Page Text
________________
३०
चउप्पन्नमहापुरिसचरिय
ता मित्त ! वच्चमु सिग्धं तीए समीवं । सा तुमं दट्टण णियाणाणुबंधं करिस्सई" त्ति । एवं भणिऊण गओ इंदसामाणिओ णिययविमाणं । ललियंगओ य [? गओ] दाऊण उवओगं अंबरतिलयं पञ्चयवरं। दिट्ठा णिण्णामिया अणसणद्विया, दंसिया देवरिद्धी, कओ णियाणाणुबंधो तया। तो अणसणविहिणा खविऊणमाउयं उववण्णा ललियंग[ यस्स सयंपभा णाम महादेवित्तणेण ।
तओ रइसागरावगाढस्स ललियंगयस्स कम्हि काले अइक्कते चवणलिंगदंसणेण भयमुप्पण्णं । लक्खिओ य सुष्णहिययत्तणेणं सयंपभाए, पुच्छिओ य-सामि ! किमुव्वेक्कारणं ? । तेण भणियं-सुंदरि ! संसारविलसियं, अवि य
'ये च्चिय णवपल्लवकुसुमगोच्छपेच्छादिया धिर्ति देति। ते चेय कप्पतरुणो उचियणिज्जा महं जाया ॥९॥ जो चिय मणहरकरणंगहारसमतालगेयसंवलिओ। णट्टारम्भो सो चिय उव्वेवं जणइ हिययस्स ॥९१॥ ज चिय हियइच्छियसंपडन्तसयलिंदियत्थसुहमुहया। तियसिंदपुरी स चिय हरियंदपुरं व पडिहाइ ॥ ९२ ॥ इय जं जं चिय पुलएमि सुयणु ! रमणीयगुणगणग्यवियं । सग्गे रइसुहमग्गे तं तं चिय अन्नहा जायं ॥ ९३ ।।
तओ तीए भणियं-किंचवणलिंगमुवलक्वियं ?। तेण भणियं-आमं। तीए भणियं-किं चिंताए?, एहि गच्छम्ह जंबुद्दीवधायइसंड-पुक्खरद्धेमु भरहेरवय-विदेहेसु, तित्थयरजम्म-दिक्रवा-णाण-वक्खाण-णेव्वाणभूमीओ वंदम्ह, वक्खारपव्यएमु य बाहिरएमु य गंदीसरवरादिएसु दीवेसु सासयपडिमाओ पुज्जम्ह । तओ ललियंगओ पसंसिऊण सयंपलं सभज्जाओ ओतिण्णो तिरियलोयं, जहाई वंदिउमाढत्तो तित्थयरे तित्थयरचेइयाणि य, काऊण य पूर्य, दंसिऊण य गट्टविहि, गओ णिययत्थामं । तओ कइवयदिवसेसु पेच्छंतीए सयंपभाए इंदधणुं पिव सहसा असणमुवगओ।
चुओ य समाणो इहेव जंबुद्दीवे दीवे पुव्वविदेहे वासे सीयाए महाणदीए उत्तरे कूले समुद्दासण्णपुक्खलावइविजए लोहग्गले णयरे सुवण्णजंघस्स राइणो लच्छीए भारियाए कुच्छिसि पुत्तत्तेणं समुप्पण्णो, पइटावियं च णाम वइरजंघो ति।
सयंपभा वि तैयणंतरमेव चुया वइरदत्तस्स गरवइणो धारिणीए देवीए धूयत्ताए समुरवण्णा, पइटावियं च णामं सिरिकंत त्ति । पत्ता य जोवणं । पिउणा य सयंवरे दत्ते तीए पुन्वभवन्भासओ जायसणेहाए वइरजंघो वरिओ, वत्तो विवाहो, मुंजति भोए। परिणओ य [? पुच्च भवभा(भा)सेण जिणदेसिओ धम्मो। पिउणा य पुत्तस्स काऊण रज्जाहिसेयं पवजाविहाणेणं सकजमणुचेट्टियं। वइरजंघस्स य सिरिकंताए भारियाए पुत्तो समुप्पणो, वढिओ पत्तो य जोव्वणं ति। ___ अन्नया य धवलहरसत्तमभूमियाए ठियस्स वइरजंघस्स सिरिकताए भारियाए केसे उम्मोयंतीए कण्णासणागयं अवंझसुहऽज्झवसायबीयं समुव्विग्गाए दंसियं एगं पलियं । तओ तं दट्टण वियलियमोहंधयारेण राइणा [ ? भणियं]-सुंदरि ! किमधिग्गासि ?, धम्मतरुवीयमेयं पलियच्छलेणं समागयं ति, जओ--
अवणेइ कलुसभावं सुंदरि ! ससिरोरुहस्स हिययस्स । कारेइ मई धम्मे जराए सरिसो सुही गत्थि ॥ ९४॥ परिहरसु विसयसंगं, उज्झसु असमंजसं, तवं चरम् । इय भैणइ व णिहुयं सुयणु ! कण्णमूलागयं पलियं ॥९५ ॥ मजाइक्कमणरओ जोव्वणमहुबोहिओ जणियराओ । सणियं ओसरइ मओ सुंदरि ! निदाए वि(व) जराए ॥९६॥ ववगयजोव्वणगरुयत्तणेण णिहुयाइं पयइधवलाई । सरसलिलाई व सरए जराए जायंति हिययाई ।। ९७ ॥ इय जातगरुयसंवेगजणियपव्यज्जसज्जववसाओ । अच्छइ राया जा गलियबंधणो सहयरिसमेओ ॥९८॥
ताव य संजायमहामोहेणं अमुणियमहारायचित्तेण संसारसुलहेण दुरऽज्झवसायववसिएणं रजकंखुएण भोगाहिलासिणा पुत्तेण आसुजीवावहारिणा धूयप्पओगेणं रइहरपमुत्तो सह पियाए वावाइओ, मरिऊण उत्तरकुराए तिपलिओवमाऊ तिगव्वुस्सुओ मिहुणत्तणेणं सह पियाए समुववण्णो त्ति । ___ तत्तो य आउयमणुवालिऊण मरिऊण अप्पकसायत्तणओ पुवज्जियपुण्णसम्भारत्तणओ य सोहम्मे कप्पे देवत्तेणं सह भारियाए उववाणो त्ति।
१ जि जे । २ तयणन्तर जे । ३ समुप्पण्णा जे । ४ हरे सजे । ५ कहइ जे । ६ मणुपालिऊण जे।
Jain Education Internatona
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |