Page Text
________________
१ रिसहसामि- २ भरहचक्कवट्टिचरिय ।
४१ इओ य भयवं संपुग्णमियंकवयणो लायण्णजलप्पवाहपूरियमहियलद्धन्तो संवत्स(च्छ)रमणसिओ गओ विहरमाणो गयउरं । पविट्ठो य आहारट्ठी सेज्जंसस्स भवणं । दिट्ठो य सेज्जंसेण । तओ तइंसणसमणंतरमेव ईहापूहं कुणमाणस्स समुप्पण्णं जाइस्सरणं । सुमरियाणि णिण्णामियापमुहाणि भगवया सह गयाणि अट्ठ भवन्तराणि । उबलद्धो य उसहसामी(मि)पुचभवजीवस्स वइरणाभस्स चक्कट्टिणो सारहित्तणेणं अप्पा, तो वियाणिओ तेण सह पव्वजापरियाओ, उवगओ [य] फासुयभिक्खादाणविही । ताव य तप्पुण्णाणुहावेणं उवगया य गहियइक्खुरसभरियकलसा केई कुडुम्बियपुरिसा । तो हरिसभरिज्जन्तलोयणेण णिरंतरुभिण्णरोमंचकंचुइल्लेणं पवड्ढमाणपरिणामकंटएणं कयत्थमप्पाणं मण्णमाणेणं उक्खित्तो भवपंजराओ अप्पणो व्य इक्खुरसकलसो, भणिओ य भयवं-मुज्झति एस आहारो भगवओ, ता गेण्हह एयं, कुणह पारणगविहीए मज्झमणुग्गैहं ति । एवं भणिए भगवया को अंजली । पल्हत्थिओ णिययजसनिवहो ब्व भुवणयले रसकलसो निच्छिद्दे करयलजुयले । जाव य को भगवया पारणगविही ताव य णहयले किंकरकरतालणाणवेक्खाओ वज्जियाओ देवदुंदुहीओ, मुकं कुसुमवरिसं, पडिया रयणवुट्ठी, कओ जयजयारवो मुरा-ऽसुरगणेहि, पसंसिओ सेज्जंसणरवई । अवि य
भवणं धणेण, भुवणं जसेण, भयवं रसेण पडहत्थो । अप्पा निरुवमसोक्खे, सुपत्तदाणं महग्यवियं ॥ १२५॥ बद्धो 'तेणेव बली हरिणा जग्णम्मि पुहइदाणेणं । सेज्जंसो उण सिद्धो सुपत्तरसदाणमेत्तेण ॥१२६॥ कयं च भगवओ पारणगुदेसे चाउरतयं । पेयट्टाविओ दाणधम्मो। तहेव लोओ चाउरंताइयं करिउमाढत्तो।
भुवणणाहो वि बाहुबलिरायहाणीए तक्खसिलावाहिरियाए एकराइयं पडिमं ठिओ। निवेइयं रयणीए चेव बाहुबलिणो तण्णिओइयपुरिसेहिं भगवओ आगमणं । बाहुबलिणा वि मंतियं-कल्लं सब्बिड्ढीए तेलोक्कपियामहं भुवणगुरु वंदामि त्ति । एवं चिंतयंतस्स पभाया रयणी । कयमुचियकरणिज्ज । महया रिद्धीए वंदणत्थं णिग्गओ। ताव य भुवणगुरू अपडिबद्धत्तणओ अण्णस्थ गओ । भगवंतं अण्णस्थगयं जाणिऊण बाहुबलिणा अप्पाणं णिदिऊण भुवणगुरुचलणकंतपएसे सव्वरयणमयं सहस्सारं धम्मचकं कयं ।
सामी वि बहली अडम्बइल्लं जोणेगविसयं सुवण्णभूमि चै अण्णे य णाणाविहमेच्छजाइदेसे धम्मसुइविवज्जिए गहियविविहाभिग्गहो णाणाविहतवचरणरओ वरिससहस्सं विहरमाणो संपत्तो पुरिमतालस्स णगरस्स पुव्वुत्तरे दिसौभागे, सगडमुहाभिहाणे उज्जाणे णग्गोहवरपायवच्छायाए अट्ठमेणं भत्तेणं पडिमं ठिओ। तत्थ य ज्झाणंतरियाए वट्टमाणमाण[स]स्स पवड्ढमाणसुहऽज्झवसाणस्स अपुन्यकरणकमेणं आरुहिऊण खवगसेढिं खैवियघणघाइकम्मचउक्कस्स उप्पण्णं दिव्वं केवलणाणं । उप्पण्णे य अणंते णाणे चलियासणागएणं सोहम्मवइणा कया केवलमहिमा । विरइयं समोसरणं । उवविठ्ठो भुवणगुरू । पत्थुया धम्मकहा। परूवियाणि पंच महव्वयाणि । पव्वाविया य चउरासीइं गणहरा।
इओ य "णिवेइया भरहस्स चारपुरिसेहिं भगवओ केवलणाणुप्पत्ती। तयणंतरमेव आउहसालावालेणं आउहसालाए णिवेइयं समुप्पण्णं चक्करयणं । तओ भरहो चिंतिउमाढत्तो-कस्स पुण पुव्वयरं महिमा कायव्व ? त्ति । एवं चिंतिऊण सयमेव विलिओ-अहो ! दूरेण विप्पलम्भिओ संसारसहावेणं, जओ कहिं ताओ भुवणगुरू सयलजगऽन्मुद्धरणसमत्थो ?, कहिं चकं अणेगजीवविद्दवणसहावं इहलोयमेत्तपडिबद्धं ?, ता पूएमि तायं, तम्मि पूइए सयलं चक्काइयं पूइयं चेव । एवं चिंतिऊमन्भुटिओ केवलमहिमाकरणणिमित्तं । दिण्णा य आणत्ती महापडिहाराणं । सन्जीकयं जाण-वाहणादियं । विष्णत्ता मैंरुदेवासामिणी इमं-"भयवइ ! तुमं सब्बकालमुवलंभपरायणा महि(ह)मासि जह-'किल मह पुत्तो वासारत्ते आसारधाराजलपव्वालिओ, सिसिरे य हिमकणुच्छित्तसिसिरमारुयाहयवेविरसरीरो, गिम्भँयाले य चंडदिवसयरकरकरालियविग्गहो सयाकालदुक्खमणुहवइ ।' ता आगच्छउ सामिणी, पेच्छउ अत्तणो पुत्तस्स महं च रिद्धिविसेसं"। एवं भणिऊण आरोविया गयवरखंधोवरिं। उच्चलिओ महाचडयरेणं बंधुयणपरियरिओ भरहाहिवो आसण्णत्तणओ य विणीय
१ जाईसरणं जे । २ अप्पाणो । वि सू । ३ णकंट जे । ५-६ पारणवि सू । ५ 'ग्गहन्ति सू। ७ णाणुवे जे । ८ तेणेय जे । ९ पारणमुद्देसे जे । १० पयहाविओ जे । ११ यवनविषयम् । १२ 'च' इति सूपुस्तके न । १३ दिसालोए सजे । १४ खविऊण घण जे सू । १५ णिवेइयं सू । १६ ण अन्भुजे। १७ मरुदेवी जे । १८ गिम्हयाले जे । १९ णो सुयस्स मुहं च रिजे । २० उच्चरिओ सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |