Page Text
________________
१ रिसहसामि-२ भरहचक्कवहिचरियं । तस्थ य इंजिऊण भोए आउयसेसयाए चइऊण महाविदेहे वासे रसाहिहाणेस्स वेज्जस्स पुत्तत्तेणं समुप्पण्णो, पइहावियं च से णामं जीवाणन्दो त्ति । तीए रयणीए अण्णे वि चत्तारि दारया समुप्पण्णा, तं जहा-राइणो ईसाणचंदस्स कणयमतीए भारियाए महिहराहिहाणो कुमारो, सुणासीरस्स मंतिणो सुणासीराए भारियाए सुबुद्धी, सायरदत्तस्स य सस्थवाहस्स अभयमतीए भारियाए पुण्णभद्दाहिहाणो, अवरो य धणयसेहिस्स सीलवईए भारियाए गुणायराभिहाणो पुत्तो त्ति। एते पंच वि सह वड्ढिया, कलाओ य सह गहियाओ। अण्णो वि सयंपभाजीवो तत्थेव णयरे ईसरदत्तस्स पुत्तो केसवाभिहाणो जाओ, तस्सेव मित्तो छटो ति । जाया ते सहपंसुकीलणेणं परोप्परपीई । वेज्जपुत्तेण य जीवाणंदेण सिक्खिओ अटुंगो आउवेदो । तओ य महावेज्जत्तणेणं पसिद्धो लक्खेइ जहटियं वाहि, उवलहइ णियाणे, पउंजइ जहाजोग्गमोसहं, दिट्टकम्मत्तणेण य ण विसायमुवगच्छइ, उवसमेइ सण्णिवायपमुहे महावाहिणो।
एवं च संसरंते संसारे, गच्छतेसु दिवसेसु, बटुंते अण्णोण्ण वीसंभपणयपसरे अण्णया भवियव्ययानिओएणं जीवाणंदस्स वेज्जस्स मंदिरे सुहासणस्थेहिं पंचहिं वि वयंसएहिं गुणायराहिहाणो पुहइपालस्स राइणो पुत्तो दिट्टऽविणियपणइणि व चइऊण रायसिरि उक्वित्तपंचमहव्यबहारो बारसंगविऊ चोद्दसपुची पडिवण्णविविहाभिग्गहो दिट्ठो महारिसि त्ति । सो य किमिकुटुमहावाहिवेयणाभिभूअसरीरो वि णिप्पडिकम्मसरीरयाए णोहिलसइ चिकिच्छं, ण पत्थेइ ओसहं, ण चिंतेइ वाहिसमणोवायं, ण अण्णेसइ वेज्जं, महासत्तयाए य अहियासन्तो विखि(ग)लिंदियवेयणं, छट्ठस्स पारणए कयाभिग्गहो अप्पलेवं चउत्थं भिक्खहाणं गोमुत्तियाँविहाणेणं घरंघरेण अन्नेसंतो आहारट्ठी वेजघरमुवडिओ । तं च दणि जायविवेएणं उम्मिल्लसुहऽज्झवसाएणं महिहरकुमारेणं सपरिहासो भणिओ जीवाणंदो वेज्जपुत्तो जहा-भो जीवाणंद ! सव्वहा तुम्हेहिं दुक्खज्जियऽत्थऽत्थेहिं संपइ विउसेहिं विय परोवगरणेहिं होयचं, ण अत्तणो हियमणुचिट्ठियव्यं, जो तुम्हे सया महुयर व दाणरुइणो, वेसाजणो ब पलोवेह अत्थवन्तं, पच्छिमासादिवायरो व अस्थमणा ण एरिसाणं महामुणीणं संसारालम्बणहेउभूयाए चिगिच्छियाए अप्पाणं सुहपरंपराए भायणं कुणह । तओ पडिबोहिउ व्व ववगयमुच्छाविवेउ व्व दिट्टमहाणिहिकलससमूहो ब वियलन्तकम्ममहाभरपसरो जीवाणंदो भणि(चिंति )उमाढत्तो-अहो ! सोहणविवेओ रायपुत्तो, विम्हिओ अहमेयस्स चरिएण, जओ अरोसणो मुणी, अखलो धणइत्तओ, पियभज्जो अणईसालू , Kसीलओ य जारजाओ, णिरोगो सरीरी, सुही भोगासत्तो, अदरिदो विउसो, अवंचणो. वणिओ, अपसत्यो बम्भणो, सुचरियरओ य रायउत्तो, पयइवियारत्तणेणं उप्पायबुद्धिं जणेइ लोए, ता सोभगमणेण भणियं, करेमि अहं एयस्स महामुणिणो संसारुत्तारणसेउभूयं तिगिच्छं । चिंतिऊण भणियं जीवाणंदेण-करेमि तिगिच्छं जइ तुम्हे ओसहाइसहाया होह । तेहिं भणियं-केण कजं ? भणम् । वेज्जमुएण भणियं-सयसहस्समुल्लेणं तेल्लेणं कम्बलरयणेणं गोसीसचंदणेण य, सयसहस्सपागं तेल्लं तं मह चेवमत्यि, इयराणि "दोन्नि वि महेसरसेटिस्स वीहीए लब्भन्ति ।
गया ते दोणि लक्खे घेतूण सेहिसमीवं। भणिओ य तेहिं सेट्ठी जहा-तुमं घेत्तूण दोष्णि लक्खे दीणाराणं अम्हाणं कंबलरयणं गोसीसचंदणं पयच्छ । तेण भणियं-किं पओयणं ? । तेहिं जहिं(?ह)द्वियमेव 'साहुतिगिच्छाणिमित्त'मिति कहियं । तेण वि य वियलन्तकम्मुणा उम्मिल्लिजंतसुहऽज्झवसाणेणं चिंतियं-अहो ! एए वि जोव्वणपिसायोलिट्ठहियया अपरिवकमइणो धम्मकरणं पति उवटिया ता किं पुण अहं मच्चुमुहजीहाए व जराए अभिभूयविग्गहो ण करेमि धम्मं ?, ण किणेमि असारेण अथिरेण सारं सासयं पुण्ण सिं? ति । इइ चिंतिऊण भणियं-अहो ! सोहणो तुम्हारिसाणं विवेओ, गिन्हह कंबलरयणं गोसीसचंदणं च, कुणह तस्स महामुणिणो तिगिच्छे', मुल्लं च महं पुण्णमक्खयं, ण बज्झेणं सव्वसाहारणेणं धणेणं पओयणं ति भणिऊण दाऊण य ओसह, पवड्ढमाणसंवेगो य लहुकम्मयाए गंतूण य तहाविहाणं आयरियाणं सगासे, पन्वजिऊण पन्चजं, मिंदिऊण मोहजालं, खविऊण य असेसकम्मं, पत्तो णिराबाहं मोक्खं । इयरे थे पंच वि वयंसया गया साहुसमीवे । दिट्ठो य काउस्सग्गडिओ णग्गोहस्स हेहओ साहू ।आणियं च गोमडयं । 'भयवं!
MA पता या "भारी जाणोऽहिल जे। ५ याभिहाणेण साह रायउत्तो जाणवता जे। ८ सुसीलो य जे । ९ चेयम जे । १०-११ दोण्हि सू । १२ यालिद्धदेहा अपरि' जे । १३ सारयं सू । १४ रासिन्ति सू । १५ Jain Edच्छं ति, मुलं सू । १६ विजे।
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |