलज्जियमणज्ज । चत्तं णियसयलसहोयरेहिं पावाधम पावं ॥२०६।। तइ णिग्गएण सुपुरिस ! णिक्कइयवणेहभावभरिएण । बंधुरहियस्स मज्झं रज्जमकज्जं व पडिहाइ ॥ २०७ ।। मज्झं ण एस दोसो अवराहो एस दोसमूलाए । सव्वाणायारघराए रायलच्छीए पावाए ॥२०८।। पंडिच्चं जाई पोरुसं च कुल-सील-गुणववत्थंभो । विहँडंति जीए संगेण दुक्कयं णवर संठाइ ।। २०९॥ ण सहेइ सीलसारं, बंधुं परिहरई, सुपुरिसं हणइ । गाणापयारवंचणसेंमुज्जया जा सया लोए ॥२१॥ ण गणेइ कयं ण गुणे दक्खिण्णं णावबुज्झइ कयाइ । ण य पोरुसंण विज्ज ण य लज्जं णेय मज्जायं ॥२११॥ जा असमंजसकरणुजया सया जा खलत्तणफला य । सा रायसिरी माणुण्णयाण कह सम्मया होई?" ॥२१२॥ इय णिदिऊण सुइरं रायसिरिं गरहिऊणमप्पाणं । भरहाहिवो सदुक्खं विणीयणयरिं अणुपविट्ठो ॥२१३॥
तओ अणुसोइऊण सुइरं, निदिऊणमप्पाणं, भाविऊण संसारसहावं, गरहिऊण रायलच्छि, संवेगभावणया परितणुइऊण सोगावेयं, मंतिवयणाणुरोहेणं भोए भुंजिउमाढत्तो। ___इओ य संवच्छरं जाव दुक्करं कायकिलेसमणुहवंतस्स बाहुबलिणो पीडियाहिं बंभि-सुंदरीहिं भणिओ कहावसरे तेलोक्कबंधू जगपियामहो भगवं उसभसामी जहा-भगवं! बहूणि दिवसाणि बाहुबलिणो दुक्करं तवचरणं चरन्तस्स, ण य से मोहंधयारखएणमावरणंतरायविहडणेणं केवलणाणं समुप्पजइ, ता साहेउ भगवं किमज्ज वि पुणमंतरायकारणं ? ति । भगवया भणियं-खीणबहुकम्मो बाहुबली, किंतु मोहणीयावयवोदए वट्टइ, ण य तस्सोदये वट्टमाणस्स केवलणाणमुप्पज्जइ, तस्स मोहणीयावयवमाणोदओ वट्टइ, सो य तुम्ह वयणाणंतरमेवोवसमं गच्छइ ति, ता सिग्यं वच्चह बाहुबलिसमीवं । तओ ताओ भगवयाएसेणं गयाओ बाहुबलिसमीवं । भणिओ य ताहिं बाहुबली-भयवं ! वी(वि)इयसंसारसहावस्स समतण-मणि-लेट्छु-कंचणस्स चत्तसयलसंगस्स ण जुत्तं गयवरारोहणं ति, ता सयमेव वियप्पिऊण हत्थीओ ओयरह तुब्भे । त्ति भणिए बम्भि-सुंदरीहिं बाहुबलिणा चिंतियं-कत्तो मे वल्लिलयावियाणावणद्धदेहस्स उभयपामुट्टियुब्भडवम्मियस्स गयारोहणं ? ति, ण य इमीओ भगवयो समीवाओ समागयाओ अण्णहा जंपंति, ता किमेत्य भविस्सइ ? । त्ति चिंतयंतेण सहसम्मुइयाए वियाणियं "माणहत्थी णाम जत्थाहमारूढो। "सो य धम्म-ऽस्थ-काम-विणयाण विग्घहेऊ । कोहुब्भवो वि माणमूलो। माणमहागहगहियस्स पुरिसस्स न विणओ, ण गुरुजणाणुवत्तणं, ण विज्जागमो, ण परमत्थालोयणं, ण संसार-मोक्खचिन्ता, ण परमत्थदंसणं ति । अवि य
लायणं रूवं जोवणं च महिलागुणा य सोहग्गं । माणसिणीण माणेण णिययमंगे विलिज्जन्ति ॥२१४॥ माणमहागहगहिओ अवमण्णियलेसपुरिससोडीरो । मरइ रणम्मि परत्यं निरत्ययं कुणइ मणुयत्तं ॥२१५॥ माणमयमोहियमई तं तं चिय कुणइ जेण बहुवियणे । पुरिसद्देसिवसेणं णिरणुसओ घंघले पडइ ॥२१६॥
१°ण एस दोसो दूजे। २ माढतं जे। ३ वियडंति सू। ४ 'इ, पोरस ह जे। ५ समुज्जया सू । ६ गुज्जया सू। ७ होउ जे। ८ अणुवविट्ठो सू । ९ सम्मइयाए जे। १० सो धम्म सू ।।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |