Page Text
________________
१ रिसहसामि- २ भरहचकवटिचरियं ।
३३ संपज्जन्तपंचविहे कामभोए । एवं च रइसागरावगाढस्स पसाहियासेसमहिमंडलस्स पूरियपणइयणमणोरहस्स सेवन्तस्स साहुचलणे, करेंतस्स जिणाययणेसु पूया-सकाराइयं, पालेंतस्स दाण-सील-तवो-भावणारूवं चउन्विहं धम्माणुट्ठाणं चक्कवट्टित्तणेणं गया चउवीसइं पुव्वलक्खा ।
अण्णया य वइरणाहपुण्णाणुभावेण वियसावेतो भवियकमलायरे, अवणितो मोहेणिदं, तेलोक्कपियामहो जगगुरू अरहा सवण्णू सव्वदरिसी पुंडरिगिणीए णयरीए उत्तरदिसाभूभाए समोसरिओ। विरइयं देवेहि समोसरणं तिपागारोववेयं जोयणवित्थिण्णं । वइरणाभो वि उवलद्धतित्थयरागमणो हरिसवसुप्फुल्ललोयणो चउसहोयरसमेओ सह सारहिणा गओ तित्थयरसमीवं, वंदिओ रोमंचकंचुइल्लेण, काऊण तिपयाहिणं उवविट्ठो चलणंतिए। ससुरा-ऽसुरपरिसमज्झयारे सिंघासणम्मि उवविट्ठी जगगुरू धम्मं साहिउमाढत्तो जहा-जंतुणो मिच्छत्ता-ऽविरइ-पमाय-कसाय-जोगेहिं बंधन्ति अट्ठपयारं कम्म, तक्कम्मपरिवागवसेण य हिंडंति संसारकन्तारं, जह य सम्मइंसण-णाण-चरणसामग्गीसमणिया छिदिऊण संसारणिबंधणं कम्मपरिणइं गच्छंति मोक्खं । एवं च छिज्जतेसु संसएसु, पयासिज्जतेसु हिययभावेसु, साहिज्जतेसु पुन्वभवेमु, केइ उवसंताणताणुबंधिणो पडिवज्जंति सम्मत्तं, अण्णे खोवसमगएमु अपच्चक्खाणेसु अब्भुवगच्छंति देसविरई, केइ पुण ववगयपञ्चक्खाणावरणोदया पडिवजंति महापुरिससेवियं पञ्चज्जं ति । ___ तओ लद्धावसरेणं पुव्वभवऽभाससंजायसंवेगेणं परितणुयकसायपरिसेसियकम्मुणा ससहोयरेणं भणियं वइरणाहेणंभगवं ! तुहाणुभावेणं पावियमसेसमिहलोयसंवद्धं मणुयजम्मफलं, कओ य जेट्टपुत्तस्स रज्जाहिसेओ, संपयं भगवया तिहुयणगुरुणा णिज्जामएणं णिविण्णकामभोगा संसारं तरिउमिच्छामो। अमयकलसमुवरिपल्हत्थंतेण विय भणियं भगवयादेवाणुप्पिया ! मा पडिबंध करेहि । त्ति भणिऊण पव्याविया पंच वि जणा वइर[? सेण सामिणा सारहिसमेया णियगैणहरेण ति। तित्थयरो य वइरसेणो सेलेसीविहाणेण खविऊण भवोपग्गाहीणि चत्तारि वि कम्माणि सिद्धो। इयरे वि विहरिउमाढत्ता।
वहरणाभेण य अहिज्जियं आयाराइयं मुत्तं, पढियाणि चोइस वि पुन्वाणि, बद्धं च वीसहि ठाणेहिं तित्थयरणामगोत्तं कम्मं । ताणि य इमाणि, तं जहा
तित्थयरागमणमायण्णिऊण हरिसियहियओ ससत्तीए दाणाइए पयट्टइ, तित्थयरपडिमाण पडिजागरणं करेति, तित्थयरावण्णवाय च जहासत्तीए णिवारेइ, जहावट्टियतित्थयरपरूवणं करेइ, एवमादि तिस्थयरेसु वच्छल्लं करेइ १ । सिद्धाण य सिद्धखेत्तेसु सिलाइएमु पडिजागरणं करेति, जहावट्टियसिद्धपरूवणेण य सिद्धाणं वच्छल्लं करेइ २। पवयणस्स य बारसंगस्स गणिपिडगस्स तयाहारस्स वा संघस्स अवण्णवायपडियायणे पयट्टइ, तयुब्भासणं वा करेइ, सहइ य जहावढियं, परूवेइ में सब्भावपरूवणाए, इच्चाइ पवयणस्स वच्छल्लं करेइ ३ । गुरूणं च अंजलिपग्गहाइणा आहारोसहाइणा य वच्छल्लं करेइ ४ । पन्चज्जाए वीसइवरिसिओ, वएणं सटिवरिसिओ, सुएणं समवायधरो, एवं तिप्पयारथविराणं जहासनीए पालणाइणा वच्छल्लं करेइ ५। एवं अत्थओ बहुस्सुयाणं वच्छल्लं करेइ ६। तहा तवस्सीणं च उववूहण-विणओसहाइणा वच्छल्लं करेइ ७। अभिक्खणं च णाणे उवओगं करेइ ८। तहा सम्मइंसणे ९ णाणाईए विणए १० अवस्स करणिज्जेसु इच्छामिच्छाकाराइएमु जोएसु ११ मूलुत्तरगुणेसु य जहुत्ताणुट्ठाणेण य अणइयारे वट्टति १२ [? तहा अप्पमाइत्तणेणं खणे खणे सुहज्झाणे वट्टति १३ ।] अणवरयं च जहासत्तीए बारसविहतवविहाणे उज्जमति १४ । जइजणे य फायदाणेणं चायं करेइ १५ । सदा दसविहवेयावच्चरओ १६ । आयरिय-गुरु-थेर- बहुस्सुय तवस्सिप्पभिईणं जहाजोम्गमोसहाइणा समाहिं उप्पाएति १७ । तहा पदिदिणमपुचणाणग्गहणं करेइ १८ । सुए य अञ्चन्तभत्तिं वित्थारेइ १९ । पवयणपभावणं च सव्वत्थामेणं करेइ २० ।
१ मोहणिदं जे । २ सिंहासणम्मि जे । ३ ण गणहरेण पब्वा सू । ४ सामिसारहिं सू । ५ गणहरेणं ति जे। ६ य जे । ७ सम्वत्थामं कजे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |