Page Text
________________
चउप्पन्नमहापुरिसचरिय आगंतूण य ते भगवन्तं महुरवग्गृहि थुणिउमाढत्ता-"जय रायाहिराय-तियसिंदमउलिमणिमसिणपायपीढ ! तियसंगणावयंसमंजरीस्यरंजियचलणजुगल ! चिरणभरहवासमोक्खपहुब्भासणसयण्ह ! पढमवरधम्मचक्कपट्टि ! परमेसर ! सिद्धिबहुवरंगणाजणियाणुराय! भयवं! जगपियामह ! कयसयलजयववत्थ ! सब्भावपाक्यितियसिंदरजाहिसेय ! पयासियाऽसेसाऽऽयार-कुलधम्म ! संपइ कुणसु भरहवासदुहियजणऽब्भुद्धरणं । गया य वीसं पुचलक्खा कुमारवासे, रज्जम्मि य तेवट्ठी। 'दुग्गइगमणहेयवो तुच्छा य इमे कामभोगा' एवं च जाणंतस्स भगवओ खणमवि ण खमं पमायचरणं । ता लेहुं चेव संसारसायरुत्तरणजाणवत्तं तित्थं पवत्तेहि " । एवं थुणिऊणं गया सत्थामं लोगन्तिया।
तो एयमायण्णिऊणं अहिययरजायसंवेगो णंदणवणाओ भवणमधिगतो। तत्थत्थेण य आहूया महारायाणो, को भरहस्स रायाहिसेओ, दत्ताणि य पत्तेयं पत्तेयं बाहुबलिपमुहाणं पुत्ताणं विसयखंडाणि। दिण्णं च संवच्छरियं महादाणं ।
समागओ सपरिवारो तियसाहिवती। कओ मुणिपत्थिवाहिसेओ। सन्जिय सिबियारयणं, आरूढो भुवणगुरू। उक्खित्ता सिबिया पुचि मणुएहि, पच्छा तियसा-ऽसुरिंदेहिं । समाहयाई विविहमंगलतूराई, को जयजयारवो तियसाऽसुर-मणुयवंद्रेहि, समुधुओ चेलुक्खेवाउलो चमरसंघाओ। पत्तो महया सम्मद्देणं सिद्धत्थवणं, ओइण्णो य भुवणणाहो। जयजयरवुक्कुटिगम्भिणो हलबहलगुंदलुद्दामुच्छलियभरियणहन्तरालमहिहरकुहरो खिप्पामेव तियसिंदपडिहाराएसेणं कलयलो उवसंतो। तओ भयवं चेत्तबहुलहमीए परिणयप्पाये वासरे उत्तरासाढाजोगजुत्ते मियंके अवणियकुसुमाभरणो 'णिहियतियसिन्ददेवदूसो कयवजसण्णिहाणपंचमुट्ठिलोओ सकधरियसण्हकिण्हकुडिलग्गकेससेसो सदेव-मणुया-ऽसुररिसमज्झयारम्मि छट्ठभत्तेणं 'सव्वं मे अकरणिज्जं पावं' ति चरित्तमारूढो । तओ पच्छा चत्तारि सहस्सा खत्तियाणं गरुयबहुपसायाऽऽवज्जियहियया णिसिज्झमाणा वि भरहेणं, पंडिकूलिज्जता वि बंधुयणेणं, चइऊण रायसिरिं, उज्झिऊण पुत्तकलत्ताइयं, छिदिऊण य णेहपासे तेलोकगुरुप्पमाणओ 'जा गती भगवओ सा अम्हाणं पि' एवं पइण्णामंदरमारूढा । गओ य विम्हयावृरियहियओ णिक्खमणमहिमं काऊण सोहम्माहिवई।
तो भयवं चउसहस्सपरिवारिओ विउलं महिमंडलं विहरिउमाढत्तो। विहरतो य आहारट्ठी अविण्णायभिक्खा-भिक्खयरसरूवेणं लोएणं कण्णा-गय-तुरगादिएहिं णिमंतिज्जमाणो गहियमूणचओ लिंगम्गहणकालमासाइयमणपज्जवणाणो चउणाणी णगर-पट्टणाइयं विहरंतो अदीणमाणसो परिचत्तो छुहावेयणापरिगएहिं आसाइयकंद-मूल-फलाइएहिं भरहभयगहियरण्णणिवासेहिं पवत्तियपढमतावसलिंगेहिं चउहि वि समणसहस्सेहि ।
तओ भयवं णमि-विणमीहिं कच्छ-महाकच्छपुत्तेहिं अणासाइयसामिपसायपुहइसंविभागेहिं गहियमंडलग्गेहिं सेविउमाढत्तो । अण्णया य धरणिंदो वंदणागओ संजमियजडाकडप्पे गहियफरमंडलग्गे कयवकलोदरुए दट्टणं पुच्छइ-भो किंनिमित्तं भगवन्तं हिस्संगमोलग्गह ? । तेहिं भणियं-भोगत्थिणी । नागिंदेण भणियं-कुओ भगवओ चत्तविसयसुहाओ संपर्य विसयाहिलासो ? । तेहिं भणियं-तहा वि अम्हेहिं ण अण्णो कोइ दिद्वपुलो, एयसयासाओ चेव जं होउ तं होउ।त्ति भणिऊण तुहिक्का ठिया । एयमायणिऊण धरणिंदेण चिंतियं-भयवं ताव वायामेत्तेणापि अकयपरोक्यारो, अमोहा य महापुरिससेवा, विहत्तं सयलं भरहऽद्धं, तो देमि एएसिं पण्णत्तिपमुहाणं महाविजाणं अडयालीसं सहस्सं, कुणंतु एए महाविज्जाबलेणं वेयड्ढस्स पणुवीसइजोयणुच्चस्स पण्णासं वित्थिण्णस्स दसजोयणक्क्खिंभासु दाहिणुत्तरसेढीसु णगरणिवेसं काऊणं विज्जाहरचकवहित्तणं । चिंतिऊण य एयं चे भणिया णमि-विणमी। तेहि य पुणरुत्तं भण्णमाणेहि गमिऊण भगवन्तं गहियाओ विज्जाओ। गओ णिययं च थामं धरणिंदो। ते वि य विज्जाहिं लोभिय गहियजणवया गया वेयड्ढपव्ययवरं । निवेसियाइं च णमिणो णा] दक्खिणसेढीए पण्णासं नगराई, विणमिणा वि उत्तरसेढीए सर्टि। गया य विजाबलेणं विज्जाहरचक्कचट्टित्तणेणं पसिद्धिं । भुंजंति भोए।
१ एयं च जाणेतस्स जे । २ लहुयं चव जे। ३ बुकिछि जे । ४ सण्णिहाणं सु। ५ परिसाम जे । ६ पसिक्खलिजे। ७ मि सू। 'लोरिए जे। चेय जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |