Page Text
________________
चउप्पन्नमहापुरिसचरिया
अणिमिसणयणसहस्सेहिं जिण ! णियन्तस्स तह वि ण हु तित्ती ।
किं एस गुणो तुह णाह ! 'किं व णयणाण मह दोसो? ॥१११॥ तुह णाह ! दंसणुच्छलियबहलरोमंचकंचुइल्लाइं। हरिसमुयाइं मायंति णेय अंगेसु अंगाई ॥११२ ॥ ज्झत्ति वियलंतगुरुकम्ममारपसरन्तसुहविवेयाण । तुह दंसणं सुराहिवणिबंधणं किंपि भवियाणं ॥ ११३॥ 'णामं पि तुह ण जाणन्ति णाह ! संसारसायरुत्तरणं । बहवे मह उग जिण ! दंसणं पि जायं असामण्णं ॥ ११४ ॥ णिबवइ तुह महायस! कहा वि आसंघिओरुसोक्खाई। हिययाई सइ सुरच्चिय ! दंसणमतुलं ति कह भणिमो?॥११५॥ तइ दिढे ज्झत्ति समूससन्ति वियलन्तपावपसराण । भवियाण भवभउप्पित्थहित्यहिययाई अंगाई ॥११६॥ इय वज्जियबालसहावचरिय ! बालो वि मुणियपरमत्थो । अब्भुद्धरणं भुवणस्स णाह ! दे कुणसु करुणाए ॥ ११७॥ तओ थुणिऊण तियसणाहो 'णेमि अत्तणो विउव्वणलॅद्धिं सफलत्तणं' ति मुणिऊण पंचहा अप्पाणं विउव्वेइ । अवि यगहियजिणचामरा-छ(?ऽऽव)त्त-वजकयपंचदेहणिम्माणो । वच्चइ य सुराहिबई जिणरूवणिरूवणक्खणिओ ॥११८॥
तओ पहयर्पटुपडह-भेरि-ज्झल्लरि-भद्दलुद्दामकंसालमाला-संख-कलकाहलारावबहलगुंदलुद्दामपूरियणहन्तरालसंवदृपयट्टदेवकयकलयलचेलुक्खेवभरिय वणो पयट्टो चउव्विहदेवणिवहो अहिसेयणिमित्तं मंदराभिमुहं, बच्चइ य जिणरूवालोयणस्थसम्मदुद्दामवलियतिय सियाच्छिच्छोहो कहकहवि सञ्चवियसरीरावयवविम्हयुप्फुल्ललोयणो तित्थयरचरियसंबद्धकहालावुच्छलियवहलहलबोलो । पत्तो य णिविसऽद्धद्धेणेव सुरगिरिं।
दिहो य गंधमायण-विज्जुप्पभ-मालवंत-सोमणसचउपव्ययगयदन्तयपरियरिओ गाणाविहरयणरासिविच्छरिओ मेरुगिरी । सो य मूले दससहस्सवित्थिण्णो, अहो य जोयणसहस्समवगाढो, णवणवइजोयणसहसु(स्सु)स्सिओ, भूमीए भद्दसालवणपरियरिओ, उवरिं च पंचसु जोयणसएमु गंदणवणसंजुओ, गंदणवणाओ उवरि बासद्विसहस्सेहिं पंचसयाहिएहिं सोमणसाभिहाणवणालंकरिओ, सोमणसाओ छत्तीससहस्सोवलग्गिऊण जोयणसहस्सवित्थिण्णसिहरे पंडगवणमंडिओ। पंडगवणस्स य म(ब)हुमज्झदेसभाए चत्तालीसजोय"सिया, मूले बारसजोयणवित्थिण्णा, उवरि चउजोयणवित्थरा चूलिया । सा य चउसु वि दिसासु पंचसयायामाहिं आयामद्धवित्थिण्णाहिं चंदसंठाणसंठियाहिं कुमुओयरधवलाहिं पंडुकंषल-अइपंडुकम्बल-रत्तकंबल-अइरत्तकंबलाहिहाणाहिं सिलाहिं परियरिया। पुव्वा-ऽवरासु सिलासु. "दोणि दोण्णि सीहासैणाई, दक्षिणुत्तरामु य एक्ककं ।। __ तो गहियतित्थयरा पंडुकम्बलाहिहाणं सिलमल्लीणा सुरणिवहा। अंकणिवेसियतित्थयरो य उवविट्ठो सीहासणे सुराहिबई । तओ पहयबहुविहाउज्जगरुयसैद्दब्भरियमहिहरविवरकुहरुच्छलंतपडिरवावूरियखुहियणीसेसतिहुयणं वेल्लहलणच्चिरऽच्छर सतोसपयट्टकरणंगहारं मिलियलयगेयतालं उच्छलियवेणुवीणाकिन्नरगेयरवं उक्कुटिसीहणायाउलं जयजयसद्दपूरियणहंगणं वसहसिंगुच्छलन्तजलपब्भारावूरियमहिहरकुहरविवरं कयं बत्तीसमुरिंदेहिं पत्तेयं कणयकलसहसहस्सेणं सव्वोसहिसणाहेणं खीरोयवारिणा विहीए मज्जणयं । विलित्ता-ऽलंकिओ य सच्चाए थुणिउमाढत्तो
कह कीरउ मंडणयं तुह पहु ! अम्हारिसेहि भत्तीए ?। भूसन्ति तुहंगाई जयभूसण ! भूसणाई पि ॥ ११९॥ जं जं चिय किल कीरइ तं तं चिय तुम्ह देहसोहाए । कणयासण्णट्ठियपित्तलं व ण हु रेहइ जिणिंद ! ।। १२० ।।
तओ एवमभिणंदिऊण सव्वालंकारविभूसिओ देवर्दैगुलुच्छाइयसरीरो वरपारिजायकुसुममालॉलंकिओ णिहित्तगुट्ठदिव्वमूहयरसो णीओ जणणिसमीवं जयगुरू । अभिणंदिया य जणणी सुरिंदेण--
१ किम्व सू। २ गामम्पि सू। ३ याणंति जे । ४ तुलन्ति सू। ५ "लदिसर्फ जे । ६ पडुपडह जे । ७ "भुयणो जे । ८ "पेच्छिय जे । ९ वित्थरियो जे । १. सुया जे । ११ दोण्हि दोण्हि सू। १२ सणाणि जे । १३ यसदसदभरि जे सू । १४ "सिंगगुच्छ जे सू। १५ °सएणं सू । १६ दुगुलछाइय सू । १७ लंकरिओ जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |