Page Text
________________
चउप्पन्नमहापुरिसचरियं । ___ इइ एएहिं वीसहिं ठाणेहिं विमुज्झमाणपरिणामो सयलजणसलाहणिजे तित्ययरणाम-गोत्तं कम्मं बंधइ । एयाणि य वहरणाहेण सव्वाणि वि ठाणाणि फासियाणि । बाहुणा य ओसह-आहाराइणा साहुजणवेयावच्चेणं उबज्जियं चक्कवष्टिफलं कम्मं । सुबाहुणा वि साहुवीसामणापेसत्तेण उवज्जियं अञ्चन्तबाहुबैलं ति। वइरणाभो य पइदिणं वाहु-सुपाहणं पसंसं करेइ । तओ पीढ-महापीदेहिं संपहारियं जहा-जो उवयारपरायणो सो पसंसिज्जइ, अम्हे पुण झाण-ऽज्झयणकिलन्तदेहा ण पसंसिज्जामो ति । एयं च दुव्यवसियं णालोइयं गुरूगं, ण गरहियमप्पणा, बद्धं च मायापञ्चइयं इत्थीविवागफलं कम्मं । एवं च चरिऊण चोद्दसपुचलक्खे पन्चज्जाविहाणेणं दुचरं तवचरणं, पाओवगमणविहिणा पालिऊणमाउयं छ वि जणा सव्वट्ठसिद्ध विमाणे तेत्तीससागरोवमाऊ उववण्ण त्ति।
तत्य य गिराबाहं सिद्ध व्व सुहमणुहविऊण कमेण चुया । तत्थ पढमो वहरणाहो चइऊण इहेव जंधुदीवे दीवे भरहस्स दाहिणद्धमज्झिमखंडे तइयाए समाए बहुविकताए चउरासीपुत्रसयसहस्सेसु एगूणणउईए पक्खे य सेसे आसाढबहुलपक्खचउत्थीए उत्तरासाढजोगजुत्ते मियंके णाभिस्स कुलगरस्स 'मरुदेवासामिणीए कुच्छिसि पुत्तत्ताए समुववण्णो त्ति । जीए य रयणीए भगवं समुप्पण्णो तीए चेव रयणीए वरपल्लंकगया रइहरपमुत्ता एए चोइस महामुमिणे मरुदेवी पासइ, तं जहा-मुविहत्ततियं थोरोरुखधं पीवरककुहं खामोयरं पलंबवालहिं सरयऽभधवलदेहं कंचणकिकिणिमालापरियरियं वसहं । एवमण्णे वि गय-सीहाइए चौदस महामुमिणे दळूण मुहविबुद्धा । तो णिदासेसकसायलोयणा मंथरमणहरबहलपम्हलुम्मिल्लंतनेत्तसंपुडा मासरासि व्ब तरणिमंडलं, धणसंपय व्व धणयं, चंदिम व चंदबिम्ब, रइ व्व रइणाई, सइ व्व सुराहिबई, सया सण्णिहिया समणुरत्ता य णाभिकुलयरमुवट्ठिया। कहिया य तीए जहाविहिं बसमाइया चोइस महासुमिणा पिययमस्स । तेणावि हरिससियहियएणं आणंदबाहजलभरियलोयणेणं बहलुच्छलतरोमंचेणं भणियं-मुंदरि! फलियं सुकयपुष्वज्जियतरुणा, समिद्धाओ गुरुयणआसीसाओ, सूइओ ते चोदसहि वि महामुमिणएहिं तेलोकऽच्छेरयभूओ सयलजणसलाहणिज्जो मुरासुर-गरिंदमउडमणिमसिणियपायवीटो पुण्णरासी पुत्तो, ता देवि ! पुष्णा अम्हाण मणोरहा, जाया जयस्स वि णयणणेव्युती। तो तमायष्णिऊण वियलियहिययावेया समूससियसरीर-मणोरहा हरिसवियसियफुल्ललोयणा अभिणंदिऊण पियवयणं पुत्तजम्मुन्भु(? स्मु)यहियया मरुदेवासामिणी पर संतोसमुवगया।
एत्यंतरे चलियासणागएणं सोहम्मसुराहिवइणा अहिणंदिओ नाहिकुलगरो जहा-भो रायाहिराय ! सयलजयचूडामणी तेलोकपियामहो पयडियसंसारमोक्खपहो परहियएकरी उज्झिऊण सम्वट्ठविमाणसुहं पणसुहविवेए खिलीभूए मोक्खपहे भरहवासे तुहकुलणहयलमियंको पढमवरधम्मचक्कवट्टी तित्थयरो समुववण्णो। एवमभिणंदिऊण कुलगरं, पसंसिऊण य महुरवग्गूहि थुइसंबद्धाहिं मरुदेवासामिणी गओ सट्टाणं सुराहिवती।
मरुदेवासामिणी वि तप्पभिई चेव उदयपव्वयन्तरियचंदबिंबं व पुष्वदिसा समुम्मिलंतकंतिदित्तिपसरा ईसीसिपंडुगंडयला ससीह व गुहा, अमयगब्भ व्व ससिलेहा जाया य सविसेसाभयप्पयाणमणोरहा । अणुदिणं पवड्ढमाणसुहऽज्झवसायजणियधम्माहिलासा पच्छण्णगब्मा गभं वोढुमाढत्वा । णाहिकुलगरी वि मोक्खपायवाऽमोहबीएणं पुत्तसम्भवप्पभावेणं अहिययरं मिहुणपुरिसाहिणंदणीओ जाओ। जाया य सविसेसमुहकप्परुक्खाणुहावा । सव्वत्थोवसन्ततिरिय-मणुयवेराणुबंधा इक्खागभू । तओ वोलीणेसु नवसु मासेसु अहमेमु राइदिएसु चेत्तस्स बहुलष्टमीए अड्ढरत्तसमए उत्तरासाढजोगजुत्ते मियंके अमुणियवेयणाणुभावा तेलोकाणंदहेउभूयं पुनदिस व्व तरणि मंडलं मरुदेवासामिणी सुहंमुहेण दारयं [? दारियं च] पसूया। जायं च तक्खणमेव उवसन्तरयं पसण्णदिसावलयं मणहरसुहालोयं गयणमंडलं । किंकरकरतालणाणवेक्खाओ जायणिग्योसाओ य दुंदुहीओ। किंच जणणयणचवकारकारी विज्जुज्जोयाहिओ सव्वलोए खणमेत्तमुज्जोओ वियम्भिो ।
तो जर-रुहिर-कलमलकलंकरहिए जाए तिलोयणाहे अहोलोयवत्थयाओ चलियासणाओ अट्ठ दिसाकुमारीओ समागयाओ, तं जहा
१ पसत्येण जे । २ बलन्ति सू। ३ दुच्चरन्तवं सू । ४ मरुदेवीसा जे। ५ भास व्य त स । जे । ६ सूसुयहिं सू । ७ सामिणी सू।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |