Page Text
________________
३८
चउप्पन्नमहापुरिसचरियं । ___ तओ सकाएसेणं आगंतूण धणाहिवइणा वेसमणेण बारहजोयणायामा णवजोयणविस्थिण्णा 'एस्थ विणीया पुरिस' ति काऊण कयविणीयाभिहाणा सुविभत्ततिय-चउक्क चच्चरा सत्तलपासायमालालंकिया इंदणील-पउमरायाइमणिमयभित्तिप्पभापहयंधयारा मणि-कंचण-धण-कणगसमिद्धा णयरी णिविट्ठा ।
एत्यंतरे य देवीए सुमंगलाए सबढविमाणाओ बाहु(हू) पीढो य चविऊण कुच्छिसि मिहुणतणेणं सेमुववण्णा। पसूया य सुमंगला णवण्हं मासाणं अट्ठमाणं राइंदियाणं । जायं मिहुणगं । पइहावियं च णामं एकस्स भरहो, बीयाए बम्भी। सुणंदाए य देवीए सुबाहु(इ) महापीढो य चविऊण सव्वदृविमाणाओ मिहुँणत्तणेण समुववण्णा । पइट्टावियं च णाम एकस्स बाहुबली, बीयाए सुंदरी । पुणो वि देवी सुमंगला एगणवणं पुरिसजुयाणि सुहंमुहेण पसूया।
__ अण्णया य वरगइंदारूढो भगवं विष्णविओ मिहुणपुरिसेहिं जहा-भगवं ! अब्भुवगयवच्छल ! उवरग्गिणा ण सम्म परिपागमुवेइ कप्पतरुकप्पिओ आहारो । तओ भणियं भगवया जहा-तिम्मिऊण हत्थपुड-कक्खाइसेएण पागं णेऊण कुणह उवओगं । तहा अजीरन्ते पुणरवि विष्णवियं जहा-देव ! किंपि महाभूयं रुक्खघंससमुभूयं रुक्खविणासणकारणं जायं । तओ भगवया तमायण्णिऊण भणियं जहा-एस अग्गी सणिद्धकालाइक्कमणपडिबोहिओ पडिरुक्खकालत्तणजायस(सा)मत्थो तुम्हमाहारपरिवागहेऊ समवट्रिओ, ता पासाणि छिदिऊण गेण्डह एयं. कुणह जुत्तीए एयस्स संगह। गयखंधसमारूढेण भगवया महियं मग्गिऊण करिवरकंभत्थलाहारे णिम्मविओ मट्टियामओ कुंभो, भणिया य मिहणगा जहा-एवमादीणि णिम्मविऊण पुढविपरिणाममयाणि कप्पतरुफलसाहणाणि एएसु य उदयसमणियपक्खित्तफलाइणो जुत्तीए पएऊण अग्गिणा कुणह जहासुहेणमुवओगं । तओ य ते मिहुणगा लधुवएसा तहेव करिउमाढत्ता, जाओ य तेर्सि सुहपरिवागत्तणेणं आहारस्स अञ्चन्तपरिओसो।।
एवं च अवस्संभावितणओ तस्स भावस्स रविणेव कमलवियासो, महुमासेण व सहयाराइकुसुमुग्गमो, 'कप्पो' त्ति काऊण उप्पाइयाई सयभेयाइं पंच सिप्पाइं, तं जहा-कुंभयारो चित्तयरो लोहारो तंतुवाओ कासवओ। एयाणि य सिप्पाणि सयभेयाणि पसिद्धिं गयाणि । गहिया य आसा हत्थी गावो रज्जसंगहणिमित्तं । जाया य चउप्पयारा रायाणो, तं जहाउग्गा भोगा राइण्ण(णा) खत्तिया य । दसिया य लोगणीती। पेयट्टाविया य जहाजोग्ग दंडणीईओ। लाइयाओ पट्ट-गेयाइयाओ वाहत्तरिकलाओ भगवया भरहस्स । तेण वि य चउविहबुद्धिगुणोववेएणं भाणिऊण य णिययपुत्ताण य पउत्ताओ। सिक्खविओ य बाहुबली उसभसामिणा गय-तुरय-पुरिसाइलक्खणं ।
तं च कला-लक्षणाइयं बहुहा विभज्जन्तं परिगलियसेसं संपइ केणावि "किंपि निबद्धं, तं जहा-गडं भरहेणं, पुरिसलक्खणं समुदेणं, गंधव्वं चित्तरहेणं, चित्तयम्मं णग्गइणा, आउवेओ धण्णन्तरिणा, आसलक्षणं सालिभद्देणं, जूयं विहाणेणं, हथिलक्खणं धुब्बुहेणं, णिउद्धं अंगिरसेणं, इंदजालं सवरेणं, इत्थिलक्खणं कच्चायणेणं, सउणजाणं सेणावइणा, सुमिणलक्खणं गइंदेणं, सूयारसत्थं णलेणं, पत्तच्छेजं विज्जाहरेहिं । इच्चेवमाइएहिं अण्णेहि य संपयपुरिसाण सगासमाणीयं कला-पुरिसलक्खणाइ सेसं । अवि य
सा णस्थि कला तं णत्थि लक्खणं जं न दीसइ फुडत्यं । पालित्तयाइविरइयतरंगमझ्यासुय(इयाइस) कहासु ॥ १२३ ॥
पुणो भगवया बंभीए दरिसिया अक्खरलिवी । तीए लिवीए 'पढमं बंभीए दरिसिय' त्ति काऊण बंभी चेव नाम जायं । तओ पच्छा बम्भिप्पभिईओ अट्ठारस लिपीओ जायाओ, तं जहा-बंभी हंसी उडी दोमिली जक्खी खसाणिया आयरिसी भूयलिवी गंधव्वी गंदीणयरा सणामत्ता परकम्मी बब्बरी खरोट्ठी खैडवियडा जवणी पोक्खरी लोयपयास ती(त्ति)।
वामेण य हत्येणं जगपियामहेणं सुंदरीए गणियमुवइटें । तं च संपयं चउणउयट्ठाणसयणिफण्णं सीसपहेलियापज्जवसाणं संववहाराणुगयं, तं जहा-अक्खं दहं सयं सहस्संदेहसहस्सं लक्खं दसलक्खं कोडी दसकोडीओ कोडिसयं दसकोडिसयं
१ समुप्पन्ना जे । २ अट्ठण्हं राई जे। ३ मिहुणत्तेण सू। ४ च से णामं जे। ५ °लाणि सुहेण सुहं पसूया जे सू । ६ आहारगस्स सू । ७ सहमेयाई पंच सिप्पियाई जे । ८ व सु! ९ पयट्टाविया जे। १. डंडजे। ११ किचि निजे। १२ गंदीयरा जे! १३ सदविडा ! १४ दससह जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |