Page Text
________________
३२
चप्पन्नमहापुरिसचरियं ।
अम्हे तुह धम्मविग्धं करिस्सामो' त्ति एवमणुजाणावेऊण तेल्लेण अन्भंगिओ साहू । तओ उन्हयाए तेल्लस्स, अर्चितसत्तित्तणओ ओसहाणं तैयावियलिंदिया सव्वे संखुद्धा । पच्छाइओ कंबलरयणेणं, तर्हि च सीयलभावमुवगया सब्वे लग्गा । गहिऊण य वेज्जपुत्तेणं गोमयकडेवरे पक्खित्ता । गोसीसचंदणविलेवणेण आसासिओ । एवं बीवाराए मंसगया तइयवाराए अगिया सव्वे वि अवणीया विगलिंदिया । आलिंपिओ गोसीसचंदणेणं । जाओ य समासत्थो । अचिन्तसत्तित्तणओ ओसहसामत्थस्स पडणो साहू विहरिउमादत्तो त्ति ।
इयरेय पवड्ढमाणसुहविवेया गया य सिद्धायरियसमीवं । वंदिओ गुरू, उवविद्या य चलणंतिए, पुच्छिओ य णेव्वागमपच्चलो धम्मो । तओ गुरू साहिउमाढत्तो- “देवाणुप्पिया ! इह जीवेसु पहाणं जंगमत्तं, तत्थ वि पंचिंदियत्तणं, तओ वि मणुयत्तं तहिं पि आरियखित्तं, तत्थ वि सुकुलुप्पत्ती, पुणो वि दीहाउयत्तणं, तर्हि पि आरोग्गं, एत्थ [वि] विसरूवं, रूवे व धम्मबुद्धी, तीए वि सुहगुरुजोगो, तत्थ वि तव्त्रयणासेवणा, पुणो वि विरतिपरिणामी, पुणो वि पवड्ढमाणसंवेगया, तत्थ वि सव्वसंवररूवा पव्वज्जत्ति । अत्रिय
अइभीसणबहुविहजोणिलक्ख गुम्मोहभवकडिल्लुम्मि । जइ कहवि कहिं पि कयाइ जंतुणो होइ मणुयत्तं ।। ९९ ।। तंपि अणारियखेत्तम्मि धम्मसुइवज्जियम्मि सँष्णाण । णियकम्मपरिणईए जियाण परिगलइ पसुसरिसं ॥ १०० ॥ आरियखेत्तं जाई कुल-रूवाऽऽरोग्ग-माउयं बुद्धी | धम्मम्मि कहवि जायइ सुहगुरुजोगो उण दुलम्भो ॥ १०१ ॥ लहिऊण महामुणिसँगमं पितव्त्रयण सेवणमहण्हो (ष्णो) । ण हु लहइ कौपि तं पि हु पात्र पुण्णेहिं पुण्णेहिं ॥ १०२ ॥ इय सामग्गि लहिउं सद्धा-संजमविहाणगुणकलियं । आसण्णसिद्धियाणं जायइ बिसएस वेरगं ॥ १०३ ॥
ओ देवाणुपिया ! एसा कल्लाणपरंपरा अणाइणिहणे संसारे ण कयाइ जीवेणं लद्धपुव्वा, लहिऊण य एयं खणं पि खमं पमायारणं"। तओ सुणिऊण गुरुवयणं उवसन्तपञ्चक्खाणावरणतइयकसाएहिं भणियं पंचहि वि जणेहिं सवाहाणेण यछण-भयवं ! जइ एवं ता देहि अम्हाणं कम्मसेलासणिं पव्वज्जं ति । भगवया य ' तह ' त्ति भणिऊण पन्वाविया । विहरिऊण य जहुत्तविहारेणं कालं काऊण वारसमे अच्चुए कप्पे बावीससागरोवमाऊ देवत्तणेणं उववण्ण त्ति ।
भुंजिऊण य तत्थ भोए चुया समाणा इहेव जंबुद्दीवे दीवे पुच्चविदेहे पुक्खलावइजिए पुंडरिगिणीए णयरीए वरसेणस्स नरवणो धारिणीए देवीए पंच वि क्रमेणं समुववण्णा । तत्थ पढमो वेज्जउत्तो वइरणाहो, बीओ रायकुमारो तइओ मंतिपुत्तो सुबाहू, चउत्थो "सेट्ठिसुओ पीढो, पंचमो सत्थवाहपुत्तो महापीढो । एवं कमेण जाया वड्ढिया कला | विवाह य कुल-रूबजोग्गाओ दारियाओ । केसवाहिहाणो चइऊण वइरनाभस्स सारही जाओ । मुंजंति भोए । सरइ संसारो ।
बाहू,
या सिं पिया वइरसेणो दाऊण पुत्तस्स रज्जं उइण्णतित्थयरणामकम्मैपरिणामो 'सयंबुद्धो कप्पो' त्ति काऊण सारस्यमाच्चाइदस विहलोगंतियप डिबोहिओ ससुरासुर-मणुयपरिसमज्झयारम्मि पंचमहव्वयमहापइण्णामंदिरमारूढो विहरिउमादत्तो । तओ विहरिऊण मोणेणं, लहिऊणापुव्वकरणं, आरुहिऊण य खवगसेटिं उम्मूलिकण णिबिड - कम्मोह जालं उप्पाडियं तीया- ऽणागय-विप्पट्टभावुब्भासणं केवलणाणं वइरसेणेणं ।
वइरणाभस्त अणुभूयतीस पुब्बलक्खकुमार भावस्स अइकंतसोलसमंडलियराइणो तित्थयर केवलणाणुप्पत्तिदिवसे चैत्र आउहसालाए वइरतुम्बं सहस्सारं जक्खसहस्सेणं परियरियं उप्पण्णं चक्करयणं । जायाणि कमेण चोदस वि जक्खसहस्सपरियरियाई महारयणाणि । उप्पण्णा य रयणसमिद्धा पत्तेयं जक्खसहस्सपरियरिया अक्खया णव महाणिहिणो । ओयवियं च वइरणाभेणं कमेण पुक्खलावइविजयं । कओ चक्कवट्टिरायाभिसेओ । परिणीयाई चउसहिसहस्साई कण्णयाणं । जाओ बत्तीसहस्साणं मउडबद्धाणं राईणं रायाहिराओ । भुंजइ य बाहु- सुबाहु पीढ - महापीढच उस होयरसमेओ अइप्पिय१ तयोर्वि ं सू । २ ‘अवि य' इति पुस्तके नास्ति । ३ प्रमादिनाम् । ४ कोइ जे । ५ सेट्ठिपुत्तो सुपीढो सू । ६ परियरिंडं जे।
Jain Educaton रयणाई जे ।
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |