Page Text
________________
१ रिसहसामि-२ भरहचकवट्टिचरियं । कोडिसहस्सं दसकोडिसहस्संकोडिलक्खं दसकोडिलक्खं । अओ उड्ढे पुव्वंगादीहिं संखा कीरइ । तत्थ चउरासीहि लक्खेहि पुच्वंगं । तं चेव वेग्गियं एकं पुव्वं । तस्स उ परिमाणं सत्तरि कोडिलक्खा छप्पण्णं च सहस्सा कोडीणं। तं चेव चउरासीहिं लक्खेहि गुणियं तुडियंगं भवइ । तस्स इमं परिमाणं-पण्णरस सुण्णा, तओ चउरो, मुग्णं, सत्त, दो, णव, पंच य ठवेज्जा। एवं चउरासीसयसहस्सगुणिया सव्वहाणा कायन्या, तओ तुडियायओ भवंति । तेसिं इमं जहासंखं परिमाणंतुडिए वीसं सुष्णा, तओ छ तिण्णि एको सत्त अट्ट सत्त नव चउरो य ठवेज्जा । एवं पत्तेयं पत्तेयं चउरासीहि लक्खेहि गुणियाणमुत्तरोत्तराणं इमाणि संखाभिहाणाणि दहव्वाणि, तं जहा-अडडंगे अडडे अववंगे अबवे हुहुयंगे हुहुये उप्पलङ्गे उप्पले पउमंगे पउमे णलिणंगे णलिणे अत्थणिउरंगे अत्थणिउरे अउअंगे अउए नउअंगे नउए पउयंगे पउये चूलियंगे चूलिया सीसपहेलियंगे सीसपहेलिया। एवं चउण[3]यं संपयं ठाणसयं संववहारविसयं ति । ___ एवं कएमु सिप्पेसु, उप्पाइयासु य कलासु, पयडिए पुरिसाइलक्खणविहाणे, उवइढे गणिए, पयडिए लोयववहारे पढमरजावसरे एगा मणुस्सजाई दुहा विहत्ता भगवया, तं जहा-जे भयवंतं परिवारेऊण ठिया ते खत्तिया रायाणो, सेसा उण पयतिलोओ। सिप्पुप्पत्तीय तिहा जाया, तं जहा- खत्तिया,कलाजीविणो य वइसा, सेसा सुद्दा । पुणो पच्छा गुणाहियसावय-भरहवइयरेणं माहणुप्पत्तीए चउहा वण्णविभागो संवुत्तो । पुणो एएसिं चेव संजोएणं तिणि वण्णा, तं जहा-माहजेणं खत्तियाणीए पहाणखत्तिओ, एवं खत्तिएणं वइसीए पहाणवइसो, वइसेणं सुद्दीए पहाणसुद्दो । तहा माहणेणं वइसीए संबंधो(? अंबट्टो)। खत्तिएणं सुदीए उग्गो । पुणो माहणेणं सुद्दीए णिसाओ । पुणो वि पच्छाणुपुव्वीए सुद्देणं वइसीए अभव( ? अयोगवं)। वइसेण खत्तियाणीए मागहो । खत्तिएणं माहणीए (सू)ओ। तहा सुदेणं खत्तियाणीए खत्ता। वइसेणं माहणीए वइदेहो । सुदेणं माहणीए चंडालो। उग्गेणं खत्ताए सोवागो। वइदेहेणं खत्ताए वइणवो। अंबट्टीए मुद्दीए वा णिसाएण जाओ बौकसो । निसायु(यी)ए मुद्देण जाओ कक्कडओ। एवं वण्णविभागो पुचि, पच्छा बहुभेदो जाओ। __ एवं च पयट्टे गिहिधम्मे, पत्ते य कुलायारे, पजत्तसंपज्जंतेमु य कामभोगेसु, मुहिए लोए, संसरंते संसारे, परिफुडं लक्खिजंतेसु सव्वेसु उसु, अण्णया भयवं पुत्तपरिवारिओ सयलजणसमेओ सहयारमंजरीरेणुरंजियसयलदिसिमंडले विसट्टकमलायरुच्छलियधूलिपडलपिंजरियणहयले महुमासे कीलानिमित्तमुजाणं गओ। पवत्ता य भरहाइणो सयलकुमारा विचित्तकीलाहिं कीलिउं । किं दोगुंदुगदेवा वि एवं चेव कीलिउं उयाहु अण्णह ? त्ति जाणणत्थं भयवया पउत्तो ओही। परिच्छिदंतेण य ओहिणा उत्तरोत्तरं देवमुहं अवलोइयं अत्तणा उवभुत्तं अणुत्तरविमाणसुहं । तओ वियलियगुरुमोहबंधणो चिंतिउमाढत्तो-“अहो ! कर्ट अण्णाणं, गरुओ मोहप्पसरो, दारुणो कम्मविवागो, विसमा विसयेच्छा, चंचलाणि इंदियाणि, दुन्निवारो चित्तप्पसरो, सव्वंकसो कामो, अपासबंधो णेहाणुबंधो, सव्वहा असारो संसारो, एत्य गया संसारिणो जीवा ण मुणन्ति अत्तणो हियं, ण पेच्छन्ति दारुणं कम्मविवागं विसयमुहलेसाणुगयचित्ता, 'णत्थि इओ अण्णं विसिट्टयर' ति मण्णमाणा दुक्खपडियारेसु चेव कयसुहज्झवसाया इंदियाणुकूलेसु वावारेसु पयट्टति । तेसिं च अण्णोष्णमोहियमतीणं सुहाहिलासीणं दुक्खपरिहरणसीलेणं सव्वा चेट्टा दुक्खेकहेउत्तणेणं परिणमति। अण्णं च अहो ! पहावो संसारविलसियाणं, जेण अहं पि अणुहूयाणुत्तरविमाणमुहो अवियण्हो तुच्छेसु मणुयकामभोगेसु दुक्खपडियारहेउभूएसु तेत्तीसुहं वंछामि । अजायचउसायरसलिलतण्डाछेयस्स पुरिसस्स सिण्हतुसारसलिलेण तण्होवसमो भविस्सति ? ति किं केण संगयं ?, सव्वहा संसारविलसियमेत्थावरज्झति । पणट्ठविवेया संसारिणो" ति । जाव य भगवं संसारपरम्मुहो वियलन्तकम्मरासी संजायमोहविवरो विपञ्चमाणतित्थयरणामकम्मोदओ एवं चिंतेइ ताव य चलियासणाऽऽगया अट्ट(नवाविहा लोगंतिया, तं जहा
सारस्सय १ माइचा २ वही ३ वरुणा ४ य गद्दतोया ५ य।
तुसिया ६ अव्वाबाहा ७ अम्गिचा ८ चेव रिट्ठा ९ य ॥१२४॥ १ मग्गियं जे । २ खत्तिया[णी]ए सों जे । ३ बुकसो । निसाउ(ई)ए जे । ४ लेसागय जे, लेसाणुराय सू । ५ यरन्ति सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |